Zyeremii 5:4 - Cebaara Bible 2010

⁴ Mii maa ni gi nyuu níì jo: «Wobiigèle kèle gɛɛ, ke i cúromɔ naʔama náari, níì cán pe ga Yawe kólogi cán í, ki lè pe Kolocɔlɔw làlwa kèlē.

Zyeremii 5:4 Iomraidhean Croise

Ezayi 27:11

Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.

Ezayi 29:12

Wàlá àmɛɛ sɛ́bɛ nyɛ, wee be kaan sɛ́bɛnaa-sìnjaɔn ma lè níì wi pye: «Dee naa wéle!» A wi jo: «Mii ga gbàn sɛ́bɛ wélele na í.»

Zyeremii 10:8

Pe myɛ n pínɛ n pye nidoliyo, ní nilabalaya, gee ki gi tɛ̀ɛn lè pe i nyɛ gbanzan koro gi nyɛ tíigi.

Zyeremii 4:22

«Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 7:8

Kàjáa wéle, yele n yeyɛɛ daʔa jànvaa syɛ́ɛnrɛ na, dee di lè ti o yafyɛn nyɔɔgi í.

Zyeremii 8:7

Alí n karakpáa yaʔa ǹjogi ni, wi n wi nyǐngi cán, kàtolo ní zǎlɛɛlɛ, ní cɔ̀ɔrɔbile n ge làribangèle cán. Kàjáa mii syɛ́ɛnbèle ga Yawe làlwaw cán í.›

Zyeremii 9:3

«Syɔɔn o syɔɔn n yɛlɛ waa wiyɛɛ kɔ̀rɔsíi wi tàannyɛnnɛ na, wi a kɔ́ wiyɛɛ yaʔa wi senyɛnwaa faala na í. Níì cán senyɛnbèle myɛ i nyɛ námarafɔɔlɔ, tàannyɛnbèle myɛ i mɛ́ɛyi kálagi ni máari.

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Matye 11:5

Fúunbèle i nyaagi, syɛɛnmɔngɔbèle si i táanri, yaanyɛɛnmi fɔ̀ɔlɔ si wɔ́ɔ i poori, dùnɔbèle si i lúro, kúbèle si wɔ́ɔ i nyángi, foomɔfɔbèle si i Syɛɛnjóocǎnri lúro.