Zyeremii 41:1 - Cebaara Bible 2010

¹ Yɛ́ɛli yeye kɔrɔsiin wóʔo na, Isimayɛli wi lè Netanya jáaw, Netanya wi lè Elisyama jáaw, ní i nyɛ fànʔafɔ-dúlugi wówaa, a woro pan ní fànʔafɔw syɛɛnkpolobèle pèle ní, n fàra nànbēle kɛɛ na, Ahikami jáaw Gedaliya ma, Misipa ma, a pe bàā pínɛ n lìi yaà Misipa ma.

Zyeremii 41:1 Iomraidhean Croise

2 Samyɛli 3:27

Lǎli ni Abinɛɛri lúru n pan Heburɔn ma lè, a Zyowabi baa wi kɔ́ri n kàri kɔlɔ̀ na, a be jée kpàánweeli ni n gi pye mɔ a jo woro i caa bi syɛɛnrɛ làrá joo wi ma. A Zyowabi sáà wi súu yaà beè fícɛnni nínge ni, a wi kùu. Kánmi bee na Zyowabi Abinɛɛri kpóo woro cɔnɔw Azayɛli sìsyaanw wolo kéele na.

2 Fànʔafɔbèle 11:1

A Akazya nɔ́ɔw Atalii ga gi nyaa woro pìíw n kùu, a wi yìri n fànʔafɔ-dúlugi wòolo myɛ kpóo.

2 Fànʔafɔbèle 25:22

Syɛɛnsanbèle bele si pe da kòro yaà Zyuda tári ni lè, poro bele Babilɔni fànʔafɔw Nebukadinezari da yaʔa be kòro yaà lè, a wi Ahikami jáaw Gedaliya télege be nyúngi na, Ahikami wi lè Syafan jáaw.

2 Fànʔafɔbèle 25:25

Kàjáa a ki ga pye yeye kɔrɔsiin wógi na, Isimayɛli wi lè Netanya jáaw, Netanya wi lè Elisyama jáaw, a woro pan ní nànbēle kɛɛ ní, a pe baa Gedaliya kpúmɔn n kpóo n fàra Zyuda ye ní Kalide ye na be pye yaà ní Gedaliya ní lè Misipa ni. Isimayɛli maa pye fàndulugi wówaa.

2 Cányi kèlē 22:10

Atalii wi pye lè Akazya nɔ́ɔw, a woro ga gi nyaa a woro pìíw kùu, a wi yìri n Zyuda fàndulugi wòolo myɛ kpóo.

Ŋúnuyi 109:5

Pe n mii kacǎnni sàra ní kapeele ní n mii tàmagi sàra ní paraga ní.

Ŋúnuyi 41:9

Pe i gi nyuu níì jo: «Yaabeemɛ bi too wi na! Wi i wee wozinɛɔ ní, wi a ní yìri í!»

Kàseegèle 13:10

Nɛ̀ɛgbɔʔɔgi yagana gi kàfulogi yìrigí, sícilimɛ si i nyɛ bele má be láliiw lúro lè.

Kàseegèle 27:4

Fundanʔagbɔɔri i nyɛ nyinimɛ fun, fundanʔari i nyɛ lòcoologo gee gi kabi ni fóo lè, wìí si wi a gbǎn yére nyabɛɛnni sige?

Zyeremii 36:12

A wi tìgi n jée fànʔafɔw kpaʔa ni n kári sɛ́bɛkanw kpaafungo ma, beè syɛɛnkpolobèle myɛ da pye lè wogboʔorobéle ní, pe lè sɛ́bɛkanw Elisyama, ní Delaya wi lè Syemaya jáaw, ní Elinatan wi lè Akibɔɔri jáaw, ní Gemariya wi lè Syafan jáaw, ní Sidekya wi lè Ananya jáaw, ní syɛɛnkpolobèle wozanbèlē myɛw.

Zyeremii 36:20

Koro kàdoʔo ma a be kári kàcooli ma fànʔafɔw ma, níì sɛ́bɛw yaʔa yaà wodɛʔɛɔ ní sɛ́bɛkanw Elisyama kpaafungi ni, ní sáà syɛ́ɛnri bee myɛ joo n tɛ̀ɛn fànʔafɔw yɛ́ʔɛ ma.

Zyeremii 39:14

a poro tun a be sáà Zyeremii láa yaà kàsokpaagi kàcoolo ni, ní baa wi kaan Gedaliya ma wi lè Ahikami jáaw, Ahikami wi lè Syafan jáaw, jàngó wi kári ní wi ní wi kpaʔa ma. A wi kòro syɛ́ɛnbèle nínge ni.

Zyeremii 40:13

Yohanan wi lè Kareya jáaw, ní kapɛɛnkpumɔnbèle kàfɔɔlɔ myɛ be pye sìnbirigi ni lè, a poro pan Gedaliya ma Misipa ma,

Zyeremii 40:5

Zyeremii si da kɔ́ɔ̀ syɛɛnlurugoro kaan í, a wi níì wi pye: «Lúru maa syée Gedaliya ma, wi lè Ahikami jáaw, Ahikami wi lè Syafan jáaw, wee Babilɔni fànʔafɔw télege Zyuda kěyi nyúngo na lè, mí sa kòro ní wi ní syɛ́ɛnbèle nínge ni. Wàlá maa syée tɛ́ɛgee ni mɔ ga nyaa a gi yɛlɛ mɔ ma lè bàā syée yaà.» A gáridibèle kùndigi yaliire, ní kpɔʔɔrɔ kaan wi ma, níì wi lúrugo n tórigo.

Zyeremii 40:6

A Zyeremii kári Gedaliya ma, wi lè Ahikami jáaw, Misipa ma, ní sáà kòro ní wi ní syɛ́ɛnbèle nínge ni pe da kòro tári ni lè.

Zyeremii 40:7

Kapɛɛnkpumɔnbèle kàfɔɔlɔ myɛ pe da kòro sìnbirigi ni lè, a poro ní be nǎnbèle gi lóʔo Babilɔni fànʔafɔw n Gedaliya télege tári nyúngo na, wi lè Ahikami jáaw, níì nǎnbèle ní cébèle, ní pìíbèle, ní tári fɔ̀ngɔfɔɔlɔ kàlifáa wi ma, bele be lè pe da be cò n kári Babilɔni ma í.

Zyeremii 40:8

A be kári Gedaliya ma Misipa ma, poro be pye: Isimayɛli wi lè Netanya jáaw, ní Yohanan, ní Zyonatan pe lè Kareya jáabèle, ní Seraya wi lè Tanhumɛti jáaw, ní Netofa ye Efayi jáabèle, ní Maaka ye Yezanyahu, poro ní nǎnbèle be pye ní be ní lè.

Ezekyɛli 17:13

Wi n fàndulugi wówaa nyɛ́nɛ n wòlo níì joogaanna kpéʔele ní wi ní níì wi kɔ́ri a wi kàli, níì tári wógbolobéle cò n kári,

Zyan 13:18

Mii o dee naa nyuu yele myɛ kéeli na í. Bele mii nyɛ́nɛ n wòlo lè, mii n be cán. Kàjáa fwɔɔ Kolocɔlɔɔ syɛɛnsɛbɛri í foro, dee di jo lè: ‹Wee wi líi ní mii ní lè, woro wi kàri mii nigoow.›