Zyeremii 42:1 - Cebaara Bible 2010

¹ Kapɛɛnkpumɔn-kùndigibèle myɛ, n fàra Kareya jáaw Yohanan, ní Hosyaya jáaw Yezanya na, ní syɛ́ɛnbèle myɛ, n séli wobiigèle na n sáà nan wogbolobèle na, a be pan

Zyeremii 42:1 Iomraidhean Croise

2 Fànʔafɔbèle 25:23

Lǎli ni kabiyi kùndigibéle myɛ gi lóʔo lè n fàra be nǎnbèle na ncan Babilɔni fànʔafɔw n Gedaliya télege syɛ́ɛnbèle nyúngo na, a be kári Gedaliya ma Misipa ma, poro be nyɛ: Isimayɛli wi lè Netanya jáaw, ní Yohanan wi lè Kareya jáaw, ní Seraya wi lè Tanhumɛti jáaw, Tanhumɛti wi lè Netofa ye wów, n fàra Yaazanyahu na wi lè Maaka ye wów. Pe maa kári ní be nǎnbèle ní.

Ezayi 29:13

Kàfɔw n jo: «A syɛ́ɛnbèle naa nùuní mii na ní syɛɛnjóoro ní wii yagana, a be mii kpɔ̀ʔɔrɔ́ nyɔɔwara na wii yagana. Kàjáa be fúnyi n léeli mii na, mii yɛ́ɛgi fyáara di nyɛ be ma lè, ti i nyɛ syɔɔn ye kalɛɛgéle gele be tama n cò lè.

Ezayi 48:1

«Ye gee naa lóʔo Zyakɔbi kpáagi wòolo, yele bele na Isirayɛli mɛ́ɛgi nyɛ lè, yele bele ye yiri Zyuda yòdaʔayi ni lè, yele bele ye kɛ̀ɛ́ Yawe mɛ́ɛgi na lè, ní i Isirayɛli Kolocɔlɔw mɛ́ʔɛ yiri lè, kányɛʔɛ ní sínnɛ si o yaà í!

Zyeremii 37:3

A fànʔafɔw Sedesyasi Syelemya jáaw Yehukali, ní sáriga-wòlow Maaseya jáaw Sofonii tun kanyaajoow Zyeremii ma, pe sa wi pye: «Da nyɛ́ɛri wolo kéeli na Yawe ma, wi lè wolo Kolocɔlɔw.»

Zyeremii 40:13

Yohanan wi lè Kareya jáaw, ní kapɛɛnkpumɔnbèle kàfɔɔlɔ myɛ be pye sìnbirigi ni lè, a poro pan Gedaliya ma Misipa ma,

Zyeremii 40:8

A be kári Gedaliya ma Misipa ma, poro be pye: Isimayɛli wi lè Netanya jáaw, ní Yohanan, ní Zyonatan pe lè Kareya jáabèle, ní Seraya wi lè Tanhumɛti jáaw, ní Netofa ye Efayi jáabèle, ní Maaka ye Yezanyahu, poro ní nǎnbèle be pye ní be ní lè.

Zyeremii 41:11

Yohanan wi lè Kareya jáaw, ní kapɛɛnkpumɔn-kùndigibèle bele myɛ be pye ní wi ní lè, a poro kapeeyi myɛ kéele lóʔo, yee Netanya jáaw Isimayɛli kpéʔele lè.

Zyeremii 41:16

Yohanan wi lè Kareya jáaw, n fàra kapɛɛnkpumɔn-kùndigibèle myɛ na be pye ní wi ní lè, a poro syɛɛnsanbèle myɛ kɔ́ri yaà, bele Netanya jáaw Isimayɛli da cò Misipa ni lè, woro wee wi da Ahikami jáaw Gedaliya kpóo lè níì kapɛɛnkpumɔn-nǎnbèle, ní cébèle, ní pìíbèle cò, n fàra nǎnbèle na be wòlo lè, a pe be kɔ́ri yaà Gabaɔn ma n lúru ni maa.

Zyeremii 41:18

bi léeli Kalide ye na, poro bele na pe da ni fɛ̀ɛgí lè, níì cán Netanya jáaw Isimayɛli maa Ahikami jáaw Gedaliya kpóo, woro wee Babilɔni fànʔafɔw da télege lè tári nyúngo na.

Zyeremii 42:20

Yele tiimaa i yeyɛɛ váana, níì cán yele n mii tun Yawe ma wi lè yele Kolocɔlɔw, níì jo: ‹Yawe wolo Kolocɔlɔw nyɛ́ɛri mi kaan wolo ma, gee myɛ Yawe wolo Kolocɔlɔw ga joo lè, mi gi tɛ̀ɛn wolo na wolo a gi kpéʔele.›

Zyeremii 42:8

Lǎli bee ni a wi Kareya jáaw Yohanan yeri, ní kapɛɛnkpumɔn-kùndigibèle myɛ pe da pye ní wi ní lè, ní syɛ́ɛnbèle myɛ, n séli wobiigèle na n sáà nan wogbolobèle na.

Zyeremii 43:2

Azariya wi lè Hosyaya jáaw, ní Yohanan wi lè Kareya jáaw, ní nɛ̀ɛgbɔʔɔgɔ nanbèle bee myɛ Zyeremii yari: «Gee mɔ joo lè jànvaa wii. Yawe wolo Kolocɔlɔw ga mɔ tun mɔ í ba gi joo wolo ma si jo: ‹Yele a kɔ́ kári Ezyipiti ma bi sa tɛ́ɛn yaà í.›

Zyeremii 44:12

Mii a Zyuda wogorobèle kɔ́ri, poro bele pe gi kɔ̀rirɔ n tímana bi kári Ezyipiti tári ma lè, jàngó bi sa tɛ́ɛn yaà, pe myɛ a kwɔ́ɔ yiri yaà Ezyipiti tári ni. Ŋɔséew ní kateekpɔɔgi a be cáan. Pe a kwɔ́ɔ, bi séli wobiigèle na bi sa nan wogbolobèle na. Ŋɔséew ní kateekpɔɔgi a be kpóo. Pe a pye kàliga yáriga, ní funwɔɔrɔ yáriga, ní dánga yáriga, ní yafaʔaga.

Zyeremii 6:13

«Níì cán n séli wobiigèle na n sáà nan wogbolobèle na, pe myɛ fúnyo n kpólo taali kurugo. Nlaa kanyaajoobèle na n sáà nan sáriga-wòlobèle na, pe myɛ i námaraw kpéʔele.

Zyeremii 8:10

Koro na mii a be cébèle kaan pèle nikwɔɔlɔ ma, si be séyi kaan bele má pe a yi nɛnɛ syɔɔ be ma lè. Níì cán n séli wobiigèle na n sáà nan wogbolobèle na, pe myɛ i nyɛ tɔ̀nɔcaari kurugo. N séli kanyaajoobèle na n sáà nan be sáriga-wòlobèle na, pe myɛ i námaraw kpéʔele.

Ezekyɛli 11:1

A Pǐli mii láa n yìrige n kári Yawe kpáagi canʔafolomɔ kpaaweeli kàbaan na, lee li yɛʔɛ̀ wáa canʔafolomɔ ma lè. Wéle, nànbēle toko ní kagunɔ maa pye kpaaweeli yɛ́ʔɛ ma. A mii Azuuri jáaw Yaazanya, ní Benaya jáaw Pelatya nyaa be ni, be pye lè syɛ́ɛnmi kùndigibéle.

Ezekyɛli 33:31

Pe i kpóʔoro ni maa mɔ ma syɛɛnnɛʔɛmɛ, mii syɛ́ɛnbèle i tɛ̀ɛ́n mɔ yɛ́ʔɛ ma. Pe i mɔ syɛ́ɛnri lúro, kàjáa pe o táanri di na í, pe i gi kpéʔele ní syɛɛntaanra ní pe nyɔ́ɔyi na, á tɔ̀nɔpeew kári ní be fúnyi ní.

Ezekyɛli 8:11

Isirayɛli kpáagi wolɛɛbèle pèle togoye taanri ní kpɔrigɔ, poro bele nínge ni Syafan jáaw Yaazanya da pye lè, pe maa pye woyérebéle ní yasunyi bee yɛ́ʔɛ ma, pe myɛ nibin nibin si i nyɛ ní nùndaanni yasorigogo yalegéle ní kɔ́yi ni, á nùndanʔa yasorigogo fafaankpɔʔɔ si i yìrigí.

Matye 15:8

‹Syɛ́ɛnbèle naa i mii kpɔ̀ʔɔrɔ́ nyɔɔwara na, kàjáa pe fúnyi n léeli mii na.

Kapyegèle 8:10

A pe myɛ i lúro wi ma kányɛʔɛ ni n syɛɛn-yilibèle pínɛ wogbolobèle ni, a be i gi nyuu níì jo: «Kolocɔlɔɔ séew be yiri lè Wogbɔɔw, nǎnw naa wi nyɛ séew bee.»