Zyeremii 41:18 - Cebaara Bible 2010

¹⁸ bi léeli Kalide ye na, poro bele na pe da ni fɛ̀ɛgí lè, níì cán Netanya jáaw Isimayɛli maa Ahikami jáaw Gedaliya kpóo, woro wee Babilɔni fànʔafɔw da télege lè tári nyúngo na.

Zyeremii 41:18 Iomraidhean Croise

2 Fànʔafɔbèle 25:22

Syɛɛnsanbèle bele si pe da kòro yaà Zyuda tári ni lè, poro bele Babilɔni fànʔafɔw Nebukadinezari da yaʔa be kòro yaà lè, a wi Ahikami jáaw Gedaliya télege be nyúngi na, Ahikami wi lè Syafan jáaw.

2 Fànʔafɔbèle 25:25

Kàjáa a ki ga pye yeye kɔrɔsiin wógi na, Isimayɛli wi lè Netanya jáaw, Netanya wi lè Elisyama jáaw, a woro pan ní nànbēle kɛɛ ní, a pe baa Gedaliya kpúmɔn n kpóo n fàra Zyuda ye ní Kalide ye na be pye yaà ní Gedaliya ní lè Misipa ni. Isimayɛli maa pye fàndulugi wówaa.

Ezayi 57:11

Wìí na mɔ da ni fɛ̀ɛgí, wìí yɛ́ʔɛ fyáara ti da pye mɔ na, a koro mɔ kaan a mɔ mii jànvaa, mɔ ga níì sɔ̀ngi n taa í, mii kéeli ga níì pye mɔ fúngi ni í? Mɔ ga gi cán ncan a mii da pyèri wii nlaa yaà làridɔɔnnɔ ni ì? A koro gi kaan mɔ ga fyáa mii na í.

Zyeremii 40:5

Zyeremii si da kɔ́ɔ̀ syɛɛnlurugoro kaan í, a wi níì wi pye: «Lúru maa syée Gedaliya ma, wi lè Ahikami jáaw, Ahikami wi lè Syafan jáaw, wee Babilɔni fànʔafɔw télege Zyuda kěyi nyúngo na lè, mí sa kòro ní wi ní syɛ́ɛnbèle nínge ni. Wàlá maa syée tɛ́ɛgee ni mɔ ga nyaa a gi yɛlɛ mɔ ma lè bàā syée yaà.» A gáridibèle kùndigi yaliire, ní kpɔʔɔrɔ kaan wi ma, níì wi lúrugo n tórigo.

Zyeremii 42:1

Kapɛɛnkpumɔn-kùndigibèle myɛ, n fàra Kareya jáaw Yohanan, ní Hosyaya jáaw Yezanya na, ní syɛ́ɛnbèle myɛ, n séli wobiigèle na n sáà nan wogbolobèle na, a be pan

Zyeremii 42:11

Yele a kɔ́ ra fɛ̀ɛgí Babilɔni fànʔafɔw na í, woro wee na yele fɛ̀ɛgí lè. Yele a kɔ́ fyáa wi na í, Yawe wi jo nya. Níì cán mii i nyɛ ní yele ní bi yele syɔɔ, bi yele yirige wi kɔ́gi ni.

Zyeremii 42:16

ŋɔséew na yele fɛ̀ɛgí lè, wi a yele nɛnɛ bi taa yaà Ezyipiti tári ni. Kateekpɔɔgi fyáara di nyɛ yele na lè, ki a taʔa yele na yaà Ezyipiti tári ni. Nɛɛ bee yele a kùu.