Zyeremii 42:2 - Cebaara Bible 2010

² n baa gi joo kanyaajoow Zyeremii ma níì jo: «Ki n yɛlɛ mi wolo nyɛ́ɛrigbɔɔgi lóʔo, mí Yawe mɔ Kolocɔlɔw nyɛ́ɛri mi kaan wolo ma, ní wogorobèle naa myɛ ma. Níì cán wolo maa nɛʔɛ, wolo si n kòro bele cɛɛri, àmɛɛ mɔ nyɛ́nɛ nyɛ gi na lè.

Zyeremii 42:2 Iomraidhean Croise

1 Fànʔafɔbèle 13:6

A fànʔafɔw gi joo Kolocɔlɔɔ syɔ́ɔnw ma níì jo: «Yawe mɔ Kolocɔlɔw nyɛ́ɛri gbanʔama, mí nyɛ́ɛri mii kéeli na koro ga pye mii í gbǎn mii kɔ́gi kùru.» A Kolocɔlɔɔ syɔ́ɔnw Yawe nyɛ́ɛri gbanʔama, a fànʔafɔw gbàn n wi kɔ́gi kùru a gi níì pye àmɛɛ ki da sélì pye lè.

Ŋúnuyi 119:170

Mii nyɛ́ɛrigbɔɔgi n yɛlɛ gi nan mɔ na! Mii syɔɔ mi yɛlɛ ní mɔ nyɔɔfaligi ní!

Yirile 8:28

A Faraɔnw sèʔé níì wi fúngi gbàn kátali bee na, wi ga fɔ̀lɔ n syɛ́ɛnbèle yaʔa be kári í.

Yirile 9:28

Ki n yɛlɛ mi Yawe nyɛ́ɛri jàngó wi nyɛ̀ʔɛvōloli ní zěsolomi yaʔa bi yére nya. Mii a yele yaʔa yele í kári, wàa a ní yele yérige nɛɛ naa í.»

Ezayi 1:15

Yele ga yele kɔ́yi sánʔa lǎlee ni lè, mii n mii nyapiigèle yirige yele ni. Alí yele ga yele nyɛ́ɛriyi nɛʔɛ, mii o yi lúro í. Yele kɔ́yi n nyìn sìsyaanw na.

Ezayi 1:9

Nyɛ̀ʔɛni Sùlasiibéle Kafɔlɔ wi lè Yawe, kapye wi da wolo pèle cɛɛri yaʔa a wo kòro í, wolo mǎà dée pye àmɛɛ Sodɔmi nyɛ lè, wolo mǎà dée Gomɔri wíri.

Ezayi 37:4

Dɔ̀ʔɔ́ Yawe mɔ Kolocɔlɔw n sùlasiibèle myɛ kàfɔlɔ taʔara syɛ́ɛnrɛ lóʔo, dee wi kàfɔw Asirii fànʔafɔw wi tun a wi baa joo n Kolocɔlɔɔ Woweew tɛʔɛlɛ lè. Dɔ̀ʔɔ́ syɛ́ɛnri Yawe mɔ Kolocɔlɔw lóʔo lè wi a wi wɔʔɔyi taʔa wi na di kéeli na. Koro na nyɛ́ɛri wolo wozanbèle kéele na wo sèʔé kòro beè lè.› »

Ezayi 42:20

Mɔ n yanɛʔɛrɛ nyaa, kàjáa mɔ ga kɔ̀rɔsíi di na í. Mɔ líiweegèle n múgu, kàjáa mɔ o lúro í.»

Zyeremii 15:11

Yawe n jo: «Mɔ nyɔɔmɔ kéele na ban mii da mɔ syɔɔ ì? Ba mii da nigoow kpúmɔn n kaan mɔ ma wɔʔɔgi làla, ní kálagili làla ni ì?

Zyeremii 2:27

Poro bele pe gi nyuu tíige ma lè si jo: ‹Mɔ wi nyɛ mii tóow!› Ní kàdɛnɛgɛ ma si jo: ‹Mɔ wi mii see!› Níì cán pe kàdoyi be wáa mii ma, pe yɛ́ɛyi ban í. Lǎlee si ni wɔʔɔlɔ ga nan be na lè, pe n ni gi nyuu si jo: ‹Yìri mi wolo syɔɔ.›

Zyeremii 21:2

«Yawe yíbe wolo ma. Níì cán Nebukadinezari, wi lè Babilɔni fànʔafɔw, wi i kapɛɛnnɛ kpúmɔn ní wolo ní. Dɔ̀ʔɔ́ Yawe a ní wi kakpɔɔgaa kpéʔele wolo nyɔɔmi kéele na, koro ga pye wi léeli wolo na.»

Zyeremii 36:7

Dɔ̀ʔɔ́ pe nyɛ́ɛrigbɔɔgi a nan Yawe na, pe myɛ nibin nibin si be kobeeyi yaʔa si lúru pan. Níì cán Yawe fundanʔari ní wi fúngi yìrile kéele li joo syɛ́ɛnbèle naa kánma na lè, ti n kpɔ́ʔɔ.»

Zyeremii 37:20

Tɔ́ɔliw ni, ni kàfɔlɔ mɔ wi lè fànʔafɔw, mii i mɔ nyɛ́ɛri, ki n yɛlɛ mi lóʔo, ki n yɛlɛ mii nyɛ́ɛrigbɔɔgi í jée mɔ ni! Mɔ a ní kɔ́ mii lúrugo tórigo Zyonatan kpaʔa ma í, wi lè sɛ́bɛkanw, jàngó mii a kɔ́ kùu yaà í!»

Zyeremii 37:3

A fànʔafɔw Sedesyasi Syelemya jáaw Yehukali, ní sáriga-wòlow Maaseya jáaw Sofonii tun kanyaajoow Zyeremii ma, pe sa wi pye: «Da nyɛ́ɛri wolo kéeli na Yawe ma, wi lè wolo Kolocɔlɔw.»

Zyeremii 38:14

A fànʔafɔw Sedesyasi tun a be sáà kanyaajoow Zyeremii yeri n pan woro ma, Yawe kpáagi kpàánwee-taanri wólo ma, a fànʔafɔw baa gi joo Zyeremii ma níì wi pye: «Mii a mɔ yíbe keelaa na, mɔ a kɔ́ yafyɛn làriga mii na í.»

Zyeremii 40:15

A Kareya jáaw Yohanan si sáà gi joo Gedaliya ma Misipa ma làrama ni níì jo: «Ki yaʔa mii í sa Netanya jáaw Isimayɛli kpóo, syɔɔn faala a gi cán í. Nyàʔá na gi yɛlɛ wi kɔ ba mɔ kpóo, Zyuda wóbèle myɛ pe baa kpóʔoro mɔ taana lè, poro si cariga fala, Zyuda wogorobèle si pùuni kánmi bee na?»

Zyeremii 42:20

Yele tiimaa i yeyɛɛ váana, níì cán yele n mii tun Yawe ma wi lè yele Kolocɔlɔw, níì jo: ‹Yawe wolo Kolocɔlɔw nyɛ́ɛri mi kaan wolo ma, gee myɛ Yawe wolo Kolocɔlɔw ga joo lè, mi gi tɛ̀ɛn wolo na wolo a gi kpéʔele.›

Kayaagi Nyɛnigɛ 1:1

Hàán! Ki n tɛ́ɛn gee ki nibin, kěgi bee ni syɛɛnnɛʔɛmɛ da pye lè! Ki n baa kàri n pye àmɛɛ lɔgucaa nyɛ lè, koro gee ki da kpɔ́ʔɔ syɛɛnfeleyi nínge ni lè. Ki maa pye fànʔafɔlɔ jáa, wi lè cɔlɔɔ, tátɛɛyi nínge ni. Ki si i nyɛ tɔ́ɔliw ni pɔrɔtɔɔri fáli na.

Ezekyɛli 12:16

Kàjáa mii a nǎnbèle pèle yaʔa be ni, bele pe a syɔɔ lè ŋɔséew, ní kateekpɔɔgi, ní káfalagi yáama ma, koro ga pye syɛɛnfeleyee nínge ni pe a sa pye lè paa be yanɔnʔɔyi myɛ kéele nyuu bàā tèé yaà beè, si wɔ́ɔ gi cán bi cán mii wi nyɛ Yawe.»

Oze sɛ́bɛw 8:10

Alí yakaanri myɛ pe wírē kaangi syɛɛnfeleyi ma lè, mii a be kpóʔoro peyɛɛ na tɔ́ɔliw ni. Cɛɛri ga pye pe a ra wɔʔɔ fànʔafɔbiigèle fànʔafɔlɔ túgoro láara ni.

Levii ye sáriga-wòlori 26:22

Mii a sìnbirigi yaweere kɔ́ri wáa yele na. Ti a ra yele bɔ̀nɔ́ yele pìíbèle ni, si wɔ́ɔ ra yele yaweeri kálagi. Ti a yele cɛ́rɛ tári ni. Yele kóloyi a waʔa.

Amɔsi 7:2

Amɛɛ si wi tári nyàā myɛ lìi n kwɔ́ɔ lè, a mii jo: «Kàfɔw Yawe, mii i mɔ nyɛ́ɛri, wo kùsulugi syɔɔ. Kanmìí na Zyakɔbi a ní fànʔa taa bi sɛ́ɛ? Níì cán wi n cɛ́rɛ n sɔ̀lɔ.»

Matye 24:22

Kapye Kolocɔlɔɔ da gi kɔ̀rirɔ bi kàa yirige cányi bee ni í, syɔɔn faala mǎà dée syɔɔ í, kàjáa wi a kàa yirige yi ni wi syɛɛnnyɛnɛ-wòlobèle kéele na.

Kapyegèle 8:24

A Siimɔn be yari: «Ki n yɛlɛ yele tiimaa í Kàfɔw nyɛ́ɛri mii kéeli na, koro ga pye gee yele joo lè, ki kàa faala a kɔ mii taa í.»

Làlwaw Kaanziin 28:62

Yele bele ye a ba nɛʔɛ bi pye àmɛɛ nyɛ̀ʔɛni ŋɔripiigéle nyɛ lè, yele a ní ba kòro saʔa í, níì cán mɔ a ba Yawe mɔ Kolocɔlɔw jóomɔ lóʔo í.

Làlwaw Kaanziin 28:63

Amɛɛ ki da Yawe dɛ́nɛ bi kacànna kpéʔele yele na bi yele nɛʔɛ lè, ànbée ki a wɔ́ɔ wi dɛ́nɛ bi yele kálagi bi yele kwɔ́ɔ. Pe a yele kɔn bi yirige tásaligi ni, gee ni yele a jée lè bi gi syɔɔ taa.

Làlwaw Kaanziin 4:27

Yawe a yele cariga bi lége syɛɛnfeleyi nínge ni. Syɛɛnfeleyee nínge ni Yawe a yele kɔ́ri lége lè, yele a ní kòro saʔa yi níngi ni í.

Zyaki 5:16

Gee bee na gi yɛlɛ yaa yèré yele kapeegèle ni, yáā ge nyuu yaa tèé yeyɛɛ na, yáā nyɛ́ɛri yeyɛɛ kéeli na, koro ga pye yele si pɔʔɔ. Syɔ́ɔnwee wi nyɛ lè syɛɛnsiɔn, wee bee nyɛ́ɛrigɛ tɔ̀nɔ́ i nyɛ ní báriga ní, fànʔa i nyɛ gi ni bi gbǎn kakpoloyo kpéʔele.

1 Samyɛli 12:19

A syɛ́ɛnbèle myɛ Samyɛli pye: «Yawe mɔ Kolocɔlɔw nyɛ́ɛri mɔ falipyebèle kéele na pe lè wolo, jàngó wolo a kɔ́ kùu í. Amɛɛ wolo fànʔafɔlɔ nyɛ́ɛri woyɛɛ kéeli na lè wolo n kapeeli bee fàra wolo kapeegèle gele myɛ na.»

1 Samyɛli 12:23

Bi láʔa mii a kɔ́ ra nyɛ́ɛri yele kéeli na í, gee bee a pye kapeele mii kpéʔele Yawe na. Ki n yɛlɛ sɔ̀nguri bee í léeli mii na. Kólogee gi nyɔɔ lè níì sín, koro na mii a ra yele tama.

1 Samyɛli 7:8

A Isirayɛli ye Samyɛli pye: «Mɔ a kɔ́ kòro pyèrio í, da yákpoli wáa Yawe wolo Kolocɔlɔw kurugo wolo kéeli na, jàngó wi wolo syɔɔ Filisitini ye ma.»