Zyeremii 47:2 - Cebaara Bible 2010

² Yawe wi syɛ́ɛnri naa joo níì jo: «Wéle, lònɛʔɛgɛ i yìrigí solomɔkulo ma, ki n baa pye àmɛɛ lòcoologo nyɛ, gee gi yáriri tɔ́ngi lè. Ki i tári ní di yáriri myɛ tɔ́ngi, ní kěyi ní yi syɛ́ɛnbèle. Nǎnbèle i yákpogèle wáa, tári syɛ̀ɛnnɛ myɛ i cɛ́ɛn,

Zyeremii 47:2 Iomraidhean Croise

Ŋúnuyi 24:1

Davidi ŋúnugi. Tári ní di yáriri i nyɛ Yawe wóro, dulunyanw ní wi fúngi syɛ̀ɛnnɛ i nyɛ Yawe wòolo!

Ŋúnuyi 50:12

Kateʔe ga maa pye mii na, mii mǎà dée koro joo mɔ ma í, níì cán dulunyanw ní wi fúngi yárira myɛ i nyɛ mii wóro.

Ŋúnuyi 96:11

Nyɛ̀ʔɛgèle n yɛlɛ kaa fundaanra kpéʔele, tári n yɛlɛ taa muguri, sólomi lɔ̀ʔɔ ní gi fúngi yárira myɛ n yɛlɛ bàā tìngí.

Ŋúnuyi 98:7

Ki n yɛlɛ sólomi lɔ̀ʔɔ ní gi fúngi yárira myɛ í da tìngbɔɔmɔ kpéʔele n fàra tári, ní bele myɛ na be nyɛ di na lè.

Ezayi 14:31

Kpàánweele, da nyaan maa peele! Kèkpɔʔɔ, da yákpoli wáa! Filisitini tápow, da cɛ̀lɛ́. Níì cán wírige i yìrigí solomɔkulo ma ni maa, wi kapɛɛnkpumɔnwaa nibin a tée fɔ̀n taanigólogi ni í.

Ezayi 15:8

Níì cán sùpiiwáara i Mowabi láʔagoloyi máari. Wi sùpili i nangi fwɔɔ Egilayimi na, li i nangi fwɔɔ Beyɛri-Eliimi na.

Ezayi 22:1

Joogbanna Jǐnlɔgi yanyaʔa kéele na. Nyàʔá na mɔ lúgu ní mɔ syɛ́ɛnbèle myɛ ní bindàágèle na,

Ezayi 28:17

Mii a kányɛɛgi pye yatimana-mɛ́ɛnnɛ, bi sínni pye gûnzin-yáriga. Jànvaaw tɛɛlaraga ni yele nyɛ lè, zěsolo-kunguruyo a ba gee bee fàari bi tìrige. Lònɛʔɛgɛ a ba yele námaraw yatɔngɔ wáa.

Ezayi 59:19

Pe a ra fɛ̀ɛgí Yawe mɛ́ɛgi na bi séli yaà canʔajeemɛ ma, bàā fɛ̀ɛgí wi nìjangbɔɔri na, bi láa yaà canʔafolomɔ ma. Lǎli ni kasiitun-nyɛ́nw ga pan àmɛɛ cábiga nyɛ lè, Yawe Pǐli a wi nɛnɛ tórigo.

Zyeremii 1:14

A Yawe mii pye: «Solomɔkulo kàbangi na wɔʔɔgi a yìri bi ba too tári syɛ̀ɛnnɛ myɛ na.

Zyeremii 46:12

Fɛ̀ɛ́ri di too mɔ na lè, syɛɛnfeleyi n di kéeli lóʔo, mɔ supiiwáari n tári nyìn, níì cán kapɛɛnkpumɔnwaa i kpírigi kapɛɛnkpumɔnwaa na pe myɛ siin n si pínɛ n too.»

Zyeremii 46:13

Syɛ́ɛnri Yawe joo kanyaajoow Zyeremii ma lè Babilɔni fànʔafɔw Nebukadinezari panni kéele na, woro wee wi da ni maa ba Ezyipiti tári kpúmɔn lè, wi n jo:

Zyeremii 46:20

Ezyipiti i nyɛ náapyacàn-dèlege. Nìkɔnigɔ si n yìri solomɔkulo ma ni maa wi kánmi na.

Zyeremii 46:24

Fɛ̀ɛrɛ n calipili Ezyipiti taa. Li n le solomɔkulo kàbangi syɛɛnfeleye kɔ́yɔ ni.»

Zyeremii 48:39

Wéle, àmɛɛ wi jaa lè! Yaa cɛ́ɛn! Mowabi wéle àmɛɛ wi kàdoʔo kaan lè fɛ̀ɛrɛ wóo ní! Mowabi n baa pye kataanra yála, ní fyáakpɔɔrɔ yáriga, bele myɛ ma pe wi màʔa lè.

Zyeremii 6:22

Yawe wi syɛ́ɛnri naa joo níì jo: «Syɛɛnfelegaa wéle, gee gi yìri solomɔkulo tári ma ni maa lè, syɛɛnfele-nɛʔɛgɛ, gee gi yìri yaà tári láʔagéle ma lè.

Zyeremii 8:16

Wi syɔ́ɔnyi fúlomɔ i lúro Dan kàbangi na, yi kàfulogi i tári myɛ cɛ̀lɛ́. Yi i maa, yi i tári, ní di fúngi yárira líi, ní kěgi ní gi tɛ́ɛnfɔbèle.

Danyɛli 11:22

Kapɛɛnkpumɔnbèle pe a ba càmi àmɛɛ lɔ̀ʔɔ gáà kabi n fala lè, ànbée pe a ba kabi tìgi wi yɛʔɛ̀ ma, si kálagi ní joogaanni fànʔafɔbile ní.

Nahumi 1:8

Lǎli ni lǒgi kùnguruyo ga kabi lè wi a yi tɛ́ʔɛ bi tɛ́ɛgi bee kálagi péw, wi si a wi nigoobèle kɔ́ri láa fwɔɔ bi sa lége yébilimi ni.

1 Korɛnti ye 10:26

Níì cán «tári ní di yáriri myɛ i nyɛ Kàfɔw wóro.»

1 Korɛnti ye 10:28

Kàjáa wàa ga yele sàmi níì jo, «dee naa i nyɛ yasungo káara,» yele a kɔ́ di káa í yele sàmifɔw bee fûngabalaga kéele na.

Zyaki 5:1

Yele bele ye nyɛ lè lɔ́ri fɔ̀ɔlɔ, yele ní mii a joo tɔ́ɔliw ni! Ki n yɛlɛ yaa nyaan yáā sùpiigèle wáa wɔʔɔli kéele na li maa ba too yele na lè!

Tɛ̀ɛnnɛ 17:1

Nyɛ̀ʔɛni tundunbéle kɔrɔsiin pe da yalegèle kɔrɔsiin cò lè, a bele bee wàa pan mii ma n baa joo ní mii ní níì jo: «Nànjaa-cepeew wi tɛ́ɛn lònɛʔɛyi ǹjoʔo ni lè, kánmee na wi kútiiw a ba pye lè, da maa, mii a ba gee bee tɛ̀ɛn mɔ na.

Tɛ̀ɛnnɛ 17:15

A wi níì mii pye: «Lǒyi mɔ nyaa lè, yee na nànjaacew tɛ́ɛn lè, yi i nyɛ dulunyanw syɛ̀ɛnnɛ, ní syɛɛnnɛʔɛmɛ, ní syɛɛnfeleyi, ní syɛɛnfeleri joofɔɔlɔ.