Zyeremii 51:1 - Cebaara Bible 2010

¹ Yawe wi syɛ́ɛnri naa joo níì jo: «Wéle, mii a gàlagí káfalaga yìrige Babilɔni, ní Kalide ye kánmi na.

Zyeremii 51:1 Iomraidhean Croise

2 Fànʔafɔbèle 19:7

Mii a fungaa félege lége wi ni, wi a syɛɛnraa lóʔo si lúru kári wi tári ma. Mii a gi yaʔa pe sa wi kpóo yaà wi tári ni ní ŋɔsée ní.› »

Ŋúnuyi 137:8

Calipili Babilɔni, mɔ wee wi nan n kwɔ́ɔ lè kálagili na, gee mɔ kpéʔele wolo na lè, syɔ́ɔnwee wi a gi felege kpéʔele mɔ na lè, wee bee i nyɛ dùba pyà!

Ezayi 13:13

Gee bee na mii a nyɛ̀ʔɛgèle cúngo, tári a cɛ̀lɛ bi yiri di tɛ́ɛgi ni, Nyɛ̀ʔɛni Sùlasiibéle Kafɔlɔ Yawe fundanʔagbɔɔri báriga ni, ní wi fundanʔari di sórogi lè, toro cángi na.

Ezayi 14:14

Mii a lúgu fàfaanyi ǹjoʔo ni, mii a pye àmɛɛ wee nyɛ wi lè Pe Myɛ Nyúngo na.»

Ezayi 21:1

Joogbanna, sólomi lɔ̀ʔɔ fìimɛ tára kéele na. Amɛɛ káfalakpoloyi wòrogulo kàbangi forogi lè, yi i yìrigí fìími tára ma, ti lè fyáakpɔɔri tára.

Ezayi 47:1

«Tìgi mi tɛ́ɛn támiigi ni, Babilɔni nàngeele sinján pìcaa! Tìgi mi tɛ́ɛn tári na fàngolo fun ni, Kalide ye pìcaa! Níì cán pe a ni da mɔ yiri yɛɛ̀nyinge cɔ́ɔ, ní cêŋɔndaaɔ í.

Zyeremii 23:19

Wéle, Yawe káfalakpɔɔgi n yìri, fundanʔagbɔɔri n folo n yiri, káfala-bìngaʔa gii, ki i céregi syɛɛnpeebèle nyúnyo ni.

Zyeremii 49:36

Mii a káfalaya sicɛrɛ yaʔa yi pan Elami ma, yee yi a yìri lè nyɛ̀ʔɛni kàbanya sicɛrɛ ma, mii a be fɛɛ ségbanna na bi kaan káfalayi bee myɛ ma. syɛɛnfelegaa a pye yaà, gee gi lè Elami wonɛnɛ-mí-yirigebèle a nan gi na í.

Zyeremii 50:21

Lúgu mi kári Meratayimi tári kánma na, lúgu mi kári Pekɔdi syɛ́ɛnbèle kánma na! Pe kálagi péw, mɔ a kɔ́ wàa yaʔa í,» Yawe wi jo nya. «Gee mii joo n gbàn mɔ ma lè, ki myɛ kpéʔele!

Zyeremii 50:24

Mii n karinyanga le mɔ na, a mɔ cò, Babilɔni, mɔ si ga gi cán í. Lǎli ni pe mɔ nyaa lè, a pe fala n mɔ cò. Níì cán mɔ n sígi Yawe na.»

Zyeremii 50:29

Ye sedeyi fɔ̀ɔlɔ yeri Babilɔni kánmi na, poro bele myɛ be sedeyi ŋɔɔn lè! Ye tɛ́ɛn ye wi màʔa, wàa faala ga yɛlɛ bi syɔɔ í, ye wi sàra bi yɛlɛ ní wi kapyegèle ní, gee myɛ wi kpéʔele lè ye koro kpéʔele wi na! Níì cán wi n wiyɛɛ gbéʔele nɛ̀ɛgbɔʔɔgɔfɔlɔ Yawe kánmi na, Isirayɛli Wojanw kánma na.

Zyeremii 50:33

Yawe wi lè Nyɛ̀ʔɛni Sùlasiibéle Kafɔlɔ, woro wi syɛ́ɛnri naa joo níì jo: «Isirayɛli ye, ní Zyuda ye n fɔ̀rɔgɔ taa. Bele myɛ pe be cò n kári lè pulobèlē, pe n be cò n yaʔa yaà, níì cée pe ga fɔ̀lɔ bi be yaʔa í.

Zyeremii 50:9

Wéle, mii a syɛɛnfeleye yìrige, yee yi kpólo lè, yi a kpóʔoro bi yìri yaà solomɔkulo ma bi lúgu pan Babilɔni kánmi na. Yi a kapɛɛnnɛ sámaga wi kánmi na, yi a wi syɔɔ taa. Yi ŋaaŋɔɔnyi i nyɛ àmɛɛ kapɛɛnkpumɔn-sícilio wóyo nyɛ lè, wee wi lè wi o lúrugu ni maa ní kɔwaaya ní í.

Zyeremii 51:53

Alí Babilɔni ga lúgu fwɔɔ n sáà nan nyɛ̀ʔɛni na, àlí wi ga wi kpaataʔa-tɔ́nɔyi pye fwɔɔ wàa a gbǎn jée yi ni í, mii a kálagifɔɔlɔ tórigo wi kurugo,» Yawe wi jo nya.

Zyeremii 51:60

A Zyeremii wɔʔɔyi myɛ sɛ́bɛ sɛ́bɛ ni, yee yi a nan Babilɔni na lè, syɛ́ɛnri bee myɛ di sɛ́bɛ Babilɔni kéeli na.

Ezekyɛli 19:12

Kàjáa pe n gi kíle n kɔ́n ní fundanʔagbɔɔrɔ ní n cáan tári na. A canʔafolomɔ káfalagi gi yasanri waʔa. A gi báriga kágangèle cɛnɛ n láʔa yaà níì waʔa, a náagi ge sórigo mɛnɛ mɛnɛ.

Oze sɛ́bɛw 13:15

Alí n wírè gi yaʔa Efirayimi n sámaga n báriga wi senyɛnbèle nínge ni, canʔafolomɔ kabangi káfalaga a pan, Yawe nyɔ́ɔgi káfalaga a yìri fìími tára ma bi pan, ki a ba wi púloweeli waʔa, ki a ba wi pùnweeli waʔa. Koro ki a ba lɔgbanri yárira myɛ koli lɔ́ri tɛɛkɔngɔ ni.»

Amɔsi 3:6

A pe i kapɛɛnnɛ tòmaʔa wíi lé kàʔa ni syɛ́ɛnbèle í kòro sìnvyaa ni ? A wɔʔɔgɔ i tuun lé kàʔa na n gi yaʔa ki ga yìri Yawe ma í?

Zakarii 2:8

A wi baa wi pye: «Da fé maa syée mi sa gi joo nìgɔcariw bee ma, mí wi pye: ‹Zyerusalɛmi a ba pye kèmugu-yaʔaga, ki syɛ́ɛnmi nɛʔɛnɛ, ní gi yaweeri nɛʔɛnɛ kéele na ti a pye gi fúngi ni lè.

Kapyegèle 9:4

A wi too tári na níì yákpolo lóʔo a li wi pye: «Sɔli, Sɔli, nyàʔá na mɔ mii wɔʔɔ nya?»