Zyeremii 41:7 - Cebaara Bible 2010

⁷ Kàjáa lǎli ni be nan kěgi nínge na lè, a Netanya jáaw Isimayɛli be kɔnɔgi níì be wáa lǒgi wéʔe ni, nǎnbèle bele pe da pye ní wi ní lè, poro dɛ̀ɛmɛni báriga ni.

Zyeremii 41:7 Iomraidhean Croise

2 Fànʔafɔbèle 15:25

Eremaliyahu jáaw Peka wi pye lè wi sùlasiibèle kàfɔlɔ, a woro nyɔɔ kúun wi na, níì wi kpúmɔn n kpóo fànʔafɔ-gbaagi kpaafungaa ni, Samarii ni, ní wɔ́ɔ̀ Arigɔbi ní Ariye kpóo. Galaadi nǎnbèle pèle togoye siin ní kpɔrigɔ maa pye ní wi ní. Kánmi bee na wi Pekaya kpóo níì tɛ́ɛn fǎngi na wi sìndɛɛgi ni.

Ŋúnuyi 55:23

Mɔ túgori tìrige mi taʔa Yawe na, wi a mɔ tɔʔɔ bi yérige, wi a tée fɔ̀lɔ yarigaa í syɛɛnsiɔn cúngo nyáana í.

Kàseegèle 1:16

Níì cán pe i fé be tɔ́lɔyi na ni syée kapeʔe pyele kurugo. Pe n wári sìsyaanw wolo kurugo.

Ezayi 14:19

Kàjáa mɔ na, pe n mɔ yirige mɔ nyángi ni n wáa léelige, àmɛɛ káganbiige nyɛ, gee gi pee lè, pe n syɛ̀ɛnnɛ tɛ́ʔɛ n mɔ tɔ́n, bele be kpóo lè, bele be síbele n kpóo ní ŋɔsée ní lè n wáa weʔe ni, kàdɛnɛrɛ na, mɔ i nyɛ àmɛɛ kpóō nyɛ, wee be tánʔana lè.

Ezayi 59:7

Pe tɔ́lɔyi i fé ni syée kapeebyeri kurugo, pe fúnyi n wári tɛɛlɛ fun sìsyaanw wolo kurugo. Pe sɔ̀nguri i nyɛ sìnzinmɛ sɔngurɔ, kálagili ní nyáʔamini i nyɛ be kóloyi ni.

Ezekyɛli 22:27

Wi kùndigibèle i nyɛ wi níngi ni àmɛɛ solomikaara nyɛ, dee ti di kaacǒri sulugu lè. Pe i sìsyaanw ŋuu, pe i syɛ́ɛnbèle kúu jàngó bàā be nɔ̀ʔɔrɔgi kèlē forogi.

Wɔrɔmi ye 3:15

Pe i fé funvuugo na koro ga pye bàā syɛ́ɛnbèle taagi da kúu,