Zyeremii 47:4 - Cebaara Bible 2010

⁴ Níì cán cángi i maa, gee ni Filisitini ye myɛ a kálagi lè. Bele myɛ be nyɛ lè Tiiri ní Siidɔn dɛ̀ɛmɛfɔbèle, poro a tɔ̀nɔ́ kálagi yiri yaà. Yawe a Filisitini ye kálagi, pe lè Kafitɔri lǒgi nínge tátɛɛlɛ wozanbèlē.

Zyeremii 47:4 Iomraidhean Croise

Sélimɛ 10:15

Kanaan wi Siidɔn see, woro wi pye wi pìilɛɛw, ní wɔ́ɔ̀ Hɛti see,

1 Cányi kèlē 1:12

n fàra Paturɔsi ye, ní Kasilu ye na, poro bele ni Filisitini ye, ní Kafitɔri ye yiri lè.

Zyɔbi 9:13

Kolocɔlɔɔ o wi fundanʔari yaari í. Nɛ̀ɛnyɛnɛgi fɔ́lɔ tɛɛ̀sigiye i tuun wi yɛʔɛ̀ ma.

Ŋúnuyi 37:13

Kàfɔw i wi tɛ́ʔɛ níì cán wi n wi cángi nyaa ki i maa n kwɔ́ɔ.

Ezayi 10:3

Nyàʔá yele a pye kpúmɔnri canʔa na, ní kálagi-gbɔ́ɔli li a yìri léelige bi pan lè? Wìí má yele a fàn bi kári koro ga pye bi syɔɔlɔ taa, ní sán yele a yele lɔ́ri yaʔa?

Ezayi 14:31

Kpàánweele, da nyaan maa peele! Kèkpɔʔɔ, da yákpoli wáa! Filisitini tápow, da cɛ̀lɛ́. Níì cán wírige i yìrigí solomɔkulo ma ni maa, wi kapɛɛnkpumɔnwaa nibin a tée fɔ̀n taanigólogi ni í.

Ezayi 20:6

Bele be nyɛ lè wodɛ́ɛnbéle ní lógbew naa na, poro a gi joo cángi bee na si jo: ‹Wéle, wee naa wi da tɔ̀nɔ n pye wolo sɔ̀ngumi tɛɛtaʔaga, ní wolo tɛɛlaragi jàngó bi wolo dɛ̀ɛmɛ, bi wolo syɔɔ Asirii fànʔafɔw ma! Mɛ̀ɛ́ si wolo a gbǎn syɔɔ bi sɛɛ?› »

Ezayi 31:8

«Ŋɔséew a Asirii cáan, wee wi lè wi a pye syɔɔn wóo í, ŋɔséew wi lè wi o nyɛ syɔɔn ye wóo í, wee bee a wi kálagi. Wi a ra fé ŋɔséew na, wi nìgɔcaribèle a kɔ́ri bi le pɔ́rɔtɔɔ-fáliw ni.

Zyeremii 46:10

Cángi bee i nyɛ Kàfɔw Yawe wóʔo, wi lè Nyɛ̀ʔɛni Sùlasiibéle Kafɔlɔ, gɔ̀lɔ́-wòloro canʔa si gii, gee ni wi a gɔ̀lɔ́w wòlo wi nigoobèle na lè. Ŋɔséew i káa, wi i tíngi, wi i be sìsyaanw gbo ni yɛ́ɛgi wóo. Níì cán sáriga wii Kàfɔw ma, Yawe wi lè Nyɛ̀ʔɛni Sùlasiibéle Kafɔlɔ, solomɔkulo tári ma, Ufurati cábigi kàbaan na.

Ezekyɛli 21:25

Mɔ a kologo wòlo jàngó ŋɔséew í sa nan Araba na, ki lè Amɔn ye kěgi, ki fala Zyuda tári ma bi sa nan Zyerusalɛmi na ki lè kènirigi.

Ezekyɛli 21:29

Awá, gee bee na Kàfɔw Yawe n jo: ‹Amɛɛ yele sɔ̀ngí ni taagi yele kolomi na lè, níì yele céemi kèlē múgu n yaʔa n yele kapeegèle tɛ̀ɛn yele kapyegèle myɛ báriga ni lè, àmɛɛ yele sɔ̀ngí ni taagi gee bee na lè, wi kɔ́gi a yele cò.

Ezekyɛli 25:16

gee bee kéele na, Kàfɔw Yawe n jo: ‹Wéle, mii a mii kɔ́gi sánʔa bi taʔa Filisitini ye na, mii a Kerɛti ye kwɔ́ɔ bi yirige yaà, bele be kòro wodɛ́ɛnbéle ní sólomi lɔ̀ʔɔ nyɔ́ɔ na lè, bi bele bee kwɔ́ɔ láʔa yaà.

Ezekyɛli 30:8

Lǎli ni mii ga náagi le Ezyipiti na lè á wi dɛ̀ɛmɛfɔbèle myɛ tɔ́nʔɔnɔ, lǎli bee ni pe a gi cán bi cán mii wi nyɛ Yawe.

Ezekyɛli 7:12

Lǎli i maa, cángi i nùuní! Yasyɔɔw ga yɛlɛ waa fundaanra kpéʔele í, yapáraw ga yɛlɛ waa kùu káyaʔa kpéʔele í! Níì cán fundanʔari fànʔa n folo n yiri kěgi syɛɛnnɛʔɛmɛ myɛ kánma na.

Oze sɛ́bɛw 9:7

Kpúmɔnri canya yi maa yee, sàraw canya yi maa yee, Isirayɛli a koro cán! Kanyaajoow n cúro, a cánni pìlefɔlɔ nyúngo nyáʔami mɔ sinzinmi nɛʔɛnɛ, ní mɔ céenɛʔɛmi kéele na.

Amɔsi 9:7

«Yele Isirayɛli yòdaʔayi, yele o nyɛ mii ma àmɛɛ Etyopii ye pìibēle nyɛ lè ì? Mii ban wi Isirayɛli ye yirige Ezyipiti ni, níì Filisitini ye yirige Kafitɔri ni, níì Sirii ye yirige Kiiri ni ì?» Yawe wi jo nya.

Luki 21:22

Níì cán gee bee ki a pye kapeegèle gɔ̀lɔ́-wòloro canya, koro ga pye Kolocɔlɔɔ syɛɛnsɛbɛri myɛ í foro.

Làlwaw Kaanziin 2:23

Avii ye be pye lè wodɛ́ɛnbéle ní kèpiigèle ni fwɔɔ n sáà nan Gaza na, Kafitɔri ye be yiri Kafitɔri ni lè, a poro pan n baa be kálagi n yirige yaà níì tɛ́ɛn pe sìndɛɛgi ni.

Zyozuwe 22:30

Lǎli ni sáriga-wòlow Fineyasi, ní syɛ́ɛnmi kùndigibéle be pye ní wi ní lè, pe lè Isirayɛli syɛɛnnɛʔɛmi kùndigibéle, poro Wurubɛn ye, ní Gadi ye, ní Manase ye syɛ́ɛnri lóʔo lè, a ti be dɛ́nɛ.