Zyeremii 42:3 - Cebaara Bible 2010

³ Ki n yɛlɛ Yawe mɔ Kolocɔlɔw í kólogi tɛ̀ɛn wolo na, gee wolo yɛlɛ bi láa lè, ní gee wolo yɛlɛ bi kpéʔele lè.»

Zyeremii 42:3 Iomraidhean Croise

1 Fànʔafɔbèle 8:36

bi mɔ yaʔa nyɛ̀ʔɛni na, ki n yɛlɛ mi gi lóʔo. Mɔ falipyebèle ní mɔ syɛ́ɛnbèle Isirayɛli ye kapeeli kùsulugo syɔɔ. Kojǎngi ni be yɛlɛ bàā táanri lè, mí be tama gee bee na, mí zěgi yaʔa kaa tuun tári na, dee mɔ kaan mɔ syɛ́ɛnbèle ma lè di pye be kɔrigɔ.

Ɛsidirasi 8:21

A mii súnlere kéele jáari yaà Ahava cábigi nyɔ́ɔ na, koro ga pye wolo í woyɛɛ jɛ́rɛ wolo Kolocɔlɔw yɛ́ʔɛ ma, si wi nyɛ́ɛri wi kólogi tɛ́nɛ wolo ní wolo pìíbèle, ní wolo kɔ́lɔ yáriri myɛ na.

Ŋúnuyi 27:11

Ee Yawe, da mii tama mɔ kólogi na, da syée ní mii ní kôzingi ni mii nigoobèle kéele na.

Ŋúnuyi 86:11

Ee Yawe, mii tama mɔ kólogi kèlē na, mii a ra táanri mɔ kányɛɛgi na. Mii fúngi pye nibin koro ga pye mii í da fɛ̀ɛgí mɔ mɛ́ɛgi na.

Kàseegèle 3:6

Da wi córo mɔ kóloyi myɛ ni, woro wi a mɔ kozɔ̀lɔyi sámaga yi pye falafala.

Ezayi 2:3

Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Zyeremii 6:16

Yawe wi syɛ́ɛnri naa joo níì jo: «Ye yére kóloyi na, yáā wéle. Ye yíbege kpéʔele kolɛɛyi kéele na. Gìí gi pye kojǎngi? Yaa táanri nya koro ni, yele sìíw si ŋɔ́ndaala taa. Kàjáa pe i syɛɛnlurugori kaangi níì jo: ‹Wolo a tánʔa gi ni í.›

Misye 4:2

Syɛɛnfele-nɛʔɛyɛ a ra syée yaà, sáā gi nyuu si jo: «Yaa maa wo lúgu wo kári Yawe nyanbelegi ma, Zyakɔbi Kolocɔlɔw kpaʔa ma, koro ga pye wi sa wolo tama wi kóloyi na, wolo sáā táanri wi kobiigèle ni.» Níì cán Siyɔn má làlwaw a yìri, Zyerusalɛmi má Yawe syɛ́ɛnri a yìri.

Làlwaw Kaanziin 5:26

Níì cán syɔɔnwìí wi kɔ́ɔ̀ Kolocɔlɔɔ Woweew yákpolo lóʔo àmɛɛ wolo nyɛ lè a wi i nyuu naà nínge ni, ní sèʔê kòro sìi na?

Làlwaw Kaanziin 5:29

Ee! Ki maa yɛlɛ be fúnyi í dée kòro kánmi naa na làla o làla, paa fɛ̀ɛgí mii na si mii kajoodɛɛngèle myɛ sámaga cò, koro ga pye be kòro fundaanra na kwɔ́ɔmɔ fun, poro ní be pìíbèle ní.