Zyeremii 50:3 - Cebaara Bible 2010

³ Níì cán syɛɛnfelegaa n yìri solomɔkulo ma ni lúru ni syée wi kánmi na. Ki a wi tári kàriga tɛɛ̀kalagiga, syɛ̀ɛnnɛ a ní pye di ni í. Nǎnbèle ní yaweeri n fàn, ti n kwɔ́ɔ gi ni.

Zyeremii 50:3 Iomraidhean Croise

Sélimɛ 6:7

A Yawe jo: «Syɛ́ɛnbèle mii faan lè, mii a be pɛ́ɛ láʔa tásaligi na, poro ní yaweeri, ní yáriree di fulolo lè n fàra féjɛɛnri na. Níì cán mii n gi nyaa mii da caà yɛlɛ bi be faan í.»

Yirile 12:12

Yébiligi bee ni mii a Ezyipiti tári nyaari bi foro si nànbiiseligèle myɛ kpóo Ezyipiti tári ni bi séli syɛ́ɛnbèle wòʔolo na fwɔɔ bi sa nan yaweeri wòʔolo na. Mii a tɔ̀nɔ́ kútiiw kèlē cáan Ezyipiti kolocɔlɔbèle myɛ na. Mii wi nyɛ Yawe.

Ezayi 41:25

Mii n wàa yìrige yaà solomɔkulo kàbangi na a wi pan. Mii n wi yeri yaà canʔafolomɔ ma wi mɛ́ɛgi na. Wi i yɛɛ̀kinibèle tánʔana ní tɔ́lɔyi ní àmɛɛ fariga nyɛ lè, ní àmɛɛ cóofaaɔn cóoro tánʔana lè.

Ezayi 45:1

Syɛ́ɛnri naa Yawe joo wi wonyɛnɛ-wòlow ma, Sirusi ma, wee wi cò kàliige kɔ́gi na lè, bi tátɛɛyi syɛɛnfeleye kpúmɔn cáan wi yɛʔɛ̀ ma, si fànʔafɔbèle sɛntiiribéle sánʔana, si wɔ́ɔ kɔ̀riyi múgu wi ma jàngó syɔɔn faala a kɔ́ gbǎn yi tɔ́n í, wi n jo:

Zyeremii 21:6

Mii a kěgi naa wòolo kpúmɔn, syɛ́ɛnbèle ní yaweeri. Káfalaga yáabeemɛ a be kpóo.

Zyeremii 50:9

Wéle, mii a syɛɛnfeleye yìrige, yee yi kpólo lè, yi a kpóʔoro bi yìri yaà solomɔkulo ma bi lúgu pan Babilɔni kánmi na. Yi a kapɛɛnnɛ sámaga wi kánmi na, yi a wi syɔɔ taa. Yi ŋaaŋɔɔnyi i nyɛ àmɛɛ kapɛɛnkpumɔn-sícilio wóyo nyɛ lè, wee wi lè wi o lúrugu ni maa ní kɔwaaya ní í.

Zyeremii 51:11

Ye wɛ̀ɛ́gèle nyɔ́ɔyɔ fìrige, ye segboyi nyìn! Yawe n Mɛdi ye fànʔafɔbèle fúnyo yìrige. Ncan wi n gi tímana bi Babilɔni kálagi. Níì cán Yawe gɔ̀lɔ́-wòlori canʔa gii, ti lè wi kpɔ̀ʔɔrɔli kpaʔa gɔ̀lɔ́-wòloro.

Zyeremii 51:48

Nyɛ̀ʔɛni ní tári, ní di fúnyi yárira a ra fundaanra yákpogéle wáa Babilɔni kéeli na. Níì cán kálagifɔbèle a yìri solomɔkulo ma bi ba tìn jée wi ni,» Yawe wi jo nya.

Zyeremii 51:62

Mɔ a gi joo si jo: ‹Yawe, mɔ wi gi joo tɛ́ɛgi naa kéele na níì jo ki kálagi bi yiri yaà, syɛ̀ɛnnɛ wàlá yaweere a ní kɔ́ kòro gi ni í, fwɔɔ gi kòro tɛɛ̀kalagiga làla o làla.›

Zyeremii 7:20

Gee bee na Kàfɔw Yawe syɛ́ɛnri naa joo níì jo: ‹Wéle, mii fundanʔari, ní mii fundanʔagbɔɔri a too tɛ́ɛgi naa na, syɛ́ɛnbèle, ní yaweeri, ní sìnbirigi tíire, ní tári yasanra na. Ti a ra có bànvigi ni.›

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Sofonii 1:3

Mii a syɛ́ɛnbèle ní yaweeri kwɔ́ɔ bi láʔa yaà, mii a nyɛ̀ʔɛni féjɛɛnrɛ ní sólomi lɔ̀ʔɔ fàala kwɔ́ɔ bi láʔa yaà, ní kérigèle ge syɔɔn pùuní lè, bi koro ní syɛɛnpeebèle kwɔ́ɔ bi láʔa yaà, mii a syɔɔn ye kwɔ́ɔ bi láʔa yaà tásaligi na,» Yawe wi jo nya.