Zyeremii 41:9 - Cebaara Bible 2010

⁹ Nǎnbèle bele pe da pye ní Gedaliya ní á Isimayɛli baa be kpóo lè, lǒgi wéʔe ni wi da be woguubèle myɛ wáa lè, koro fànʔafɔw Aza da sámaga Isirayɛli fànʔafɔw Bayesya kánmi na. Koro si Netanya jáaw Isimayɛli nyìn kúbèle na.

Zyeremii 41:9 Iomraidhean Croise

2 Samyɛli 17:9

Wéle, tɔ́ɔliw ni wi a pye wolaraɔ ní weegaa ni, wàlá tɛɛgaa nikwɔɔ ni. Ki sélimi na pe ga sáà syɛ́ɛnbèle pèle kpóo n cáan, ki a lóʔo, pe si a ra gi nyuu si jo: ‹Syɛ́ɛnbèle be taʔa Abisalɔmi na lè, poro pèle be kpóo.›

Ezayi 14:19

Kàjáa mɔ na, pe n mɔ yirige mɔ nyángi ni n wáa léelige, àmɛɛ káganbiige nyɛ, gee gi pee lè, pe n syɛ̀ɛnnɛ tɛ́ʔɛ n mɔ tɔ́n, bele be kpóo lè, bele be síbele n kpóo ní ŋɔsée ní lè n wáa weʔe ni, kàdɛnɛrɛ na, mɔ i nyɛ àmɛɛ kpóō nyɛ, wee be tánʔana lè.

Heburubèle 11:38

bi gi taa dulunyanw da nyɔɔ n yɛlɛ ní be ní í! Pèle maa ni nyaari ni máari fìími tára ni, ní nyanbeleyi na, pèle si i kòró nyanbeweeyi, ní tári wéeye ni.

Jàbɔbèle 6:2

A Madyan ye kɔlɔ̀ gbàn Isirayɛli ye na. A Isirayɛli ye nyanbeweeye ní fálaweeye, ní tɛɛniriye sámaga peyɛɛ ma nyanbeleyi na Madyan ye kéeli na.

1 Samyɛli 13:6

A Isirayɛli nǎnbèle peyɛɛ nyaa kálagili ni, níì cán pe maa syɛ́ɛnbèle kpɛnʔɛri n sɔ̀lɔ, a be i làrá nyanbeweeyi, ní kákpoyi, ní fálaweeyi, ní weekpoloyi, ní kɔ̀lɔ́weeyi ni.

1 Samyɛli 14:11

A pe myɛ siinw sáà peyɛɛ dɛ̀ɛn Filisitini ye kabigi na. A Filisitini ye jo: «Heburubèle be kɔ́ ni yirigi bele wéeyi ni, yee ni pe da làra lè.»

1 Samyɛli 14:22

Isirayɛli nǎnbèle bele myɛ pe da sáà làra lè Efirayimi nyanbeleyi kúlo ni, a poro ga gi lóʔo Filisitini ye i yaà ni fé, a poro wɔ́ɔ̀ yiri n be lèʔele n láa kapɛɛnni séʔe ni.

1 Samyɛli 24:3

A Sawuli jàbɔɔlɔ selebinnɛ ní saala kagunɔ yirige Isirayɛli ye myɛ ni n kári sa Davidi ní wi nǎnbèle caa. A pe be caa fwɔɔ n kári seʔe sikepɔbèle fálaweeye kabaan na.