Zyeremii 5:13 - Cebaara Bible 2010

¹³ Kanyaajoobèle i nyɛ káfalaga yagana, wàa faala o nyuu be fúnyi ni í, gee be nyuu lè koro gi yɛlɛ bi be taa!»

Zyeremii 5:13 Iomraidhean Croise

2 Cányi kèlē 36:16

Kàjáa a be i peyɛɛ nyɛ́nɛ Kolocɔlɔɔ tundunbèle na pe da ni wi syɛ́ɛnri córo í, a be i wi kanyaajoobèle kpàná fwɔɔ n taa a Yawe fundanʔagbɔɔri baa yìri be kurugo, tiinmɛ ga níì pye gi na í.

Zyɔbi 6:26

A yele sɔ̀ngí lé bi mii faʔa mii syɛ́ɛnri joomɔ na wii? Wee sɔ̀ngumɔ tɛɛtaʔaga gi kwɔ́ɔ lè bi woro syɛ́ɛnri córo lé káfalaga?

Zyɔbi 8:2

«Làlìí ni mɔ a syɛ́ɛnri bee yérige nya, mɔ nyɔ́ɔgi syɛɛnjóoro di nyɛ lè káfalakpɔʔɔ?

Kàseegèle 25:14

Syɔ́ɔnwee wi wiyɛɛ sòoló lè n jo woro i kaangi n gi yaʔa wi o kaangi í, wi i nyɛ àmɛɛ nyɛ̀ʔɛwɔɔlɔ ní káfalaga nyɛ lè, zàʔá fun ni.

Ezayi 41:29

Wéle, pe myɛ bìnɛw i nyɛ gbanzan, pe kapyegèle o nyɛ yafyɛn í. Pe yasunyi i nyɛ káfalaga, ní wɔ́ɔ i nyɛ fúu.

Zyeremii 14:13

A mii wi yari: «Ee! Kàfɔw Yawe! Wéle, kanyaajoobèle i gi nyuu be ma níì jo: ‹Yele a tée ŋɔsée nyaa í, kateʔe a tée too yele na í, kàjáa yɛɛ̀nyindelege mii a kaan yele ma tɛ́ɛgi naa tiimaa ni.› »

Zyeremii 14:15

Koro na Yawe syɛ́ɛnri naa joo kanyaajoobèle kéele na, poro bele be kérigèle nyaagi ni nyuu mii mɛ́ɛgi na lè, bi gi taa mii ga be tun í, pe i gi nyuu níì jo: Ŋɔsée, wàlá kateʔe a too tári naa na í, ŋɔséew, ní kateekpɔɔgi a kanyaajoobèle bee kpóo.

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 22:22

Káfalagi a kári ní mɔ banaʔabèle myɛ ní. Bele mɔ kéeli dɛ́nɛ lè, pe a kári púlori na. Lǎli bee ni fɛ̀ɛrɛ a mɔ taa, mɔ a curugo mɔ péemi myɛ kéele na.

Zyeremii 28:3

Yɛ̀ʔɛlɛ siin ga kwɔ́ɔ, mii a ní Yawe kpáagi yayigelere myɛ yaʔa ti lúru pan tɛ́ɛgi naa ma, toro dee Babilɔni fànʔafɔw Nebukadinezari láa lè tɛ́ɛgi naa ni n kári ní di ní Babilɔni ma.

Zyeremii 43:2

Azariya wi lè Hosyaya jáaw, ní Yohanan wi lè Kareya jáaw, ní nɛ̀ɛgbɔʔɔgɔ nanbèle bee myɛ Zyeremii yari: «Gee mɔ joo lè jànvaa wii. Yawe wolo Kolocɔlɔw ga mɔ tun mɔ í ba gi joo wolo ma si jo: ‹Yele a kɔ́ kári Ezyipiti ma bi sa tɛ́ɛn yaà í.›

Oze sɛ́bɛw 9:7

Kpúmɔnri canya yi maa yee, sàraw canya yi maa yee, Isirayɛli a koro cán! Kanyaajoow n cúro, a cánni pìlefɔlɔ nyúngo nyáʔami mɔ sinzinmi nɛʔɛnɛ, ní mɔ céenɛʔɛmi kéele na.