Zyeremii 5:10 - Cebaara Bible 2010

¹⁰ Ye lúgu gi tɛɛsùluyi na, ye kálagila kpéʔele, kàjáa yele a kɔ́ di kálagi bi kwɔ́ɔ í! Ye gi káganyi láʔala, níì cán yi o nyɛ Yawe wóyo í.

Zyeremii 5:10 Iomraidhean Croise

2 Cányi kèlē 12:4

A wi Zyuda kèniriyi syɔɔ n taa fwɔɔ n sáà nan Zyerusalɛmi na.

2 Cányi kèlē 36:17

A wi Kalide ye fànʔafɔw tórigo be kánmi na a woro baa be wojáribèle kpóo ní ŋɔsée ní, be tɛɛcǎngi ni. Wi ga nìgɔcariɔ, wàlá pìcaa, wàlá wolɛɛɔ, wàlá ǹjoofiire fɔ́lɔ faala yaʔa í. A wi pe myɛ le wi kɔ́gi ni.

Zyeremii 2:21

Mii maa mɔ cɔ́rɔ àmɛɛ ɛrɛzɛn tíricànga nyɛ lè, yacɔ́rɔgɔ, gee gi sámaga n yére lè. Mɛ̀ɛ́ si mɔ baa kàri nya mii kàbangi na n pye ɛrɛzɛn tíri-nibɔngɔ kágangèlē?

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 30:11

Níì cán mii i nyɛ ní mɔ ní, bàā mɔ syoo,› Yawe wi jo nya. ‹Mii a syɛɛnfeleyi myɛ kálagi kwɔ́ɔ, yee nínge ni mii mɔ nɛnɛ n tórigo lè, kàjáa mɔ na, mii a mɔ kálagi kwɔ́ɔ í. Mii a mɔ wɔʔɔ bi yɛlɛ ní gee ní gi sín lè, mii a gbǎn mɔ yaʔa sìnwɔʔɔ ni í.›

Zyeremii 39:8

A Kalide syɛ́ɛnbèle naà tɛ́ʔɛ n fànʔafɔw kpaʔa, ní syɛ́ɛnbèle kpaaya sórigo, níì Zyerusalɛmi tǒbèle círi n cáan.

Zyeremii 4:27

Níì cán Yawe n jo: «Tári myɛ a kálagi, kàjáa mii a di kálagi kwɔ́ɔ péw í.

Zyeremii 46:28

Mɔ wi lè mii falipyew Zyakɔbi, mɔ a kɔ́ ra fɛ̀ɛgí í,» Yawe wi jo nya, «níì cán mii i nyɛ ní mɔ ní, mii a syɛɛnfeleyi myɛ kálagi, yee nínge ni mii mɔ nɛnɛ n tórigo lè. Kàjáa mɔ na, mii a mɔ kálagi kwɔ́ɔ í, mii a mɔ kóro bi yɛlɛ ní sínni ní, mii a gbǎn mɔ yaʔa sìnwɔʔɔ ni í.»

Zyeremii 5:11

Kányɛʔɛ na Isirayɛli kpáagi ní Zyuda kpáagi wòolo n tɔ̀nɔ n mii jànváa,» Yawe wi jo nya.

Zyeremii 5:18

Kàjáa, àlí cányi bee ni, mii a yele kálagi kwɔ́ɔ péw í.» Yawe wi jo nya.

Zyeremii 5:9

Mii si kòro lé kàa sìnbye ni kapyeri bee kánma na?» Yawe wi jo nya. «Mii a kòro lé mii a gɔ̀lɔ́w wòlo syɛɛnfelegi bee félege na í?

Ezekyɛli 12:16

Kàjáa mii a nǎnbèle pèle yaʔa be ni, bele pe a syɔɔ lè ŋɔséew, ní kateekpɔɔgi, ní káfalagi yáama ma, koro ga pye syɛɛnfeleyee nínge ni pe a sa pye lè paa be yanɔnʔɔyi myɛ kéele nyuu bàā tèé yaà beè, si wɔ́ɔ gi cán bi cán mii wi nyɛ Yawe.»

Ezekyɛli 14:17

Wàlá mii ga ŋɔséew yaʔa wi pan tári bee kánma na, mii ga gi joo níì jo: ‹Ŋɔséew n yɛlɛ wi tári fǎn foro, mii ga syɛ́ɛnbèle ní yaweeri kwɔ́ɔ n yirige di ni,

Oze sɛ́bɛw 1:9

A Yawe jo: «Wi mɛ́ɛgi le paa wi yiri Lo-Amii. Níì cán yele o nyɛ mii syɛ̀ɛnnɛ í, mii si wɔ́ɔ o nyɛ yele wóo í.»

Amɔsi 9:8

«Wéle, Kàfɔw Yawe nyɛ́nɛ i nyɛ fǎngee na gi kolomi kèlē kpéʔele lè. Mii a gi kálagi bi yirige tári ni, koro ní ki myɛ ní mii a Zyakɔbi kpáagi wòolo myɛ kálagi kwɔ́ɔ péw í,» Yawe wi jo nya.

Matye 22:7

A fànʔafɔw ga gee bee lóʔo, a wi fúngi fala n tanʔa. A wi wi sùlasiibèle tun a be sáà syɛɛnkpoobèle bee kpóo, níì be kěgi sórigo.