Zyeremii 5:8 - Cebaara Bible 2010

⁸ Syɔɔn-còoloyo yii, yee yi lìi n kpólo lè. Pe myɛ nibin nibin i yákpogèle wáa be syɛɛnnyɛnbèle càbala kurugo.

Zyeremii 5:8 Iomraidhean Croise

Sélimɛ 39:9

Wàa faala ga kpɔ́ʔɔ n sɔ̀lɔ mii na kpáagi naa ni í. Wi ga mii yérige yarigaa faala na í kapye mɔ nibin na ban í. Níì cán mɔ wi nyɛ wi céw. Mɛ̀ɛ́ si mii a gbǎn kapeegi naa félege kpéʔele bi kapeele pye nya Kolocɔlɔɔ na?»

Zyɔbi 31:9

Kapye cɔlɔɔ kéele n mii fúngi kàriga, kapye mii n làra n sige mii syɛɛnnyɛnnɛ kpaaweele na,

Yirile 20:14

Mɔ a kɔ́ kanɔnʔɔrɔ kpéʔele í.

Yirile 20:17

Mɔ a kɔ́ nyabɛɛnnɛ taa mɔ syɛɛnnyɛnnɛ kpaʔa na í. Mɔ syɛɛnnyɛnnɛ cɔ́ɔ nyánbɛɛnnɛ ga yɛlɛ bi pye mɔ na í, wàlá wi falipyenàɔn, ní wi falipyecɔɔ̀, ní wi nɔ̀ɔ, ní wi jòfani, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.»

Kàseegèle 6:29

Syɔ́ɔnwee wi syée wi syɛɛnnyɛnnɛ cɔ́ɔ kurugo lè, kánmi bee na syɔ́ɔnw bee nyɛ. Syɔ́ɔnwee wi ga tánga wi na lè, syɔ́ɔnw bee a gbǎn córo kolomɔ fun syɔ́ɔn í.

Zyeremii 13:27

Mii n mɔ kanɔnʔɔbyeri, ní mɔ fúlomi, ní mɔ nanjaari nyaa dǎndamayi ní sìnbirigi ni. Mii n mɔ yanɔnʔɔyi nyaa. Wɔʔɔli a pye mɔ na Zyerusalɛmi, mɔ wee wi lè wi o wi jéemununi fáli kpéʔele í! Làla jòorí mɔ a kwɔ́ɔ gee bee ni?»

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 29:23

Níì cán pe n kapeekpɔʔɔ kpéʔele Isirayɛli ni, àmɛɛ pe da ni kanɔnʔɔri kpéʔele ní be syɛɛnnyɛnbèle càbala ní lè, ní wɔ́ɔ i jànvaaw nyuu mii mɛ́ɛgi na, n gi yaʔa mii ban wi gi joo n gbàn be ma níì jo paa gi kpéʔele í. Mii n gi cán ní wɔ́ɔ i nyɛ gi séera,› » Yawe wi jo nya.

Zyeremii 50:11

«Ɔnhɔ́ɔ̀n, yaa fundaanra kpéʔele, yaa muguri, yele bele ye mii kɔ́rigi koli lè! Ɔnhɔ́ɔ̀n, yaa yegi àmɛɛ náapyaʔa yegi lè nyàápungo ni. Yaa fúlo àmɛɛ fànnɛʔɛgɛ syɔ́ɔnyɔ nyɛ lè!

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Ezekyɛli 22:11

Syɔɔn o syɔɔn i nɔ́nʔɔri kèlē kpéʔele mɔ ni ní wi syɛɛnnyɛnnɛ cɔ́ɔ ní, syɔɔn o syɔɔn i kálagimi kpéʔele ní wi pyà cɔ́ɔ ní, syɔɔn o syɔɔn i tuun wi senyɛnjaà na, wi lè wi tofɔlɔ-na-senyɛnjaa.

Làlwaw Kaanziin 5:18

Mɔ a kɔ́ kanɔnʔɔrɔ kpéʔele í.

Làlwaw Kaanziin 5:21

Mɔ syɛɛnnyɛnnɛ cɔ́ɔ nyabɛɛnnɛ ga yɛlɛ bi pye mɔ na í. Mɔ syɛɛnnyɛnnɛ kpaʔa láa ga yɛlɛ bi pye mɔ na í, wàlá wi ségi, wàlá wi falipyenǎnw, wàlá wi falipyecew, wàlá wi nìfalagi, wàlá wi jòfaniw, wàlá wi kɔlɔ̀ yárigaa faala nyabɛɛnnɛ a kɔ́ pye mɔ na í.›