Zyeremii 48:8 - Cebaara Bible 2010

⁸ Kálagifɔw a jée kàʔa o kàʔa ni, kègaa faala a tée syɔɔ í, jǐnlɔgi a kálagi, tɛɛfiigi a tɔ́nʔɔnɔ, koro Yawe joo.

Zyeremii 48:8 Iomraidhean Croise

Zyeremii 15:8

Mii a gi yaʔa pe lɔgucebèle í nɛʔɛ bi sɔ̀lɔ sólomi lɔ̀ʔɔ táminyɔɔ na. Mii a pan ní kálagifɔw ní cânvulɛɛlɛ na bi ba cáan nìgɔcaribèle nɔ̀ɔnɔ na. Mii a nyáʔamina ní fyáakpɔɔrɔ pàla bi cáan be na.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 48:18

Mɔ wi lè wodɛ́ɛɔn ní, calipili Dibɔn! Tìgi mɔ nijanri ǹjoʔo ni, mi tɛ́ɛn lògbaalaagi tára na. Níì cán Mowabi kálagifɔw n lúgu mɔ kánmi na, wi i mɔ keniriyi kálagi.

Zyeremii 51:56

Kálagifɔw tɔ̀nɔ́ i maa wi kánmi na, gee bee n jo Babilɔni kánmi na, wi nànniribèle n cò n kári, pe sedeyi n kabagi. Níì cán Yawe i nyɛ Kolocɔlɔɔ, wee wi sàraw kaangi lè, wi i syɔɔn o syɔɔn kaangi ni yɛlɛgi ní gee ní wi yɛlɛ bi taa lè.

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Ezekyɛli 25:9

gee bee kéele na, wéle, mii a Mowabi tásaligi múgu yaʔa, kěyi kàbaan ma, gee bee n jo wi kěyi yi nyɛ lè wi láʔagoloyi na, yi lè tári fèrere, yoro yi nyɛ Bɛti-Yesyimɔti, ní Baali-Meyɔn, ní Kiiriyatayimi.

Zyozuwe 13:17

Hɛsyibɔn ní gi tɛɛ̀fála-falagi kèye myɛ yi lè Dibɔn, ní Bamɔti-Baali, ní Bɛti-Baali-Meyɔn,

Zyozuwe 13:21

gee bee n jo kěyi myɛ yi nyɛ lè tɛɛ̀fála-falayi na n fàra Amɔri ye fànʔafɔw Sihɔn fǎngi tɛ́nɛmɛ myɛ na, woro wee wi pye fǎngi na lè Hɛsyibɔn ni. Mowizi maa baa wi ní Madyan kùndigibèle kpóo, be pye lè Evii, ní Erekɛmi, ní Suuri, ní Huri, ní Ereba. Bele bee maa pye kùndigibéle, bele Sihɔn da ni kàragí lè. Pe maa pye wodɛ́ɛnbéle ní tári bee ni.

Zyozuwe 13:9

Nlaa yaà Aroyɛɛri na wi lè Arinɔn lòcoologi nyɔ́ɔ na, ní kěgi na ki nyɛ lè jǐnlɔgi nínge ni, ní Medeba ǹjoʔomaw myɛ fwɔɔ n sáà nan Dibɔn na,