Zyeremii 5:7 - Cebaara Bible 2010

⁷ «Mɛ̀ɛ́ mii a mɔ kusulugi syɔɔ bi sɛ́ɛ? Mɔ piibèle n mii yaʔa, ní i kɛ̀ɛ́ yariyaa na, yee yi lè yi o nyɛ Kolocɔlɔɔ í. Mii maa be tín yáriri na, pe si i kanɔnʔɔri kpéʔele. Pe i kpóʔoro saʔa nànjaacew kpaʔa ni.

Zyeremii 5:7 Iomraidhean Croise

2 Cányi kèlē 13:9

Yele ga Yawe sáriga-wòlobèle nɛnɛ ì, pe lè Aarɔn jáabèle, ní Levii ye ní ì, yele ga sáriga-wòlobèle pèle télege yeyɛɛ ma àmɛɛ tátɛɛyee syɛɛnfeleye gi kpéʔele lè ì? Syɔɔn o syɔɔn wi ga tɛ́nɛ̀ pan ní náapebile, ní bàpɔɔlɔ kɔrɔsiin ní lè jàngó be woro lége, wi n fala n pye sáriga-wòlowaa gee má ki lè ki o nyɛ Kolocɔlɔɔ í.

Zyɔbi 31:12

Naà ki a dée pye bàā sórigolo kpéʔele bi sa nan kálagili wéʔe na, ki a dée mii yataari myɛ sórigo kwɔ́ɔ.

Ŋúnuyi 50:18

Mɔ ga kàyuuo nyaa lǎli ni lè, mɔ n pínɛ ní wi ní, mɔ lɛɛlɛ i nyɛ ní kanɔnʔɔbyebèle ní.

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Zyeremii 13:27

Mii n mɔ kanɔnʔɔbyeri, ní mɔ fúlomi, ní mɔ nanjaari nyaa dǎndamayi ní sìnbirigi ni. Mii n mɔ yanɔnʔɔyi nyaa. Wɔʔɔli a pye mɔ na Zyerusalɛmi, mɔ wee wi lè wi o wi jéemununi fáli kpéʔele í! Làla jòorí mɔ a kwɔ́ɔ gee bee ni?»

Zyeremii 16:11

Lǎli bee ni mɔ a be yari: ‹Gee bee n taa ncan yele tóolɛɛbèle n mii yaʔa níì taʔa kolocɔlɔbèle pèle nikwɔɔlɔ na, pe n kpɔ̀ʔɔrɔli kpéʔele be ma, pe n tìgi n too be yɛʔɛ̀ ma. Kàjáa mii na, pe n mii yaʔa, pe ga mii làlwaw cò í,› Yawe wi jo nya.

Zyeremii 16:20

A syɔɔn a gbǎn kolocɔlɔbèlē sámaga lé wiyɛɛ ma bi gi taa pe o nyɛ kolocɔlɔbèlē í?»

Zyeremii 2:11

A syɛɛnfelegaa i gi kolocɔlɔbèlē fɛ̀ɛ́ lé, àlí n gi yaʔa pe o nyɛ kolocɔlɔ-tèlebēle í? A mii syɛ́ɛnbèle si be nìjanri fàli fànʔa fun yáriga na.

Zyeremii 2:31

Ee! Yele ye nyɛ lè lǎli naa syɛ̀ɛnnɛ, ki n yɛlɛ yaa Yawe syɛ́ɛnri córo! A mii da pye lé fìimɛ tára Isirayɛli ma, wàlá yébilimɛ tára? Nyàʔá na mii syɛ́ɛnbèle gi nyuu níì jo: ‹Wolo i nyɛ woyɛɛ ma, wolo o caa bi ní lúru pan mɔ ma í?›

Zyeremii 23:10

Níì cán tári n nyìn kanɔnʔɔbyebèle na. Tári i nyɛ kùu káyaʔa na, dángaw kéele na. Fìími tára yaweenaʔa-tɛ́ɛyɛ nyaa n waʔa. Pe i fé kapeeyi kurugo. Lòmaana i nyɛ be ni sìnzinmi kpéʔelele na.

Zyeremii 3:19

Mii na, mii maa ni gi nyuu niyɛɛ ma níì jo: Kanmìí na mii a mɔ lége mii jáabèle ni si fundaanra kèlē tára kaan mɔ ma di pye kɔrigɔ, gee gi lè syɛɛnfeleyi fèrecàn-dèlere? Mii maa ni gi nyuu niyɛɛ ma níì jo: Mɔ a ra mii yiri: «Mii tóo!» Mɔ a tée wàli bi lúru mii kurugo í.

Zyeremii 3:8

Alí àmɛɛ mii Isirayɛli yaʔa lè, wi lè cêkalagiga, wi kanɔnʔɔbyeri myɛ kéele na, níì wi ceyaʔa-sɛ́bɛw kaan wi ma, a mii gi nyaa wi senyɛnjew Zyuda wi lè námarafɔw, woro ga téè fyáa í, a woro wɔ́ɔ̀ kári n sáà kanɔnʔɔrɔ kpéʔele.

Zyeremii 7:9

Nyàʔá! Yele i yúu ní wɔ́ɔ i syɛ́ɛnbèle kúu, ní i nyɛ kanɔnʔɔbyebèlē, ní i jànvaa kàliyi kɛ̀ɛ́, ní i nùndaanni yáriga sórogi Baali ma, níì yeyɛɛ daʔa kolocɔlɔbèle pèle nikwɔɔlɔ na, bele be lè yele ga be cán í!

Zyeremii 9:1

Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Kayaagi Nyɛnigɛ 3:42

Wolo n pye kapeebyebèlē, ní niceebéle! Mɔ si na, mɔ ga kùsulugi syɔɔ í!

Ezekyɛli 22:11

Syɔɔn o syɔɔn i nɔ́nʔɔri kèlē kpéʔele mɔ ni ní wi syɛɛnnyɛnnɛ cɔ́ɔ ní, syɔɔn o syɔɔn i kálagimi kpéʔele ní wi pyà cɔ́ɔ ní, syɔɔn o syɔɔn i tuun wi senyɛnjaà na, wi lè wi tofɔlɔ-na-senyɛnjaa.

Oze sɛ́bɛw 11:8

Kanmìí na mii a dée gbǎn mɔ yaʔa Efirayimi? Ba mɛ̀ɛ́ mii a dée gbǎn mɔ le kɔlɔ̀ ni, Isirayɛli? Kanmìí na mii a dée gbǎn mɔ kpéʔele àmɛɛ Adima nyɛ lè? Ba mɛ̀ɛ́ mii a dée mɔ kpéʔele àmɛɛ Seboyimi nyɛ lè? Mii fúngi n baa wáa n kàri, mii fúngi yárira myɛ i nyaʔami mii ni.

Oze sɛ́bɛw 13:6

Lǎli ni pe nyàácànga taa lè, a be lìi n tín. Pe n lìi n tín, a kpɔɔmɔ jée be fúnyi ni. Koro na be fɛ̀ʔɛ mii na.

Oze sɛ́bɛw 4:2

Yafyɛn o beè kapye jànvaa kàliyi, ní námaraw, ní syɛɛnkpoori, ní kàyuugi, ní kanɔnʔɔri ban í. Kapeeyi be kpéʔele, syɛ́ɛnbèle na be kòro ni kúu.

Oze sɛ́bɛw 7:4

Pe myɛ i nyɛ kanɔnʔɔbyebèlē, pe i nyɛ àmɛɛ fúru nyɛ, wee búrukpumɔɔn wáriga lè. Wi ga míibirigegi waari n kwɔ́ɔ lǎli ni lè, wi n kàjenyunyi kpèʔelele yaʔa, fwɔɔ bi taa míibirigegi í ba yìri.

Levii ye sáriga-wòlori 20:10

Nǎnwee wi ga kanɔnʔɔrɔ kpéʔele ní cèpɔriɔ ní lè, wi ga kanɔnʔɔri kpéʔele ní wi syɛɛnnyɛnw cɔ́ɔ ní, pe a kanɔnʔɔbyenǎnw, ní kanɔnʔɔbyecew pínɛ kpóo.

Amɔsi 8:14

Poro bele be kɛ̀ɛ́ lè Samarii kapeeli na, ní i gi nyuu níì jo: ‹Ki n yɛlɛ mɔ kolocɔlɔw Dan í kòro beè sìi na ! Bɛɛri-Syeba kólogi i kòro beè sìi na!› Poro a too, pe si a ní yìri nyáana í.»

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Malasyii 3:5

«Mii a nùuni yele na kútiiw kéele na, mii a séera kpéʔele kelekele dɛ̀ɛ́bèle ní kanɔnʔɔbyebèle kánma na, ní bele be jànvaaw kàliya kɛ̀ɛ́ lè, ní bele be fǎngi gbàngí sàra-na-falipyeo, ní lɔgucaa ní círio na lè, ní wɔ́ɔ i kolomɔ kútiiw nyuu nibɔɔn na, pe si o fɛ̀ɛgí mii na í.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

1 Korɛnti ye 6:9

Yele ga gi cán ncan kakolobyebèle a gbǎn Kolocɔlɔɔ fǎngi kɔ́rigɔ lìi í ì? Ye a kɔ́ ra yeyɛɛ váana í, kanɔnʔɔbyebèle, ní sunvɔbèle, ní màde-gbɔ̀ʔɔrɔbèle, ní ceyuubèle, ní nànyuubèle, ní nànjaanǎnbèle, ní cecaacebèle,

1 Korɛnti ye 8:4

Gee mii a joo lè káari káala kéele na, dee be kúu yasunyi na lè koro gi nyɛ wolo n gi cán yasungo o nyɛ yafyɛn dulunyanw ni í, kolocɔlɔwaa nikwɔɔ ní o beè Kolocɔlɔw nibin kàdoʔo ma í.

Galasi ye 4:8

Kàjáa lǎli ni yele da pye lè Kolocɔlɔɔ sìnján ni, yele maa pye kolocɔlɔbèle pèle púloro ni, be lè pe o nyɛ kolocɔlɔbèlē í.

Làlwaw Kaanziin 32:15

Yesyurun n sìnmɛ le, a wi jáma. Mɔ n baa sìnmɛ le níì kpɔ́ʔɔ n pòlogo, a wi Kolocɔlɔɔ yaʔa wi lè wi Faanfɔw. Wi n wi syɔ́ɔli Fálaga faʔa.

Làlwaw Kaanziin 32:21

Yárigee gi lè ki o nyɛ Kolocɔlɔɔ í, pe n gee bee kéele tɛ́ʔɛ n yejaʔa yìrige mii ma. Pe n mii fúngi tanʔa gbanʔama ní be gbanzan yasunyi ní. Mii si na, mii a gbanzan syɛɛnfelegaa kéele tɛ́ʔɛ bi nyabɛɛnnɛ wáa be na. Mii a syɛɛnfele-nilabalaga kéele tɛ́ʔɛ bi be fúnyi tanʔa gbanʔama.

Heburubèle 13:4

Ki n yɛlɛ cèpɔrigi kéele í kpɔ́ʔɔ yele myɛ ma, ki yasinɛgi si pye fɔɔnrɔ fun. Níì cán Kolocɔlɔɔ a ba kútiiw kúun kanɔnʔɔbyebèle, ní ceyuubèle, ní nànyuubèle na.

Zyaki 4:4

Yele kanɔnʔɔbyebèle! Yele ga gi cán ncan wee wi ga tàmaga le ní dulunyanw ní lè, wee bee i nyɛ Kolocɔlɔɔ nígoo ì? Syɔ́ɔnwee faala wi caa bi pye tàmaga na ní dulunyanw ní lè, wee bee n wiyɛɛ gbéʔele Kolocɔlɔɔ nígoo.

Zyozuwe 23:7

jàngó yele a kɔ́ yeyɛɛ nyáʔami ní syɛɛnfeleyi bee ní yi kòro yele níngi ni lè í. Yele a kɔ́ ra yi kolocɔlɔbèle mɛ́ɛyɛ yiri í, yele a kɔ́ ra kɛ̀ɛ́ pe mɛ́ɛyi na í, yele a kɔ́ ra báara be ma í, yele a kɔ́ ra tíri bàā tuun pe yɛʔɛ̀ ma í.