Zyeremii 5:9 - Cebaara Bible 2010

⁹ Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 5:9 Iomraidhean Croise

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Ezayi 1:24

Gee bee na Kàfɔw Yawe wi lè Nyɛ̀ʔɛni Sùlasiibéle Kafɔlɔ, Isirayɛli ye Séekpɔɔw Fɔ́lɔ, wi n jo: «Awá! Mii a niyɛɛ kpɛʔɛlɛ ní mii kàsiitun-nyɛ́nbèle kéele ní, mii a mii gɔ̀lɔ́w wòlo mii nigoobèle na.

Ezayi 57:6

Lòcooloyi kàdɛnɛ-wɔlɔgɔyɔ wéle, yoro na mɔ sɔngumi nyɛ, yoro yi nyɛ mɔ lɛɛli, yoro ma mɔ sáriga-yólogow ŋuu, yoro má mɔ yakaanyi kaangi. A gee bee myɛ pyele a gbǎn mii fúngi nyíngi lé?

Zyeremii 23:2

Gee bee na Yawe syɛ́ɛnri naa joo, wi lè Isirayɛli Kolocɔlɔw, bànaʔabèle kéele na, poro bele be mii syɛ́ɛnbèle náari lè, wi n jo: «Yele n mii bǎbèle cariga, yele n be nɛnɛ, yele ga be kɔ̀rɔsíi í. Wéle, mii a keele tɛ́ʔɛ yele na, yele péemi nàʔabeemɛ kéele na,» Yawe wi jo nya.

Zyeremii 32:31

Kěgi naa tɔ̀nɔ́ i nyɛ mii ma fundanʔara ní fundanʔagbɔɔrɔ sábabu nlaa yaà ki canvaangi na fwɔɔ n baa nan níjanʔa na, n baa nan mii í gi yirige yaà niyɛɛ yɛ́ʔɛ ma,

Zyeremii 44:22

Yawe ga níì pye bi gbǎn gi kpàraco í, yele péemi nàʔabeemɛ kéele na, ní yanɔnʔɔri kéele na yele kpéʔele lè, a yele tári si kàri gurubɛɛrɛ, ní funwɔɔrɔ yáriga, ní dánga yáriga, syɛ̀ɛnnɛ fun ni àmɛɛ gi nyɛ lè níjanʔa.

Zyeremii 5:10

Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Zyeremii 5:29

Mii si kòro lé kàa sìnbye ni kérigèle bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Zyeremii 6:11

Mii n nyìn Yawe fundanʔagbɔɔri na, mii n tɔ̀nɔ n fɔ̀rɔ gbanʔama ti cò-mí-yérigeli na. «Ti wo pìíbèle na kàlari-kóloyi ni, mí wɔ́ɔ gi kpéʔele kánmi bee na wojáribèle gboolo na. Níì cán nǎnw ní céw a cò bi kári, n fàra wolɛɛɔ, ní wee na wi tɔ̀nɔ n lɛɛ n tín lè.

Zyeremii 6:6

Níì cán Yawe wi lè Nyɛ̀ʔɛni Sùlasiibéle Kafɔlɔ, wi n jo: «Ye tíiri kpúmɔn, ye tɛɛ̀lúguyo sámaga Zyerusalɛmi kánmi na! Kěgi naa n tɔ̀nɔ n yɛlɛ ní wɔʔɔlɔ ní. Gee myɛ gi nyɛ gi ni lè, koro gi nyɛ fǎngi gbànna.

Zyeremii 9:8

Amɛɛ be kapyeri bee kpéʔele lè, mii si kòro lé kàa sìnbye ni be na?» Yawe wi jo nya. «Mii a kòro lé gɔ̀lɔ́w sìnwòlo ni syɛɛnfelegi bee félege na?»

Zyeremii 9:9

Mii i nyaan ní i cɛ́ɛn nyanbeleyi kéele na, mii i funbɛɛnrɛ ŋúnugo ŋúu fìími tára yawee-nàʔa-tɛ́ɛyɛ kéele na. Níì cán yi n sógi, syɔɔn faala o sɔ̀lɔ́ yaà í, yaweere gboolo yákpolo ní o lúro yaà í. N séli nyɛ̀ʔɛni féjɛɛnrɛ na, n sáà nan yaweeri na, ti myɛ n yiri yaà n kári.

Kayaagi Nyɛnigɛ 3:42

Wolo n pye kapeebyebèlē, ní niceebéle! Mɔ si na, mɔ ga kùsulugi syɔɔ í!

Kayaagi Nyɛnigɛ 4:22

Calipili Siyɔn, mɔ kolomi n nan bi tɛɛ̀kwɔɔli na. Pe a ní mɔ cò kári í. Calipili Edɔmi, mɔ kolomi wɔʔɔlɔ wi a taʔa mɔ na, wi a mɔ kapeegèle múgu yaʔa.

Ezekyɛli 7:9

Mii a tée nyinimɛ nyaa í, mii a canmi-cɔɔnrigɔ kpéʔele í. Mii a wɔʔɔgi taʔa mɔ na bi yɛlɛ ní mɔ tánʔaganmi ní, mɔ yanɔnʔɔyi a kòro mɔ níngi ni. Yele a gi cán bi cán mii wi nyɛ Yawe, wee wi kpumɔnrɔ kpéʔele lè.

Oze sɛ́bɛw 2:13

Mii a wi fundaanri myɛ kwɔ́ɔ, ní wi fɛ́tiibèle, ní wi yevɔnyi, ní wi cândɛnɛyi, ní wi kpóʔorojǎngèle myɛ ní.

Oze sɛ́bɛw 8:13

Sárigaw yaweegéle be kaangi mii ma lè, pe i ge kúu ní i ge káari káa, mii Yawe si ga fɔ̀lɔ ge na í. Tɔ́ɔliw ni Yawe i sɔ̀ngí ni taagi be kolomi na, wi a be wɔʔɔ be kapeegèle kéele na, pe a lúru kári Ezyipiti ma.

Levii ye sáriga-wòlori 18:25

Tári n baa nɔ́nʔɔ, a mii keele tɛ́ʔɛ di na ti kolomi kéele na, a tári di syɛ́ɛnbèle tùgu n yirige.

Levii ye sáriga-wòlori 26:25

Mii a ŋɔséew tórigo yele kurugo wi sa joogaanni kálagila gɔlɔ wòlo. Yele ga yeyɛɛ gbóʔoro n sáà kòro yele kèkpoloyi ni lǎli ni lè, mii a káfalagi yáama wáa yele na. Yele a le yele nigoow kɔ́yɔ ni.

Nahumi 1:2

Yawe i nyɛ yejaʔa Kolocɔlɔɔ, wi i kapeegèle gɔ̀lɔ́ wóo. Yawe i kapeegèle gɔ̀lɔ́ wóo, wi n nyìn fundanʔagbɔɔri na. Yawe i wi kàsiitun-nyɛ́nbèle kapeegéle gɔlɔ́ wóo be na, wi n fundanʔara kɔn n yaʔa wi nigoobèle kánma na.

Làlwaw Kaanziin 32:35

Pe tɔ́lɔyi ga wàli n yiri kólogi ni lǎli ni lè, mii wi nyɛ kapeeli gɔ̀lɔ́-wòloo, ní sàraw kaanfɔlɔ. Níì cán pe wɔʔɔli canʔa n nùuni pe kwɔ́ɔganmi i fùurí ni maa.»

Làlwaw Kaanziin 32:43

Syɛɛnfeleyi, yaa wi syɛ́ɛnbèle sòoló. Níì cán Yawe i wi falipyebèle sìsyaan wolo gɔlɔ́ wóo. Wi i gɔ̀lɔ́w wóo wi kàsiitun-nyɛ́nbèle na. Ní i wi tári, ní wi syɛ́ɛnbèle kapeegéle kusulugo fáli kpéʔele.