Zyeremii 51:16 - Cebaara Bible 2010

¹⁶ Lǎli ni wi ga yákpoli wáa lè, lǒyi n kpóʔoro yiyɛɛ na nyɛ̀ʔɛni ni. Wi i fàfaanyi lúrugu ǹjogi ni nlaa yaà tári láʔala ma, wi i nyɛ̀ʔɛni nyɛ́ʔɛnɛmɛ kpéʔele zěgi kéele na, wi i káfalagi yirigi yaà gi tɛɛkɔnyi ni.

Zyeremii 51:16 Iomraidhean Croise

Sélimɛ 8:1

Koro kàdoʔo ma a Kolocɔlɔɔ ní wɔ́ɔ̀ sɔ̀ngi Nowe kéeli na, ní wɔ́ɔ̀ sɔ̀ngi yaweeri myɛ kéele na di lè sìnbirigi, ní kěgi wóro di pye lè ní wi ní kɔ́rɔkpɔɔgi ni. A Kolocɔlɔɔ káfalaga yìrige, a ki i funu tári na. A lǒgi fala n séli ni tíri.

Zyɔbi 37:13

Ki i nyɛ àmɛɛ kàgbeele nyɛ, lee wi téeri ni wi tári kpúmɔn lè, wàlá àmɛɛ wi funjǎngi kapyele nyɛ, lee wi tèé be na lè.

Zyɔbi 38:22

A mɔ jée lé fwɔɔ n sáà nan lànɛɛzyiw tɛɛkɔnyɔ na? A mɔ zěsolomi tɛɛkɔnyɔ nyaa lé,

Zyɔbi 40:9

A mɔ kɔ́gi i nyɛ lé móō Kolocɔlɔɔ wógi gii? Mɔ yákpoli kàfulogo i nyɛ lé móō wi nyɛ̀ʔɛvōloli lii?

Ŋúnuyi 104:7

Mɔ n fúlo yi na a yi fàn, mɔ nyɛʔɛvololi kàfulogo báriga ni a yi kári kelekele.

Ŋúnuyi 135:7

Woro wi fàfaanyi yìrigí yaà tári láʔagéle ma, woro wi nyɛ̀ʔɛni nyɛ́ʔɛnɛmɛ kpéʔele ní zěgi ní, woro wi káfalagi yirigi wi lɔ́ri tɛɛkɔnyɔ ni a ki i funu.

Ŋúnuyi 147:18

Wi i wi syɛ́ɛnri tórogi, a ti ba ni di nyangi. Ní i wi káfalagi yìrigí, ki n ni funu, lǒgi n ni fóo.

Ŋúnuyi 18:13

Gbɛ̀ɛndelemɛ maa kíni wi yɛ́ɛgi na, bee ni fàfaanya, ní zěsolomɔ, ní naànigaɔn yirigi lè.

Ŋúnuyi 46:6

Kolocɔlɔɔ i nyɛ gi níngi ni, yafyɛn a gbǎn gi cúngo í. Kolocɔlɔɔ i gi dɛ̀ɛmɛ́ bi séli nyǐnjerigi na.

Ŋúnuyi 68:33

Tári fànya, ki n yɛlɛ yaa ŋúu Kolocɔlɔɔ ma, yaa Kàfɔw kpɔ̀ʔɔrɔlɔ ŋúnuyo ŋúu. Ŋɔ́ndaala

Ŋúnuyi 78:26

Wi n canʔafolomɔ káfalagi yìrige yaà nyɛ̀ʔɛni na ki i funu, níì wòrogulo kàbangi káfalaga yìrige wi séew báriga ni ki i funu.

Yirile 10:13

A Mowizi wi kàgbeeli yìrige Ezyipiti tári ǹjoʔo ni. A Yawe káfalaga yaʔa a gi yìri canʔafolomɔ ma ni funu tári ni, cángi bee myɛ ni, ní yébiligi myɛ ni. A ki ga pye nyǐndaligi na, a canʔafolomɔ káfalagi pan ní kúdow ní.

Yirile 10:19

A Yawe káfalaga yìrige canʔajeemɛ ma, ki maa kpɔ́ʔɔ cama. A ki baa kúdow fàari n sáà sòʔo Nyɛ́nɛri Solomɔ Lɔ́ʔɔ ni. Alí kúdopile nibin ga níì kòro Ezyipiti tásaligi tɛ́ɛgaa faala ni í.

Yirile 14:21

A Mowizi wi kɔ́gi sánʔa sólomi lɔ̀ʔɔ ǹjoʔo ni. A Yawe sólomi lɔ̀ʔɔ ŋɔrigɔ yébiligi bee myɛ ni ní káfalakpɔʔɔ ní, gee gi yìri canʔafolomɔ ma lè. A gi sólomi lɔ̀ʔɔ ceri n pye tɛɛwaʔa.

Ezekyɛli 10:5

A syerubɛnbèle fókaanya kàfulogo i lúro fwɔɔ kàfugoma kadàali na, níì pye àmɛɛ Séew Myɛ Kàfɔlɔ Kolocɔlɔɔ yákpoli nyɛ lǎli ni wi nyuu lè.

Amɔsi 9:7

«Yele Isirayɛli yòdaʔayi, yele o nyɛ mii ma àmɛɛ Etyopii ye pìibēle nyɛ lè ì? Mii ban wi Isirayɛli ye yirige Ezyipiti ni, níì Filisitini ye yirige Kafitɔri ni, níì Sirii ye yirige Kiiri ni ì?» Yawe wi jo nya.

Zyonasi 1:4

Kàjáa a Yawe káfalapeʔe yìrige ki i funu sólomi lɔ̀ʔɔ ǹjoʔo ni, a gi pye káfalakpɔʔɔ, fwɔɔ a bàtow i caa bi kabagi.

Zyonasi 4:8

Lǎli ni cángi folo lè, a Kolocɔlɔɔ káfalaga yaʔa a gi yìri canʔafolomɔ ma, gee gi sórogi lè. A cángi i Zyonasi kóri gbanʔama nyǔngi ni. A wi bárigaw myɛ kwɔ́ɔ. A wi wiyɛɛ kùúw kéele nyɛ́ɛri, níì jo: «Mii í kùu, koro n pɔ́rɔ mii ma n sɔ̀lɔ mii í kòro sìi na.»