Zyeremii 51:2 - Cebaara Bible 2010

² Mii a yaliifɛɛbéle tórigo Babilɔni ma, pe sa wi fɛɛ, si wi tári pɛ́ɛ. Níì cán pe a yìri kàbanyi myɛ na bi ba tɔ́n wi na wɔʔɔgi canʔa na.»

Zyeremii 51:2 Iomraidhean Croise

Ezayi 41:16

Mɔ a be fɛɛ ní ségbanna ní, káfalagi a be láa kári, káfala-sìnjinnɛ a be cariga. Mɔ si na, mɔ a ra fundaanra kpéʔele Yawe ni, mɔ a ra miyɛɛ gbɔ́ʔɔgi Isirayɛli Wojanw ni.

Ezayi 43:14

Yawe wi syɛ́ɛnri naa joo, woro wee wi yele nyúnyi syoo lè, wi lè Isirayɛli Wojanw, wi n jo: «Yele kéeli na mii wàa tun Babilɔni kánmi na, wi wóbèle be fé bi syɔɔ lè, bi poro myɛw tìrige bi cáan, Kalide syɛ́ɛnbèle bee be kpɔɔmɔ kpéʔele pe bàtobèle ni lè.

Zyeremii 15:7

Mii a be fɛɛ ní ségbanna ní tári kèye kpàánweegéle na. Mii a be bɔ̀nɔ pìibēle ni, mii a mii syɛ́ɛnbèle kálagi, pe lè pe ga láʔa be kóloyi na í.

Zyeremii 50:29

Ye sedeyi fɔ̀ɔlɔ yeri Babilɔni kánmi na, poro bele myɛ be sedeyi ŋɔɔn lè! Ye tɛ́ɛn ye wi màʔa, wàa faala ga yɛlɛ bi syɔɔ í, ye wi sàra bi yɛlɛ ní wi kapyegèle ní, gee myɛ wi kpéʔele lè ye koro kpéʔele wi na! Níì cán wi n wiyɛɛ gbéʔele nɛ̀ɛgbɔʔɔgɔfɔlɔ Yawe kánmi na, Isirayɛli Wojanw kánma na.

Zyeremii 50:32

Nɛ̀ɛgbɔʔɔgɔfɔw a kpírige too, syɔɔn faala si a wi yìrige í. Mii a náagi le wi kěyi na, tɛ́ɛyi myɛ yi wi màʔa lè, ki a yi sórigo.»

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Matye 3:12

Wi ségbanni i yaà wi kɔ́gi ni. Wi a wi yaliiri sámaga pɛ́ɛ wi kàsyɔɔgi na si di fɛɛ bi sa kɔn wi gbòdunni ni, si yaliisigiri le bànvigi náagi ni bi di sórigo.»