Zyeremii 5:12 - Cebaara Bible 2010

¹² Pe i jànvaa nyuu Yawe kéeli na, ní i gi nyuu níì jo: «Wi o beè í, wɔʔɔgɔ faala a tée nan wolo na í, wolo a tée ŋɔsée wàlá kateʔe nyaa í.

Zyeremii 5:12 Iomraidhean Croise

2 Cányi kèlē 36:16

Kàjáa a be i peyɛɛ nyɛ́nɛ Kolocɔlɔɔ tundunbèle na pe da ni wi syɛ́ɛnri córo í, a be i wi kanyaajoobèle kpàná fwɔɔ n taa a Yawe fundanʔagbɔɔri baa yìri be kurugo, tiinmɛ ga níì pye gi na í.

Ŋúnuyi 10:6

Wi i gi nyuu wiyɛɛ fúngi ni níì jo: «Mii a tée fága í, wɔʔɔlɔ a nan mii na nyáana í!»

Ŋúnuyi 14:1

Ŋúnuŋùúbèle kùndigi wóʔo. Davidi ŋúnugi. Nilabalaga ki gi nyuu kiyɛɛ fúngi ni níì jo: «Kolocɔlɔɔ o yaà í!» Pe n peyɛɛ gálagi, pe n kapeekpoloyo kpéʔele. Syɔɔn faala o beè, wee wi kacàngēle kpéʔele lè í.

Kàseegèle 30:9

koro ga pye mii a kɔ́ tín si mɔ cée í, sáā gi nyuu si jo: ‹Wìí wi nyɛ Yawe?› Wàlá mii í fɔ̀n si kɔ́ yùu koro si mii Kolocɔlɔw mɛ́ʔɛ nɔ́nʔɔ í.

Zyeremii 14:22

Syɛɛnfeleyi gbanzan yáriya ni, a gi kàa i yaà lé gee gi zàʔá cáan lè? Nyɛ̀ʔɛni lé li zěpalayi cáan? Mɔ ban ì, Yawe wolo Kolocɔlɔw? Mɔ na wolo wo sɔ̀ngumi taʔa. Níì cán mɔ wi kérigèle bee myɛ kpéʔele.

Zyeremii 2:6

Pe si ga wɔ́ɔ̀ gi joo í, níì jo: ‹Sán Yawe nyɛ woro wee wi wolo yirige Ezyipiti tári ni lè, níì kíni wolo yɛ́ɛgi na fìími tára ni, lɔ̀ʔɔ fun tára, ní gòrógoroweeye tára ni, waama ní kùu yébilimɛ tára ni, táraa ni, dee di lè syɔɔn faala da ni sɔ̀lɔ́ yaà í, ní beè lè syɔɔn faala da pye í?›

Zyeremii 28:4

Zyuda fànʔafɔw Yekonya wi lè Yehoyakimi jáaw, mii a ní wi lúrugo wi pan tɛ́ɛgi naa ma, woro ní Zyuda wóbèle bele myɛ be cò n kári Babilɔni ma lè. Níì cán mii a Babilɔni fànʔafɔw zúu kabi,› Yawe wi jo nya.»

Zyeremii 4:10

A mii jo: «Ee! Kàfɔw Yawe! Mɔ n tɔ̀nɔ n dígi syɛ́ɛnbèle naa, ní Zyerusalɛmi ni, àmɛɛ mɔ da gi joo lè níì jo: ‹Yele a yɛɛ̀nyingi taa!› A ŋɔséew baa nan fwɔɔ wolo sìíw na.»

Zyeremii 43:1

Lǎli ni Zyeremii kwɔ́ɔ Yawe be Kolocɔlɔw syɛ́ɛnrɛ myɛ joolo na syɛ́ɛnbèle myɛ ma lè, syɛ́ɛnri bee myɛ Yawe be Kolocɔlɔw da wi tun wi ba joo be ma lè,

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 6:14

Pe i mii syɛ́ɛnbèle kpàliya sámagi kɔ̀nʔɔrɔ ni ní i gi nyuu níì jo: ‹Yɛɛ̀nyinge! Yɛɛ̀nyinge!› Yɛɛ̀nyinge si o yaà í.

Ezekyɛli 13:6

Pe yanyaayi i nyɛ gbanzan, pe kanyaajoori i nyɛ jànvaa. Pe i gi nyuu níì jo: ‹Yawe n jo!› Bi gi taa Yawe ga be tun í. Pe n syɛ́ɛnbèle kaan a pe be sɔ̀ngumi taʔa poro syɛ́ɛnri na n jo ti a foro.

Misye 2:11

Ki n yɛlɛ nànwaa í da nyuu da wáa káfalagi kurugo, bàā jànvaaw nyuu si jo: «Mii a joo mɔ ma dùvɛɛnw ní singbǎnmi kéele na!» Joonɛʔɛgɛfɔw bee félege wi a tɔ̀nɔ́ yɛlɛ syɛ́ɛnbèle naa na!

Misye 3:11

Wi kùndigibèle i kútiiw nyuu námara kpɔ́ʔɔri kéele na wi sáriga-wòlobèle i syɛ́ɛnbèle tama sàra na, wi kanyaajoobèle i kérigèle nyuu ni yaari wáli na. A be si peyɛɛ zígi Yawe na ní i gi nyuu níì jo: «Yawe o nyɛ wolo níngi ni ì? Wɔʔɔgi a nan wolo na í.»

Làlwaw Kaanziin 29:19

Yawe a fɔ̀lɔ bi wi kùsulugi syɔɔ í. Kàjáa Yawe fundanʔari ní wi yejaagi a cò nǎnw bee kánma na. Dánga kérigèle ge sɛ́bɛ sɛ́bɛw naa ni lè, gele bee myɛ a nan wi na. Yawe a wi mɛ́ɛgi kurugo yirige yaà nyɛ̀ʔɛni láara ni.

1 Zyan 5:10

Wee wi tága lè Kolocɔlɔɔ Jáaw na, séeraw bee i nyɛ syɔ́ɔnw bee fúngo ni. Wee si wi lè wi ga tága Kolocɔlɔɔ séeraw na í, wee bee n Kolocɔlɔɔ kpéʔele jànvaafɔlɔ, níì cán séerawee wi kpéʔele lè wi Jáaw kéele na, wee bee ga tága séeraw bee na í.

1 Samyɛli 6:9

Yáā wéle, wi ga láʔagologi láa ni lúru ni syée Bɛti-Syemɛsyi kàbangi na, Yawe wi wɔʔɔgbɔɔgi naa taʔa wolo na. Ki si ga pye ki ga pye ànbée í, wolo a gi cán bi cán woro kɔ́gi ban gi wɔʔɔgi tɛ́ʔɛ n wolo kpúmɔn í, kàjáa a kéeli bee baa too wolo na wii.»