Biblia Todo Logo
Bìoball air-loidhne

- Sanasan -




Zyeremii 45:3 - Cebaara Bible 2010

3 ‹Mɔ i gi nyuu níì jo: Wɔʔɔlɔ i mii na! Níì cán Yawe i wɔʔɔgaa fàrá mii yáami na. Mii fǎngi i kwóo mii ŋɔ́ngari báriga ni, mii o ŋɔ́ndaala taagi í.›

Faic an caibideil Dèan lethbhreac




Zyeremii 45:3
28 Iomraidhean Croise  

«Níjanʔa níìgēle, mii káyaagi joolo i nyɛ céemɛ kéele, mii kɔ́gi i mii cɛ́ɛnmi có ni yéregi.


Wɔʔɔlɔ i nyɛ mii na àmɛɛ mii nyɛ lè wodɛ́ɛɔn ní Mesyɛki ni, mii i nyɛ wodɛ́ɛɔn ní Kedaari fànikpaayi nínge ni!


Ɔnhɔ́ɔ̀n, koro na si mii kpéle níì tága gi na ncan mii a Yawe funjǎngi nyaa niweebèle tára ni!


Mii Kolocɔlɔw, mii fúngi báriga n tɔ̀nɔ n kwɔ́ɔ mii kéeli na, koro na mii sɔ̀ngí ni taagi mɔ na, n mii yaʔa Zyuridɛn tári ni, ní Hɛrimɔn nyanbe-nyundɔnɔyi, ní Miseyari nyanbelegi na.


Níì cán syɔɔn ga kùu n kwɔ́ɔ, wi a ní sɔ̀ngi mɔ kéeli na í. Wìí wi a ní gbǎn ra mɔ mɛ́ɛgi kpɔ̀ʔɔrɔ́ kúbèle tɛɛkòrogo ni?


Mii bárigaw n kwɔ́ɔ mii cɛ́ɛnmi fànʔa báriga ni. Yébilige o yébilige, mii i nyaan ni mii tɛ̀ɛsinɛgi nyíngi mii nyatinmi i mii yasinɛgi fɔɔnri.


Mii i cɔ̀ɔnrí fárigi fúngo ni, mii ga tɛɛwaala taa bi mii tɔ́lɔyi taʔa í, mii n jée lòkpɔɔ-cùrugi ni, lǒgi i fóo ni mii tɔ́ngi.


Mɔ bárigaw ga kwɔ́ɔ wɔʔɔgi canʔa na, mɔ fangi n pye foomɔ wóʔo ní.


«Yawe wi lè Isirayɛli Kolocɔlɔw, woro wi syɛ́ɛnri naa joo mɔ kéeli na Baruki, níì jo:


Mii maa ni caa bi mii fɔ̀rɔgbɔɔgi kpàraco. Mii zɔ̌nw i wɔʔɔ mii ni.


Pe ga maa kùsɛɛbèle tɛɛkòrogo félege kaan mii ma fìími tára ni, mii mǎà dée mii syɛ́ɛnbèle yaʔa, mii mǎà dée léeli be na! Níì cán pe myɛ i nyɛ kanɔnʔɔbyebèlē, syɛɛnco-mí-kaanbéle kabiga gii.


Wi n naà yìrige yaà ǹjogi ni n wáa naa mii kaceleyi ni, gee gi jǐn yi ni lè. Wi n cɔ̀ɔ cáan mii tɔ́lɔyi láara ni, wi n mii lúrugo kàdoʔo ma. Wi n mii kàriga funbɛɛnrɛfɔlɔ ní wɔʔɔgɔfɔlɔ canbogi ni.


Ki n yɛlɛ be péemi myɛ í tɛ̀ɛn mɔ yɛ́ʔɛ ma, mí gi kpéʔele be na àmɛɛ mɔ gi kpéʔele mii na lè mii kapeebyeri myɛ kéele na! Níì cán mii cɛ́ɛnmi n nɛʔɛ n baa sɔ̀lɔ, mii fúngi si i wɔʔɔ.»


Alí wi ga wɔʔɔli taʔa, wi n nyinimɛ taa n yɛlɛ ní gi ní àmɛɛ wi fúngi nyɔɔ lè gbanʔama.


Amɛɛ Kolocɔlɔɔ nyinimɛ taa wolo na lè níì fáliw naa kaan wolo ma, koro na fɔ̀rɔyi o wolo fǎngi kwóo í.


Koro na fɔ̀rɔyi o wolo fǎngi kwóo í. Alí kàa ga ni yirigi wolo céri fànʔa ni, kàa si tɔ́ɔ i taari wolo pìígèle wóʔo na canʔa o canʔa.


Wolo si ga yɛlɛ wolo í fɔ̀rɔ kacànbyeri na í. Níì cán wolo ga pye wolo ga fɔ̀rɔ í, cɛɛri ga pye wolo a di tɔ̀nɔw taa àmɛɛ yaliilaara nyɛ lè.


Yele si na ni senyɛ̀nnɛ, ki ga yɛlɛ yele í kɔ́ jo yele n fɔ̀rɔ kacànbyeri na í.


Lean sinn:

Sanasan


Sanasan