Zyeremii 42:6 - Cebaara Bible 2010

⁶ A gi pye kacànga yoo, kapeʔe yoo, wolo a Yawe wolo Kolocɔlɔw jóomɔ lóʔo, woro wee má wolo mɔ tun lè. Kánmi bee na ki a pye wolo ma fundaanra, àmɛɛ wolo a Yawe wolo Kolocɔlɔw jóomɔ lóʔo lè.»

Zyeremii 42:6 Iomraidhean Croise

Ŋúnuyi 128:2

Mɔ a ba ra mɔ kɔ́yi fáli tɔ̀nɔ líi, mɔ a ba pye fundaanra na, mɔ kérigèle myɛ a ba ra nyɔɔgi.

Ŋúnuyi 78:36

Kàjáa pe maa ni caa bi wi lɛ́ɛlɛ ní be syɛɛntaanri ní, ní i finɛ be nyɔ́ɔyi ni wi ma.

Yirile 24:7

A wi joogaanni sɛ́bɛ láa n wi syɛ́ɛnri wéle n joo syɛ́ɛnbèle ma. A be jo: «Gee myɛ Yawe joo lè, wolo a gi kpéʔele foro sáā lúro wi ma.»

Ezayi 3:10

Ye gi joo yé jo: Syɛɛnsinw i nyɛ dùba pyà, níì cán pe a ba ra wi kapyegèle tɔ̀nɔ líi.

Zyeremii 22:15

A mɔ i sɔ̀ngí lé sɛdiri tíiri mɔ a tɛ́ʔɛ bi miyɛɛ wàli koro si mɔ tɛ̀ɛn fànʔafɔlɔ? Mɔ tóow da ni líi ní i gbo ì? Kàjáa wi maa ni táanri kányɛɛgi ní sínni na. Lǎli bee ni a wi kérigèle myɛ i nyɔɔgi.

Zyeremii 43:4

Yohanan wi lè Kareya jáaw, ní kapɛɛnkpumɔn-kùndigibèle myɛ n fàra syɛ́ɛnbèle myɛ na, pe wàa ga Yawe jóomi lóʔo si kòro Zyuda tári ni í.

Zyeremii 7:23

Kàjáa syɛ́ɛnree mii joo n gbàn be ma lè toro di nyɛ dee naa, mii n jo: Ye mii jóomi lóʔo, koro ga pye mii í pye yele Kolocɔlɔw, yele si pye mii syɛ́ɛnbèle. Kóloyee ni mii jo yele í da táanri lè, yaa táanri yee bee myɛ ni, jàngó yele í pye dùba pìibēle.

Wɔrɔmi ye 7:13

A yacangi bee si baa pye lé mii ma kùúw sábabu? Eʔe dɛ! Kàjáa kapeebyeri ti da yacangi bee pye sábabu níì mii kpóo, a koro gi kaan a mii gi cán ti i nyɛ kapeebyere, gee bee na ti baa pee n sɔ̀lɔ gbanʔama làlwaw bee tundunro báriga ni.

Wɔrɔmi ye 7:7

Ki ga pye nya, nyàʔá si wolo a joo? A Mowizi làlwaw i nyɛ lé kapeele láà? Eʔe dɛ! Kàjáa kapye làlwaw bee da pye naa í, mii mǎà dée kapeegèle cán nyáana í. Kapye làlwaw bee da gi joo níì jo: «Mɔ a kɔ́ nyabɛɛnnɛ kpéʔele í,» mii mǎà dée nyabɛɛnnɛ kéele cán í.

Wɔrɔmi ye 8:7

Bele ni céri kèlē sɔngurɔ nyɛ lè, bele bee i nyɛ Kolocɔlɔɔ nígoobéle, níì cán sɔ̀nguri bee n be kaan pe o lúro Kolocɔlɔɔ ma í, àlí fànʔa o wɔ́ɔ̄ nyɛ be ni bi gbǎn gi kpéʔele í.

Làlwaw Kaanziin 5:27

Mɔ maa nùuní yaà mi sa ra gi lúro gee myɛ Yawe wolo Kolocɔlɔw ga joo lè, mí ba ra gi nyuu wolo ma. Gee myɛ Yawe wolo Kolocɔlɔw ga joo mɔ ma lè, wolo a ra gi lúro sáā gi kpéʔele.›

Làlwaw Kaanziin 5:29

Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.

Làlwaw Kaanziin 5:33

Kólogee kéele Yawe yele Kolocɔlɔw joo n gbàn yele ma lè, yaa gi táanri gi tánʔaganmi na, jàngó yele í kòro sìi na, si pye fundaanra na, si cannɛʔɛyɛ kwɔ́ɔ tári ni, dee yele a taa lè di pye yele wóro.

Zyozuwe 24:24

A syɛ́ɛnmi Zyozuwe pye: «Yawe wolo Kolocɔlɔw má wolo a ra báara, sáā wi jóomi lúro.»