Zyeremii 5:1 - Cebaara Bible 2010

¹ «Ye fàn ye màʔa Zyerusalɛmi kàlari-kóloyi ni ye gi wéle, ye yíbege kpéʔele, ye caa ye wéle kadàlayi na, kapye nàɔn nibin i yaà yi ni, kapye wàa nibin i yaà, wee wi kasinnɛ kpéʔele lè, wee wi kányɛɛgi caa lè, mii a Zyerusalɛmi kùsulugi syɔɔ.

Zyeremii 5:1 Iomraidhean Croise

1 Fànʔafɔbèle 19:10

A wi jo: «Kayaʔa gi tɔ̀nɔ́ nyɛ mii ni Yawe kéeli na, wi lè Nyɛ̀ʔɛni Kapɛɛnkpumɔnbéle Kolocɔlɔɔ. Níì cán Isirayɛli ye n mɔ joogaanni yaʔa, níì mɔ sáriga-wòlo-yafaanyi jabagi, níì mɔ kanyaajoobèle kpóo ní ŋɔséew ní. Mii nibin wi kòro, pe si ní i caa bi mii sìíw kwɔ́ɔ.»

2 Cányi kèlē 16:9

Níì cán Yawe i tári myɛ wéle ni forogi, koro ga pye bele fúnyo yi nyɛ woro na n foro lè be sámaga yére. Mɔ n yákirii funmɔ kpéʔele kéeli naa ni. Bi séli lǎli naa na kapɛɛngèle a pye mɔ na.»

Ŋúnuyi 12:1

Ŋúnuŋùúbèle kùndigi wóʔo, gee be ŋúu ní mɛ́ɛngèle kɔrɔtaanri kɔ̀rí ní lè. Davidi ŋúnugi.

Ŋúnuyi 14:2

N Yawe yaʔa nyɛ̀ʔɛni na, wi n wi nyúngi jùngu ni syɔɔn ye wéle bi gi nyaa kapye wàa i yaà, wee wi cìlige lè, wee wi Kolocɔlɔɔ caa lè.

Ŋúnuyi 14:3

Pe myɛ n kólogi cée, pe myɛ n kálagi. Syɔɔn faala o beè, wee wi kacàngēle kpéʔele lè í, àlí syɔɔn nibin.

Ŋúnuyi 94:16

Wìí wi a yìri mii ma syɛɛnpeebèle kurugo? Wìí wi a yìrí yére mii ma syɛɛnnaa-sìnzinbèle kánma na?

Kàseegèle 20:6

Syɛ̀ɛnnɛ saʔa i peyɛɛ funjǎngi kéele jáari ni máari, kàjáa syɔ́ɔnwee wi nyɛ lè tágala syɔ́ɔn, wìí wi a wi caa nyaa?

Kàseegèle 23:23

Kányɛɛgi syɔɔ, mɔ si a kɔ́ gi pára í, mí cánna, ní tamana, ní sícilimɛ taa.

Kàseegèle 8:3

Kěgi kpàánweegéle nyɔ́ɔ na, beè syɛ́ɛnbèle jǐn lè, pi i yákpoli wáa yaà níì jo:

Ŋúnudaangi 3:2

Koro na mii a yìri, mii a kěgi nyaari foro, kàlari-kóloyi, ní kadàlayi na. Wee kéele li mii dɛ́nɛ mii fúngi ni lè, mii a wi caa. Mii n wi caa, kàjáa mii ga wi caa n nyaa í.

Ezayi 59:4

Wàa faala o kútii kúunri ní sínnɛ ní í, wàa faala o jǐn kútii ni kányɛɛgi na í. Pe i peyɛɛ daari gbanzan syɛ́ɛnrɛ na, ní i jànvaa syɛ́ɛnrɛ nyuu, pe i yèré fǎngi gbànna fícɛnnɛ na, ní i sìnzinmi sii.

Zyeremii 2:29

Nyàʔá na gi yɛlɛ yele í pye kútii na ní mii ní? Yele ye myɛw n yeyɛɛ bye niceebéle mii kánmi na,» Yawe wi jo nya.

Zyeremii 44:15

Nǎnbèle bele myɛ pe da gi cán lè ncan poro cébèle i nùndaanni yáriga sórogi kolocɔlɔbèle pèle nikwɔɔlɔ ma, n fàra cébèle myɛ na be pye yaà lè wogboʔorobéle ní saʔa, ní syɛ́ɛnbèle myɛ be pye wodɛ́ɛnbéle ní Ezyipiti tári ni lè, Paturɔsi ma, a poro syɛɛnlurugori kaan Zyeremii ma kánmi naa na níì jo:

Zyeremii 8:6

Mii n mii líiyi cáan, ní i lúro, pe o nyuu àmɛɛ gi yɛlɛ bi pye lè í. Wàa faala o kàdoʔo wáa wi peemɛ ma í, pe o gi nyuu si jo: Nyàʔá mii pye í? Pe myɛ n taʔa n fala be kàfyaali kurugo àmɛɛ syɔnʔɔ fùurí ni jǐn kapɛɛnnɛ ni lè.

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Zyeremii 9:7

Pe nyíngèle i nyɛ syɛɛnkpoo-ŋáaya, pe o yarigaa nyuu kapye námaraw ban í. Pe i bɛ̀ɛlɛ syɛ́ɛnrɛ nyuu be nyɔ́ɔyi ni pe syɛɛnnyɛnnɛ ma, kàjáa fúngi ni, pe i karinyanga nii wi na.

Ezekyɛli 22:30

Mii i syɔɔnwaa caa be níngi ni, wee wi a kàkɔlɔgɔ faan bi be màʔa lè, si yére tɛɛfurugi na mii yɛ́ʔɛ ma, bi tári syɔɔ jàngó mii a kɔ́ di kálagi í, kàjáa mii ga wàa taa í.

Ezekyɛli 9:9

A wi mii yari: «Isirayɛli kpáagi, ní Zyuda kpáagi wòolo kolomɔ n tɔ̀nɔ n kpɔ́ʔɔ n sɔ̀lɔ. Tári n nyìn syɛɛnkpoori na, kěgi n nyìn kakolobyeri na, níì cán pe i gi nyuu níì jo: ‹Yawe n tári yaʔa, Yawe o yafyɛn nyaagi í.›

Danyɛli 12:4

Mɔ si na Danyɛli, syɛ́ɛnri bee kɔn, mí fɛ̀ɛ taʔa sɛ́bɛw na fwɔɔ bi taa làrigwɔɔli í ba nan. Syɛ̀ɛnnɛ saʔa a ra wi wéle, cánni si kpɔ́ʔɔ.»

Zyowɛli 2:9

Pe i fùurí ni tɔ́ngi kěgi na, ni fé tǒw na ni lúru ni jǐn kpáayi ni, ni jǐn fɛ̀nɛtiribèle na àmɛɛ kàyuuo nyɛ lè.

Amɔsi 8:12

«Pe a pye ninyaari-mí-màʔaya bi yìri sólomi lǒgee ma bi kári gee ma bi séli solomɔkulo kàbangi na bi sa nan canʔafolomɔ kabangi na. Pe a ra tàgatága da máari bàā Yawe syɛ́ɛnri caa, pe si a di nyaa í.

Zakarii 2:4

A mii jo: «Nyàʔá be pan ba kpéʔele?» A wi mii yari: «Nyɛ́ngèle wéle gele, koro gele ge Zyuda cariga lè, a gi pye syɔɔn faala a gbǎn nyǔngi yìrige í. Kàjáa fɔ̀nɔnǎnbèle naa n pan bi ba ge fúuro, si syɛɛnfeleyi nyɛ́ngéle kpúmɔn cáan, yoro yee yi nyɛ́nni yìrige Zyuda tári kánma na lè, jàngó bi di syɛ́ɛnbèle cariga.»

Luki 14:21

A falipyew lúru n kári n sáà gee bee joo wi kàfɔw ma. Lǎli bee ni a kpáagi fɔ́lɔ fúngo tanʔa, a wi wi falipyew pye: ‹Da syée kelekele kěgi kadàlaya ní kàlari-kóloyi na mi sa foomɔfɔbèle ní tɔvanayi fɔ̀ɔlɔ yeri, n fàra fúunbèle ní syɛɛnmɔngɔbèle na maa maa.›

2 Tesaloniki ye 2:10

wi a wɔ́ɔ ba ra kanaa-sìnzinri féleye myɛ téeri bàā syɛ́ɛnbèle fáana da pùuní, bele pe a kálagi lè, níì cán pe ga fɔ̀lɔ n kányɛɛgi yaʔa a gi be dɛ́nɛ í, jàngó poro í syɔɔ í.