Zyeremii 47:7 - Cebaara Bible 2010

⁷ Kanmìí na wi a ŋɔ́ndaa bi sɛ́ɛ? Ncan Yawe n gi joo n gbàn wi ma waa syée Asikalɔn ma, ní sólomi lɔ̀ʔɔ nyɔ́ɔ ma. Nɛɛ bee wi wi tórigo.»

Zyeremii 47:7 Iomraidhean Croise

Misye 6:9

Yawe yákpoli i kěgi yiri, bàā fɛ̀ɛgí mɔ mɛ́ɛgi na, koro i nyɛ sícilimɛ. Ye kpúmɔn-mí-kàrigali kéele joolo lóʔo, ní wee wi joo li kpéʔele lè.

Ezekyɛli 14:17

Wàlá mii ga ŋɔséew yaʔa wi pan tári bee kánma na, mii ga gi joo níì jo: ‹Ŋɔséew n yɛlɛ wi tári fǎn foro, mii ga syɛ́ɛnbèle ní yaweeri kwɔ́ɔ n yirige di ni,

Ezayi 10:6

Mii n wi tórigo Kolocɔlɔɔ yɛ́ʔɛnaa-sìnvyaa syɛɛnfelege kánma na, syɛ́ɛnbèle be mii fúngi taanri lè, mii n wi súguru n wáa bele bee na, wi sa yáriri fuguri si lɔ́ri koli, si syɛ́ɛnbèle tánʔana àmɛɛ kàlari-kóloyi fáriga nyɛ lè.

Amɔsi 3:6

A pe i kapɛɛnnɛ tòmaʔa wíi lé kàʔa ni syɛ́ɛnbèle í kòro sìnvyaa ni ? A wɔʔɔgɔ i tuun lé kàʔa na n gi yaʔa ki ga yìri Yawe ma í?

Ezekyɛli 25:16

gee bee kéele na, Kàfɔw Yawe n jo: ‹Wéle, mii a mii kɔ́gi sánʔa bi taʔa Filisitini ye na, mii a Kerɛti ye kwɔ́ɔ bi yirige yaà, bele be kòro wodɛ́ɛnbéle ní sólomi lɔ̀ʔɔ nyɔ́ɔ na lè, bi bele bee kwɔ́ɔ láʔa yaà.

Ezayi 37:26

Mɔ ga tɔ̀ʔɔ̂ gi lóʔo ncan nlaa yaà làridɔɔnnɔ ni, mii wi kérigèle bee kɔ̀rirɔ n kpéʔele yaà booma ni ì, mii maa ge sámaga n yaʔa yaà booma cányi ni ì? Tɔ́ɔliw ni, mii n ge yaʔa a ke baa foro, kèniriyi si kàri bi pye gurubɛɛtooro.

Ezayi 13:3

Mii n syɛɛnrɛ joo n gbàn bele má be yaʔa kɔlɔ̀ na mii ma lè, mii n wɔ́ɔ̀ mii nànniribèle yeri mii fundanʔari kéele na, poro bele be fundaanri kpéʔele mii séew kéele na lè.

1 Samyɛli 15:3

Da syée tɔ́ɔliw ni mi sa too Amalɛki ye na, mí be kɔlɔ̀ yáriri myɛ kálagi péw, mɔ a kɔ́ be yaʔa í. Ki n yɛlɛ mi sa nǎnbèle, ní cébèle kpóo, n fàra pìíbèle na be fuguri lè, ní bele be ŋɔri lè, ní nǐyi ní, n fàra yaweeyiligèle, ní fàlibaayi, ní jòfanibèle na.› »

Zyeremii 48:10

Wee wi Yawe fáliw kpéʔele ní sàlaga ní lè, ki n yɛlɛ wi dánga. Wee wi wi ŋɔséew kún sìsyaanw wolo na lè, ki n yɛlɛ wi dánga!

Ezekyɛli 21:30

Mɔ si na, Isirayɛli fànʔafɔbili, mɔ wi lè Kolocɔlɔɔ yacanri faʔafɔlɔ, ní i nyɛ syɛɛnpeeo, mɔ wee canʔa gi maa lè, lǎli ni kolomi a ba nan bi kwɔ́ɔmi na lè.

Ezekyɛli 21:9

Amɛɛ gi nyɛ lè mii i caa bi syɛɛnsinw, ní syɛɛnpeew kwɔ́ɔ bi yirige mɔ ni, àwá, mii ŋɔséew wi a yiri wee wi kpàfogi ni bi syɔɔn ye myɛw kpóo, bi séli wòrogulo ma bi sa nan solomɔkulo na.

Ezekyɛli 21:14

«Syɔɔn-pya, kérigèle nyaa mi joo, ki joo mí jo: ‹Kàfɔw wi syɛ́ɛnri naa joo níì jo: Ŋɔséew! Ŋɔséew! Pe n wi jɔɔgɔ, pe n wi kurugo.