Zyeremii 48:2 - Cebaara Bible 2010

² Nìjanra ga níì kòro Mowabi ma í. Hɛsyibɔn ni, pe i wi wɔʔɔgi kéele sɔ̀ngí, níì jo: ‹Yaa maa wo kári wo sa wi kálagi wo yirige yaà syɛɛnfeleyi nínge ni.› Mɔ wɔ́ɔgēle, Madimɛn, Mɔ nyɔ́ɔgi a tɔ́n. Ŋɔséew i syée mɔ kurugo.

Zyeremii 48:2 Iomraidhean Croise

Ezayi 15:1

Joogbanna, Mowabi kánmi na. Ari-Mowabi n kálagi yébilige nibin ni! Kiiri-Mowabi n kálagi yébilige nibin ni!

Ezayi 15:5

Mii fúngi i yakpoli wáa Mowabi kéeli na, woro wee wovan-mí-syɔɔbéle be fé ni syée lè fwɔɔ n sa ni nangi Sowari na, n sa ni nangi fwɔɔ Egilati-Syelisyiya na. Ncan pe i nyaan ni Luyiti dǎndamagi lúru. N be yaʔa Horonayimi kólogi na, pe i sùpiigèle wáa gàlagíw kéele na.

Ezayi 16:14

Tɔ́ɔliw ni, Yawe n syɛ́ɛnri naa joo níì jo: «Yɛ̀ʔɛlɛ taanri fúngo ni, àmɛɛ sàra-na-falipyeo yɛ́ɛgéle nyɛ lè, Mowabi nìjaanri a pye yafaʔaga. Syɛ́ɛnmi nɛʔɛnɛ ní gi myɛ ní, pe wogorobèle a pye yapiipiile ní kanyɔɔnɔ fun.»

Ezayi 25:10

Níì cán Yawe kɔ́gi a taʔa nyanbelegi naa na. Pe si a Mowabi tánʔana yaà wi tɛ́ɛgi ni àmɛɛ be nyàásige tánʔana káboʔo na lè.

Zyeremii 25:15

Níì cán Yawe wi lè Isirayɛli Kolocɔlɔw, woro wi syɛ́ɛnri naa joo mii ma níì jo: «Yagbaali naa syɔɔ mii kɔ́gi ni, loro lee li nyìn fundanʔari dùvɛɛn na lè, mí syɛɛnfeleyi myɛ kaan yi gbaa li ni, yee má mii mɔ tun lè.

Zyeremii 25:17

A mii yagbaali syɔɔ Yawe kɔ́gi ni, níì syɛɛnfeleyi myɛ kaan a yi gbaa li ni, yee má Yawe da mii tun lè,

Zyeremii 31:36

wi n jo: «Kajoogèle bee ga gbàn n kwɔ́ɔ mii yɛ́ʔɛ ma, Isirayɛli yòdaʔagi a wɔ́ɔ gbǎn kwɔ́ɔ mii yɛ́ʔɛ ma gi kòro nya, pe a ní pye syɛɛnfelege mii yɛ́ʔɛ ma í.»

Zyeremii 33:24

«Mɔ ga gi nyaa gee syɛ́ɛnbèle naa nyuu lè ì? Pe i gi nyuu níì jo: ‹Narigbaayi siin Yawe da nyɛ́nɛ n wòlo lè, wi n yi cée.› Kánmi bee na pe mii syɛ́ɛnbèle faari, pe nyɛnɛ na pe ní caa o nyɛ syɛɛnfelege í.

Zyeremii 46:28

Mɔ wi lè mii falipyew Zyakɔbi, mɔ a kɔ́ ra fɛ̀ɛgí í,» Yawe wi jo nya, «níì cán mii i nyɛ ní mɔ ní, mii a syɛɛnfeleyi myɛ kálagi, yee nínge ni mii mɔ nɛnɛ n tórigo lè. Kàjáa mɔ na, mii a mɔ kálagi kwɔ́ɔ í, mii a mɔ kóro bi yɛlɛ ní sínni ní, mii a gbǎn mɔ yaʔa sìnwɔʔɔ ni í.»

Zyeremii 48:17

Yele bele myɛ ye wi màʔa lè, yele bele myɛ ye nyɛ lè wi mɛ́ɛgi cánvɔɔlɔ, yaa wi kéeli yáa, ye jo: ‹Nyàʔá gi gee! Sée kàgbeeli bee, á li baa kabagi lé, li lè fǎngi kàgbeele?›

Zyeremii 48:42

Mowabi a kálagi, wi a ní pye syɛɛnfelege í, níì cán wi n yìri Yawe kánmi na.

Zyeremii 48:45

«Fànvɔbèle n ba ni yèré fànʔa fun ni Hɛsyibɔn nyínmi ni, níì cán naà i yirigi Hɛsyibɔn ni, naanyìnge i yirigi Sihɔn níngi ni. Ki i Mowabi lɛ̀ʔɛgèle sórogi, ní syɛɛntanʔabèle nyùngɔrigéle.

Zyeremii 49:3

«Hɛsyibɔn, da cɛ́ɛn, níì cán Ayi n kálagi! Araba calipiigèle, yaa sùpiigèle wáa, ye gɔ̀nvaʔaya le buroyo, yaa kùugo nyɛnigɛ kpéʔele, yáā fé yaa máari tǒbèle sɔ́lɔgɔmɔ ni! Níì cán Milikɔmi n cò ni syée n fàra wi sáriga-wòlobèle, ní wi syɛɛnkpolobèle na.

Zyeremii 49:37

Mii a Elami ye yaʔa paa cɛ̀lɛ́ pe nigoobèle yɛ́ʔɛ ma, ní bele yɛ́ʔɛ ma pe be sìikwɔɔri caa lè. Mii a wɔʔɔgɔ yaʔa gi nan be na mii fundanʔari káfugbanga báriga ni,» Yawe wi jo nya. «Mii a ŋɔséew tórigo be kurugo fwɔɔ bi taa mii í be kwɔ́ɔ.

Córolo 32:37

A Wurubɛn ye Hɛsyibɔn, ní Eleyale, ní Kiiriyatayimi,