Zyeremii 51:3 - Cebaara Bible 2010

³ Wee wi wi sedegi kíle lè, wi a ní kɔ́ gbǎn gi kíle í, wi a ní kɔ́ gbǎn wi túnmɔri búrogo le bi yére í! Yele a kɔ́ wi nìgɔcariwaa yaʔa í! Ye wi kapɛɛnkpumɔnbèle myɛ kwɔ́ɔ péw!

Zyeremii 51:3 Iomraidhean Croise

Ŋúnuyi 137:9

Wee wi a mɔ piibèle cò bi kpúmɔn tɔ́nʔɔnɔ fálagi na lè, wee bee i nyɛ dùba pyà.

Zyeremii 46:4

Ye syɔ́ɔnyi pwɔɔ, ye lúgu, syɔɔnfǎnbèle! Ye sa yeyɛɛ dɛ̀ɛn ní yele túnmɔri nyùndɔnyɔ ní, ye yele tàbaabèle sámaga ye kurugo, ye túnmɔri búroyo lè.

Zyeremii 50:14

«Ye yeyɛɛ zámaga kapɛɛnni kánma na, ye Babilɔni màʔa, yele bele myɛ ye nyɛ lè sedeyi fɔ̀ɔlɔ! Yaa wi ŋɔɔgi, ye a kɔ́ ŋáayi kɔn yaʔa í! Níì cán wi n kapeele pye Yawe na.

Zyeremii 50:21

Lúgu mi kári Meratayimi tári kánma na, lúgu mi kári Pekɔdi syɛ́ɛnbèle kánma na! Pe kálagi péw, mɔ a kɔ́ wàa yaʔa í,» Yawe wi jo nya. «Gee mii joo n gbàn mɔ ma lè, ki myɛ kpéʔele!

Zyeremii 50:27

Ye wi náapegèle myɛ kpóo, ke n yɛlɛ bi tìgi kaàkpoo-tɛ́ɛgi ma. Wɔʔɔli a pye ge na! Níì cán ke cángi n nan, ki lè ge cângbumɔngi.

Zyeremii 51:53

Alí Babilɔni ga lúgu fwɔɔ n sáà nan nyɛ̀ʔɛni na, àlí wi ga wi kpaataʔa-tɔ́nɔyi pye fwɔɔ wàa a gbǎn jée yi ni í, mii a kálagifɔɔlɔ tórigo wi kurugo,» Yawe wi jo nya.

Zyeremii 9:21

Ki joo mí jo: «Syɛ́ɛnri naa Yawe joo níì jo: ‹Syɛ́ɛnbèle kúcere a too àmɛɛ kariga nyɛ lè séyi ni, ní àmɛɛ yaliipwɔɔlɔ nyɛ lè yaliilaaɔ kadoʔo ma, wàa o li lée í!› »

Làlwaw Kaanziin 32:25

Kàfugi na, ŋɔséew a ra be bɔ̀nɔ́ pìíbèle ni, fyáari si pye yaà be na fungo ma. Nigɔcaribèle ní pìcaabèle a pínɛ da kálagi, n fàra pìíwee na wi ŋɔri lè, ní ǹjoofiire nànlɛɛɔ.

Zyaki 2:13

níì cán syɔ́ɔnwee wi nyɛ lè wi o nyinimɛ taagi wi syɛɛnnyɛnbèle na í, Kolocɔlɔɔ a wɔ́ɔ ba nyinimɛ taa wee bee na wi kútiiw làrijoolo ni í. Wee wi nyinimɛ taagi syɛ́ɛnbèle na lè, wee bee a ní da fɛ̀ɛgí Kolocɔlɔɔ kútiiw kéele na í.