Zyeremii 42:9 - Cebaara Bible 2010

⁹ A wi baa be pye: «Yawe wi syɛ́ɛnri naa joo wi lè Isirayɛli Kolocɔlɔw, woro wee má yele da mii tun lè níì jo mii í yele nyɛ́ɛrigbɔɔgi yaʔa gi nan wi na, wi n jo:

Zyeremii 42:9 Iomraidhean Croise

2 Fànʔafɔbèle 19:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔê kòro beè lè.› »

2 Fànʔafɔbèle 19:6

a wi be pye: «Ye sa yele kàfɔw pye: ‹Yawe n jo: Syɛ́ɛnree mɔ lóʔo lè, toro dee Asirii fànʔafɔw falipyebèlē baa joo n mii faʔa lè, mɔ a kɔ́ fyáa di kéeli na í.

Zyeremii 42:2

n baa gi joo kanyaajoow Zyeremii ma níì jo: «Ki n yɛlɛ mi wolo nyɛ́ɛrigbɔɔgi lóʔo, mí Yawe mɔ Kolocɔlɔw nyɛ́ɛri mi kaan wolo ma, ní wogorobèle naa myɛ ma. Níì cán wolo maa nɛʔɛ, wolo si n kòro bele cɛɛri, àmɛɛ mɔ nyɛ́nɛ nyɛ gi na lè.

Zyeremii 42:8

Lǎli bee ni a wi Kareya jáaw Yohanan yeri, ní kapɛɛnkpumɔn-kùndigibèle myɛ pe da pye ní wi ní lè, ní syɛ́ɛnbèle myɛ, n séli wobiigèle na n sáà nan wogbolobèle na.