Zyeremii 41:16 - Cebaara Bible 2010

¹⁶ Yohanan wi lè Kareya jáaw, n fàra kapɛɛnkpumɔn-kùndigibèle myɛ na be pye ní wi ní lè, a poro syɛɛnsanbèle myɛ kɔ́ri yaà, bele Netanya jáaw Isimayɛli da cò Misipa ni lè, woro wee wi da Ahikami jáaw Gedaliya kpóo lè níì kapɛɛnkpumɔn-nǎnbèle, ní cébèle, ní pìíbèle cò, n fàra nǎnbèle na be wòlo lè, a pe be kɔ́ri yaà Gabaɔn ma n lúru ni maa.

Zyeremii 41:16 Iomraidhean Croise

2 Fànʔafɔbèle 25:23

Lǎli ni kabiyi kùndigibéle myɛ gi lóʔo lè n fàra be nǎnbèle na ncan Babilɔni fànʔafɔw n Gedaliya télege syɛ́ɛnbèle nyúngo na, a be kári Gedaliya ma Misipa ma, poro be nyɛ: Isimayɛli wi lè Netanya jáaw, ní Yohanan wi lè Kareya jáaw, ní Seraya wi lè Tanhumɛti jáaw, Tanhumɛti wi lè Netofa ye wów, n fàra Yaazanyahu na wi lè Maaka ye wów. Pe maa kári ní be nǎnbèle ní.

Zyeremii 41:10

Bele myɛ pe da kòro Misipa ni lè, a Isimayɛli be cò ni syée pulobèlē: fànʔafɔw jàala pe lè cébèle, ní syɛ́ɛnbèle wozanbèlē myɛ pe da kòro Misipa ni lè, bele gáridibèle kùndigi Nebuzaradan da kàlifáa Ahikami jáaw Gedaliya ma lè, Netanya jáaw Isimayɛli maa be cò n kári pulobèlē, níì kári bi sa pye ní Amɔn ye ní.

Zyeremii 42:8

Lǎli bee ni a wi Kareya jáaw Yohanan yeri, ní kapɛɛnkpumɔn-kùndigibèle myɛ pe da pye ní wi ní lè, ní syɛ́ɛnbèle myɛ, n séli wobiigèle na n sáà nan wogbolobèle na.