Zyeremii 43:2 - Cebaara Bible 2010

² Azariya wi lè Hosyaya jáaw, ní Yohanan wi lè Kareya jáaw, ní nɛ̀ɛgbɔʔɔgɔ nanbèle bee myɛ Zyeremii yari: «Gee mɔ joo lè jànvaa wii. Yawe wolo Kolocɔlɔw ga mɔ tun mɔ í ba gi joo wolo ma si jo: ‹Yele a kɔ́ kári Ezyipiti ma bi sa tɛ́ɛn yaà í.›

Zyeremii 43:2 Iomraidhean Croise

Sélimɛ 19:14

A Lɔti yiri n kári n sáà joo ní wi kpaajeebèle ní níì be pye: «Ki n yɛlɛ ye yìri ye yiri tɛ́ɛgi naa ni, níì cán Yawe a kěgi kálagi.» Kàjáa wi kpaajeebèle maa gi nyaa mɔ a jo a wi kɔ̀nʔɔ́ wii.

2 Cányi kèlē 36:13

Alí wi maa caà fànʔafɔw Nebukadinezari cée, woro wee wi da wi kɔ́ri a wi kàli Kolocɔlɔɔ na lè. A wi wi líiweeli pɛɛn níì wi zɔ̌nw gbàn, wi ga fɔ̀lɔ n lúru n pan Yawe Isirayɛli Kolocɔlɔw ma í.

Ŋúnuyi 119:21

Mɔ i fúlo nɛ̀ɛnyɛnɛgi fɔ̀ɔlɔ na pe dánga lè, poro bele be pùuni n léeli mɔ kajoodɛɛngèle na lè.

Ŋúnuyi 12:3

Pe myɛ nibin nibin i finɛ be syɛɛnnyɛnbèle ma. Pe i be syɛɛnnyɛnbèle lɛ́ɛlɛ ní syɛɛntaanri ní, ní si i nyuu ní funyo siin-ziin ní.

Ŋúnuyi 123:4

Wolo pìígèle n tín taalafɔbèle nɛ̀ɛnyɛnɛgɛ na, ní kpɔ́ɔmi fɔ̀ɔlɔ faʔara na fwɔɔ n baa sɔ̀lɔ.

Yirile 5:2

A Faraɔnw be yari: «Wìí wi nyɛ Yawe, mii si kɔ́ fɔ̀lɔ bi lóʔo wi ma si Isirayɛli ye yaʔa be kári? Mii ga Yawe cán í. Mii a tée Isirayɛli ye yaʔa be kári í.»

Yirile 9:17

Mɔ si sèʔé i miyɛɛ gbɔ́ʔɔgi mii syɛ́ɛnbèle na níì cée, mɔ ga fɔ̀lɔ n be yaʔa be kári í.

Kàseegèle 16:5

Nɛ̀ɛnyɛnɛgi fúnyo myɛ i nyɛ yanɔnʔɔyɔ Yawe ma. Ki n fílige ncan yi a tɔ̀nɔ́ kòro sìnwɔʔɔ ni í.

Kàseegèle 30:9

koro ga pye mii a kɔ́ tín si mɔ cée í, sáā gi nyuu si jo: ‹Wìí wi nyɛ Yawe?› Wàlá mii í fɔ̀n si kɔ́ yùu koro si mii Kolocɔlɔw mɛ́ʔɛ nɔ́nʔɔ í.

Kàseegèle 6:17

Nɛ̀ɛnyɛnɛgɛ nyapiigèle, ní nyínni li finɛ lè, ní kɔ́yee yi tɛɛlɛ fun sìsyaan ŋuu lè,

Kàseegèle 8:13

Kapeʔe parala i nyɛ Yawe yɛ́ɛgi fyáara. Kpɔ́ɔmi, ní nɛ̀ɛnyɛnɛgi, ní péemi kólogo, ní námara nyɔ́ɔgi, wéle, kérigèle bee n tɔ̀nɔ n mii bɛɛn.

Ezayi 7:9

Efirayimi nyúngi gi nyɛ Samarii, Samarii nyúngi si i nyɛ Eremaliyahu jáaw. Yele ga pye yele ga tága í, yele a sámaga yére í.› »

Ezayi 9:8

Syɛ́ɛnbèle myɛ a koro cán, Efirayimi, ní bele be nyɛ lè wodɛ́ɛnbéle ní Samarii ni, ní i gi nyuu ní nɛ̀ɛnyɛnɛgɛ, ní kpɔɔmɔ ní, níì jo:

Zyeremii 13:15

Ye lóʔo, ye líiyi sámaga ye cáan! Ye a ní kɔ́ pye nɛ̀ɛgbɔʔɔgɔ fɔɔlɔ í! Níì cán Yawe i nyuu.

Zyeremii 18:18

Pe n jo: «Yaa maa wo ba nyɔɔ kúun Zyeremii na! Níì cán bi sáriga-wòlobèle yaʔa beè, làlwaw a kwɔ́ɔ wàlá bi fɔ̀n sícilibēle ni, bele pe a ra wolo lálii lè í, wàlá bi fɔ̀n kanyaajoobéle ni, bele pe a ra nyuu wo ma lè í. Yaa maa wo ba wi kpúmɔn ní nyíngèle ní, syɛ́ɛnri myɛ wi nyuu lè wo a kɔ́ yákirii yaʔa di na í.»

Zyeremii 40:8

A be kári Gedaliya ma Misipa ma, poro be pye: Isimayɛli wi lè Netanya jáaw, ní Yohanan, ní Zyonatan pe lè Kareya jáabèle, ní Seraya wi lè Tanhumɛti jáaw, ní Netofa ye Efayi jáabèle, ní Maaka ye Yezanyahu, poro ní nǎnbèle be pye ní be ní lè.

Zyeremii 41:16

Yohanan wi lè Kareya jáaw, n fàra kapɛɛnkpumɔn-kùndigibèle myɛ na be pye ní wi ní lè, a poro syɛɛnsanbèle myɛ kɔ́ri yaà, bele Netanya jáaw Isimayɛli da cò Misipa ni lè, woro wee wi da Ahikami jáaw Gedaliya kpóo lè níì kapɛɛnkpumɔn-nǎnbèle, ní cébèle, ní pìíbèle cò, n fàra nǎnbèle na be wòlo lè, a pe be kɔ́ri yaà Gabaɔn ma n lúru ni maa.

Zyeremii 41:18

bi léeli Kalide ye na, poro bele na pe da ni fɛ̀ɛgí lè, níì cán Netanya jáaw Isimayɛli maa Ahikami jáaw Gedaliya kpóo, woro wee Babilɔni fànʔafɔw da télege lè tári nyúngo na.

Zyeremii 42:1

Kapɛɛnkpumɔn-kùndigibèle myɛ, n fàra Kareya jáaw Yohanan, ní Hosyaya jáaw Yezanya na, ní syɛ́ɛnbèle myɛ, n séli wobiigèle na n sáà nan wogbolobèle na, a be pan

Zyeremii 42:20

Yele tiimaa i yeyɛɛ váana, níì cán yele n mii tun Yawe ma wi lè yele Kolocɔlɔw, níì jo: ‹Yawe wolo Kolocɔlɔw nyɛ́ɛri mi kaan wolo ma, gee myɛ Yawe wolo Kolocɔlɔw ga joo lè, mi gi tɛ̀ɛn wolo na wolo a gi kpéʔele.›

Zyeremii 42:5

A be Zyeremii pye: «Ki n yɛlɛ Yawe í pye kányɛʔɛ, ní tágala séerafɔlɔ wolo kánmi na, wolo ga baa pye wolo ga gi kpéʔele n yɛlɛ ní syɛ́ɛnri myɛ ní, dee ní Yawe mɔ Kolocɔlɔw ga mɔ tun wolo ma lè í!

Zyeremii 43:1

Lǎli ni Zyeremii kwɔ́ɔ Yawe be Kolocɔlɔw syɛ́ɛnrɛ myɛ joolo na syɛ́ɛnbèle myɛ ma lè, syɛ́ɛnri bee myɛ Yawe be Kolocɔlɔw da wi tun wi ba joo be ma lè,

Zyeremii 44:16

«Syɛ́ɛnri mɔ nyuu wolo ma Yawe mɛ́ɛgi na lè, wolo o caa bi di lóʔo í.

Zyaki 4:6

Koro ní ki myɛ ní kpɔ́ʔɔri Kolocɔlɔɔ kaangi lè, ti n kpɔ́ʔɔ n sáà sɔ̀lɔ, níì cán ki n joo wi syɛɛnsɛbɛri ni níì jo: «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle wi i nyɔɔgi bele bee na.»

1 Pyɛri 5:5

Kánmi bee wonijanma na, yele wojáribèle, ki n yɛlɛ yaa lúro wolɛɛbèle ma. Ye myɛ ye màámi le yeyɛɛ na burogo, yáā bi kpéʔele yeyɛɛ ma, níì cán «Bele be peyɛɛ nyɛ́nɛ lè, Kolocɔlɔɔ i nyɛ nigooro na ní bele bee ní, bele si be nyɛ lè, màabyebèle, wi i nyɔɔgi bele bee na.»