Zyeremii 49:3 - Cebaara Bible 2010

³ «Hɛsyibɔn, da cɛ́ɛn, níì cán Ayi n kálagi! Araba calipiigèle, yaa sùpiigèle wáa, ye gɔ̀nvaʔaya le buroyo, yaa kùugo nyɛnigɛ kpéʔele, yáā fé yaa máari tǒbèle sɔ́lɔgɔmɔ ni! Níì cán Milikɔmi n cò ni syée n fàra wi sáriga-wòlobèle, ní wi syɛɛnkpolobèle na.

Zyeremii 49:3 Iomraidhean Croise

2 Samyɛli 11:1

A yɛ́ɛli ga màʔa n kpàra, lǎli ni fànʔafɔbèle gáà ni syée kapɛɛnni ma lè, a Davidi wi kapɛɛnkpumɔnbèle kàfɔlɔ Zyowabi tórigo ní wi syɛɛnkpolobèle ní n fàra Isirayɛli ye myɛ na, a be sáà Amɔn ye kálagi, ní sáà tɛ́ɛn Araba taana kapɛɛnni kánma na. Kàjáa Davidi maa kòro Zyerusalɛmi ni.

1 Fànʔafɔbèle 11:33

Koro a kpéʔele àmɛɛ pe mii yaʔa lè ní i tíri ni tuun Asitarite yɛ́ʔɛ ma ki lè Siidɔn ye yasungi, ní Kemɔsyi yɛ́ʔɛ ma ki lè Mowabi kolocɔlɔw ní Milikɔmi yɛ́ʔɛ ma, ki lè Amɔn ye kolocɔlɔw, ní àmɛɛ gi nyɛ lè pe ga tánʔa n yɛlɛ ní mii kólogi kèlē ní í jàngó bàā gi kpéʔele gee gi sín mii yɛ́ʔɛ ma lè í, níì mii làlwaw kèlē ní mii kajoodɛɛngèle cò n yɛlɛ ní gi ní àmɛɛ Salomɔn tóow Davidi da ni gi kpéʔele lè í.

1 Fànʔafɔbèle 11:5

A Salomɔn wiyɛɛ daʔa Asitarite kpɔ̀ʔɔrɔli na, ki lè Siidɔn ye yasungi ní Milikɔmi kpɔ̀ʔɔrɔli na, ki lè Amɔn ye yanɔnʔɔgi.

2 Fànʔafɔbèle 23:13

Sáriga-wòlo-tɛ́ɛyee yi pye lè Zyerusalɛmi zǐnmi na kálagili nyanbelege worogulo kàbangi na, a fànʔafɔw yoro nɔ́nʔɔ. Yoro yee Isirayɛli fànʔafɔw Salomɔn da faan lè. Kàa maa pye Asitarite wóʔo gi lè Siidɔn ye yanɔnʔɔgi. Kàa si i nyɛ Kemɔsyi wóʔo, gi lè Mowabi ye yanɔnʔɔgi. Kàa si i nyɛ Milikɔmi wóʔo gi lè Amɔn ye yanɔnʔɔgi.

Ɛsidirasi 2:28

Betɛli, ní Ayi syɛ́ɛnbèle si i nyɛ sirakele ní toko ní taanri.

Ezayi 13:6

Yaa nyaan yaa peele, níì cán Yawe cángi n nùuni, ki i maa àmɛɛ kálagigbɔɔlɔ nyɛ, lee li yìri Séew Myɛ Kafɔlɔ ma lè.

Ezayi 14:31

Kpàánweele, da nyaan maa peele! Kèkpɔʔɔ, da yákpoli wáa! Filisitini tápow, da cɛ̀lɛ́. Níì cán wírige i yìrigí solomɔkulo ma ni maa, wi kapɛɛnkpumɔnwaa nibin a tée fɔ̀n taanigólogi ni í.

Ezayi 15:2

Pe i lúru ni syée kpɔ̀ʔɔrɔli kpaʔa, ní Dibɔn sáriga-wòlo-tɛ́ɛyi ma bi sa ra nyaan yaà. Mowabi i nyaan ni peele Nebo ní Medeba kéeli na, nyǔnyi myɛ n kùnu, bàʔajɔɔbèle myɛ n cɛnɛ.

Ezayi 16:7

Gee bee na Mowabi ye a ra nyaan bàā peele Mowabi kéeli na, pe myɛ nibin nibin a ra nyaan bàā peele. Yele a ra cɛ́ɛn Kiiri-Haresɛti ɛrɛzɛn kàgbalari kéele na, si tɔ̀nɔ́ pye báriga fun.

Ezayi 23:1

Joogbanna Tiiri kéeli na. Tarisiisi bàtobèle, yaa nyaan yaa peele! Níì cán ki n jaa, kpaʔa ga níì kòro í! Tɛɛ̀jeele ní o yaà í! Kitiimi tári má gee bee yìri n baa tɛ̀ɛn be na.

Ezayi 23:6

Ye jeli ye kári Tarisiisi ma. Yele lǒgi nínge tátɛɛlɛ woolo, yaa nyaan yaa peele.

Zyeremii 4:8

Koro na ye gɔ̀nvaʔaya le buroyo, ye pye kùu káyaʔa na yaa nyaan yaa peele. Níì cán Yawe fundanʔari káfugbanga a tée láʔa wolo na í.

Zyeremii 46:25

Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n jo: «Wéle, mii a keele tɛ́ʔɛ Amɔn na, wi lè No wów, ní Faraɔnw ní Ezyipiti, ní wi kolocɔlɔbèle, ní wi fànʔafɔbèle na. Mii a keele tɛ́ʔɛ Faraɔnw, ní bele na pe peyɛɛ daʔa wi na lè.

Zyeremii 48:2

Nìjanra ga níì kòro Mowabi ma í. Hɛsyibɔn ni, pe i wi wɔʔɔgi kéele sɔ̀ngí, níì jo: ‹Yaa maa wo kári wo sa wi kálagi wo yirige yaà syɛɛnfeleyi nínge ni.› Mɔ wɔ́ɔgēle, Madimɛn, Mɔ nyɔ́ɔgi a tɔ́n. Ŋɔséew i syée mɔ kurugo.

Zyeremii 48:20

Fɛ̀ɛrɛ n Mowabi taa, àmɛɛ wi kpúmɔn n cáan lè. Yaa cɛ́ɛn yaa yákpogèle wáa! Yaa gi jáari Arinɔn nyɔ́ɔgi na ye jo: Mowabi n kálagi!

Zyeremii 48:37

Níì cán nyǔnyi myɛ n kùnu, a bàʔajɔɔbèle myɛ cɛnɛ. Tɛɛkɔnɔgiyɔ i nyɛ kɔ́yi myɛ na. Gɔ̀nvaʔaya si i nyɛ sárigèle myɛ na.

Zyeremii 48:7

Amɛɛ mɔ miyɛɛ daʔa mɔ kɔ́yi fáli, ní mɔ lɔ́ri tɛɛkɔnyɔ na lè, pe a wɔ́ɔ mɔ cò, Kemɔsyi si cò bi kári ní wi sáriga-wòlobèle, ní wi syɛɛnkpolobèle ní.

Zyeremii 49:1

Dee di joo Amɔn ye kéeli na lè. Yawe wi syɛ́ɛnri naa joo níì jo: «Nànbile o nyɛ Isirayɛli ma ì? Kɔriliio o nyɛ wi ma ì? Nyàʔá na Gadi pye Milikɔmi wóʔo, á wi syɛ́ɛnbèle tɛ́ɛn wi kěyi ni?

Zyeremii 51:8

Babilɔni n too làrinijanna ni, wi n tɔ́nʔɔnɔ! Yaa kɔ́nʔɔri wi kéeli na, ye céyaa-sìnmɛ láa wi yáami kéele na, dɔ̀ʔɔ́ wi a pɔʔɔ.

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Amɔsi 1:15

Pe fànʔafɔw si kári púlori na, woro ní wi kùndigibèle ní,» Yawe wi jo nya.

Sofonii 1:5

ní bele be tuun nyɛ̀ʔɛni ŋɔripiigéle yɛ́ʔɛ ma kpáayi ǹjoyo ni lè, ní bele be tíri ni tuun ní i kɛ̀ɛ́ Yawe na lè, ní wɔ́ɔ i kɛ̀ɛ́ Milikɔmi na lè,

Zyaki 5:1

Yele bele ye nyɛ lè lɔ́ri fɔ̀ɔlɔ, yele ní mii a joo tɔ́ɔliw ni! Ki n yɛlɛ yaa nyaan yáā sùpiigèle wáa wɔʔɔli kéele na li maa ba too yele na lè!

Zyozuwe 7:2

A Zyozuwe nǎnbèle pèle yìrige Zyeriko ni n tun Ayi ma, wi lè Bɛti-Avɛn taana Betɛli canʔafolomɔ kabangi na. Wi n be pye: «Ye lúgu ye sa tári saanri ye wéle.» A nǎnbèle bee lúgu n sáà Ayi saanri n wéle.

Zyozuwe 8:1

A Yawe Zyozuwe pye: «Mɔ a kɔ́ ra fɛ̀ɛgí í, zɔ̀nviige a kɔ́ ra mɔ kɔɔn í. Kapɛɛnkpumɔnbèle myɛ kɔ́ri mi yìri maa syée Ayi kánmi na. Wéle, mii n Ayi fànʔafɔw, ní wi syɛ́ɛnbèle, ní wi kěgi, ní wi tári le mɔ kɔ́gi ni n kwɔ́ɔ.

Zyozuwe 8:28

A Zyozuwe Ayi sórigo níì gi yaʔa a gi kòro kataʔa làrigèle myɛ ni fwɔɔ n baa nan níjanʔa na.