Zyeremii 41:5 - Cebaara Bible 2010

⁵ a nànbēle togoye sicɛrɛ yìri Sisyɛmi, ní Silo, ní Samarii ma n pan, pe bàʔajɔɔbèle maa pye wogunubéle ní, pe búroyi si i nyɛ wozuluguyo ní, á be peyɛɛ kɔnɔgi kɔnɔgi. Míimɛ sáriga, ní nùndanʔa yáriga maa pye be kɔ́yi ni bi ba wòlo sáriga Yawe kpáagi ni.

Zyeremii 41:5 Iomraidhean Croise

Sélimɛ 33:18

Zyakɔbi yìri yaà lè Padan-Arami ma, a wi baa nan Sisyɛmi kěgi na wonyiɔn ní, ki lè Kanaan tári ni. A wi bùguro kpúmɔn n tɛ́ɛn kěgi bee taana.

Sélimɛ 34:2

Hamɔri wi lè Hɛvi yòdaʔagaa, ní i nyɛ tɛ́nɛmi kàfɔlɔ, a woro jáaw Sisyɛmi sáà wi nyaa, níì wi cò fànʔa na n sínɛ ní wi ní n wi kálagi.

Sélimɛ 37:12

Zyozɛfu yɛʔɛfɔbèle si maa baa kári Sisyɛmi ma sa ra be tóow yaweeyiligēle nàʔá yaà beè.

2 Samyɛli 10:4

Lǎli bee ni a Hanun be pye a be Davidi syɛɛnkpolobèle cò n be bàʔajɔɔw páʔa n kùnu, níì búroyi tíla n cɛnɛ be na n baa láʔa níjeegèle na, níì be yaʔa a be kári.

1 Fànʔafɔbèle 12:1

A Worobowami kári Sisyɛmi ma níì cán Isirayɛli ye myɛ maa pan Sisyɛmi ma bi ba wi télege fànʔafɔlɔ.

1 Fànʔafɔbèle 12:25

A Zyerobowami Sisyɛmi faan Efirayimi nyanbeleyi kúlo ni níì tɛ́ɛn gi ni. Koro kàdoʔo ma a wi yiri yaà beè n sáà Penuwɛli faan.

1 Fànʔafɔbèle 16:24

Koro kàdoʔo ma a wi Samarii nyanbelegi syɔɔ Syemɛɛri ma wálifiio támabéle selebingéle taanri na, níì kàʔa faan nyanbelegi na níì mɛ́ʔɛ le kěgi na wi faan lè ni gi yiri Samarii, Syemɛɛri mɛ́ɛgi na wi da sélì pye lè nyanbelegi fɔ́lɔ.

1 Fànʔafɔbèle 16:29

Zyuda fànʔafɔw Aza fǎngi yɛ̀ʔɛlɛ toko ní kpɔrigɔ ní kɔrɔtaanri wóli na Omirii jáaw Akabi tɛ́ɛn fǎngi na, Isirayɛli ye nyúngi na. Yɛ̀ʔɛlɛ toko ní siin Omirii jáaw Akabi kwɔ́ɔ fǎngi na Isirayɛli ye nyúngi na Samarii ni.

2 Fànʔafɔbèle 25:9

A wi baa Yawe kpáagi, ní fànʔafɔw kpaʔa, ní Zyerusalɛmi kpáayi myɛ sórigo. Wi maa naà le kùndigibèle kpaaya myɛ na.

1 Cányi kèlē 19:4

Lǎli bee ni a Hanun be pye a be Davidi falipyebèle cò n be bàʔajɔɔw kùnu, níì be búroyi cɛnɛ be na n baa láʔa níjeegèle na, níì be yaʔa a be kári.

Ŋúnuyi 102:14

Mɔ a ba yìri si nyinimɛ taa Siyɔn na. Níì cán lǎli n nan, lee ni mɔ a nyinimɛ taa wi na lè, lǎli n tɔ̀nɔ n nan.

Ŋúnuyi 78:60

Wi n Silo kpáagi yaʔa, fànikpaagi bee wi da yérige syɔɔn ye níngi ni lè.

Ezayi 15:2

Pe i lúru ni syée kpɔ̀ʔɔrɔli kpaʔa, ní Dibɔn sáriga-wòlo-tɛ́ɛyi ma bi sa ra nyaan yaà. Mowabi i nyaan ni peele Nebo ní Medeba kéeli na, nyǔnyi myɛ n kùnu, bàʔajɔɔbèle myɛ n cɛnɛ.

Zyeremii 16:6

«Wogbolobèle, ní woyilibèle a kùu tári naa ni. Pe a nyanya túgu be ma í, pe a be kùúyi kpéʔele í. Syɔɔn a wiyɛɛ gɔnɔgi be kéeli na í, syɔɔn a wi nyúngi kùnu be kéeli na í.

Zyeremii 41:4

Gedaliya kpóoli kàdoʔo ma canziin wógi na, koro n gi taa syɔɔn faala da kɔ́ɔ̀ yafyɛn cán gi ni í,

Zyeremii 47:5

Nyǔnyi n baa kùnu Gaza ni. Asikalɔn nyɔ́ɔgi n tɔ́n. A yele tɛɛfiigi wozanbèlē doò, làla jòorí yele a kòro bàā yeyɛɛ kɔnɔgi nya?

Zyeremii 48:37

Níì cán nyǔnyi myɛ n kùnu, a bàʔajɔɔbèle myɛ cɛnɛ. Tɛɛkɔnɔgiyɔ i nyɛ kɔ́yi myɛ na. Gɔ̀nvaʔaya si i nyɛ sárigèle myɛ na.

Zyeremii 7:12

Koro na yaa syée mii tɛ́ɛgi Silo ma, beè mii da sélì mii mɛ́ɛgi yaʔa a gi kòro lè, ye sa gi wéle, gee mii kpéʔele gi na lè mii syɛ́ɛnbèle Isirayɛli ye péemi kéele na.

Zyeremii 7:14

mii a keele tɛ́ʔɛ kpáagi na, gee na mii mɛ́ɛgi nyɛ lè, koro gee na yele yeyɛɛ daʔa lè, ní tɛ́ɛgee mii kaan yele ní yele tóolɛɛbèle ma lè, mii a gi pye bi yɛlɛ ní gee ní mii da tɛ́ʔɛ Silo na lè.

Zyowɛli 2:13

Ye yele fúnyi sulugu, yele búroyi ban yele yɛlɛ bi sulugu í, yé lúru ye pan Yawe yele Kolocɔlɔw ma. Níì cán wi i nyɛ funjàngafɔlɔ ní nyinidaaɔ, wi fúngi o taanri kelekele í, á wi nyínimi wɔ́ɔ̀ nɛʔɛ, wi i kàdoʔo wáa wɔʔɔgi kpéʔelele ma.

Làlwaw Kaanziin 14:1

«Yele i nyɛ Yawe yele Kolocɔlɔw jàala. Yele a kɔ́ yele céri kɔnɔgi í, wàlá bi yele gbáagèle ǹjoʔo ma kùnu kùugo kéele na í.

Zyozuwe 18:1

A Isirayɛli syɛ́ɛnmi myɛ piyɛɛ gbóʔoro Silo ma n sáà Syɛ́ɛnmi Tɛɛfaraga fànikpaʔa kóri yaà beè. Tári maa pye be kɔlɔ̀ na n kwɔ́ɔ.

Zyozuwe 24:32

Zyozɛfu kaceleri Isirayɛli ye da láa n yìri Ezyipiti ma n pan lè, a pe baa di tɔ́n Sisyɛmi ni, tátɛɛli ni, lee Zyakɔbi da syɔɔ Sisyɛmi tóow Hamɔri yòdaʔayi ma lè wálifiio támabéle dabata na, á loro baa pye Zyozɛfu yòdaʔayi kɔ́rigɔ ni.

Jàbɔbèle 18:31

Yafaangee Mika da sámaga lè, pe maa koro tɛ́ʔɛ yaà, a gi pye be woʔò lǎlee myɛ ni Kolocɔlɔɔ kpáagi pye lè Silo ni.

Jàbɔbèle 9:1

A Yerubaali jáaw Abimelɛki kári Sisyɛmi ma wi nɔ́ɔw senyɛ̀nnɛ ma n sáà joo ní be ní kánmi naa na n fàra wi nɔ́ɔw túlugo woolo myɛ na níì jo:

1 Samyɛli 1:7

Kánmi bee na ki da ni kpéʔele yɛɛlɛ o yɛɛlɛ, Ani ga lúgu n kári Yawe kpáagi ma, Penina n sa ni kayaagi légi wi ni kannijanmi na, Ani n ni nyaan, wi a fɔ̀lɔ́ lìi í.