Zyeremii 5:18 - Cebaara Bible 2010

¹⁸ Kàjáa, àlí cányi bee ni, mii a yele kálagi kwɔ́ɔ péw í.» Yawe wi jo nya.

Zyeremii 5:18 Iomraidhean Croise

Zyeremii 30:11

Níì cán mii i nyɛ ní mɔ ní, bàā mɔ syoo,› Yawe wi jo nya. ‹Mii a syɛɛnfeleyi myɛ kálagi kwɔ́ɔ, yee nínge ni mii mɔ nɛnɛ n tórigo lè, kàjáa mɔ na, mii a mɔ kálagi kwɔ́ɔ í. Mii a mɔ wɔʔɔ bi yɛlɛ ní gee ní gi sín lè, mii a gbǎn mɔ yaʔa sìnwɔʔɔ ni í.›

Zyeremii 4:27

Níì cán Yawe n jo: «Tári myɛ a kálagi, kàjáa mii a di kálagi kwɔ́ɔ péw í.

Zyeremii 5:10

Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Zyeremii 5:17

Ki a mɔ yaliilaari ní mɔ búruw lìi, ki a mɔ nanbiigèle ní mɔ calipiigèle lìi, ki a mɔ yaweeyiligèle ní mɔ yaweekpologèle lìi, ki a mɔ ɛrɛzɛn tíriri ní mɔ děsyaantiiri lìi, ki a mɔ keniriyi kálagi ní ŋɔséew ní, yee na mɔ mɔ sɔngumi taʔa lè.

Zyeremii 5:19

«Lǎli ni pe ga gi joo lè níì jo: ‹Nyàʔá na Yawe wolo Kolocɔlɔw gee naa myɛ kpéʔele wolo na?› Mɔ a be pye, wi n jo: ‹Amɛɛ yele mii yaʔa lè ní i báara kolocɔlɔɔ-nibɔnbèle pèle ma yele tári ni, kánmi bee na yele a sa ra báara nibɔnbèle pèle ma táraa ni, dee di lè ti o nyɛ yele wóri í.›

Ezekyɛli 11:13

Lǎli bee ni, àmɛɛ mii pye lè kérigèle nyaa-mí-joolo na, Pelatya wi lè Benaya jáaw, a woro kùu. A mii too n yɛ́ɛgi cíbele tári na níì yákpoli wáa gbanʔama níì jo: «Ee Kàfɔw Yawe, a mɔ a Isirayɛli wozanbèle kwɔ́ɔ lé bi yirige yaà.»

Ezekyɛli 20:17

Kàjáa a be nyinimi pye mii na jàngó mii a kɔ́ be kálagi í. Mii ga be kálagi n kwɔ́ɔ fìími tára ni í.

Ezekyɛli 9:8

Lǎli ni si be pye ni kpúmɔn lè, mii maa pye mii nibin woyéreo ní, a mii too n yɛ́ɛgi cíbele tári na, ní i yákpoli wáa níì jo: «Ee Kàfɔw Yawe, a mɔ a Isirayɛli wogorobèle myɛ kálagi kwɔ́ɔ lé àmɛɛ mɔ mɔ fundanʔagbɔɔri yàli lè nya Zyerusalɛmi na?»

Habakuki 1:12

Nlaa yaà làla o làla, mɔ ban wi nyɛ Yawe wi lè mii Kolocɔlɔw ní mii Wojanw ì, wee wi lè wi a kùu í? Yawe, mɔ wi be télege kútiiw kúunnɔ kéele na. Mii fálagi, mɔ n fànʔa kaan be ma paa kpúmɔn-mí-kàrigali kpéʔele.