Zyeremii 41:11 - Cebaara Bible 2010

¹¹ Yohanan wi lè Kareya jáaw, ní kapɛɛnkpumɔn-kùndigibèle bele myɛ be pye ní wi ní lè, a poro kapeeyi myɛ kéele lóʔo, yee Netanya jáaw Isimayɛli kpéʔele lè.

Zyeremii 41:11 Iomraidhean Croise

2 Fànʔafɔbèle 25:23

Lǎli ni kabiyi kùndigibéle myɛ gi lóʔo lè n fàra be nǎnbèle na ncan Babilɔni fànʔafɔw n Gedaliya télege syɛ́ɛnbèle nyúngo na, a be kári Gedaliya ma Misipa ma, poro be nyɛ: Isimayɛli wi lè Netanya jáaw, ní Yohanan wi lè Kareya jáaw, ní Seraya wi lè Tanhumɛti jáaw, Tanhumɛti wi lè Netofa ye wów, n fàra Yaazanyahu na wi lè Maaka ye wów. Pe maa kári ní be nǎnbèle ní.

Zyeremii 41:7

Kàjáa lǎli ni be nan kěgi nínge na lè, a Netanya jáaw Isimayɛli be kɔnɔgi níì be wáa lǒgi wéʔe ni, nǎnbèle bele pe da pye ní wi ní lè, poro dɛ̀ɛmɛni báriga ni.

Zyeremii 42:1

Kapɛɛnkpumɔn-kùndigibèle myɛ, n fàra Kareya jáaw Yohanan, ní Hosyaya jáaw Yezanya na, ní syɛ́ɛnbèle myɛ, n séli wobiigèle na n sáà nan wogbolobèle na, a be pan

Zyeremii 42:3

Ki n yɛlɛ Yawe mɔ Kolocɔlɔw í kólogi tɛ̀ɛn wolo na, gee wolo yɛlɛ bi láa lè, ní gee wolo yɛlɛ bi kpéʔele lè.»