Zyeremii 40:5 - Cebaara Bible 2010

⁵ Zyeremii si da kɔ́ɔ̀ syɛɛnlurugoro kaan í, a wi níì wi pye: «Lúru maa syée Gedaliya ma, wi lè Ahikami jáaw, Ahikami wi lè Syafan jáaw, wee Babilɔni fànʔafɔw télege Zyuda kěyi nyúngo na lè, mí sa kòro ní wi ní syɛ́ɛnbèle nínge ni. Wàlá maa syée tɛ́ɛgee ni mɔ ga nyaa a gi yɛlɛ mɔ ma lè bàā syée yaà.» A gáridibèle kùndigi yaliire, ní kpɔʔɔrɔ kaan wi ma, níì wi lúrugo n tórigo.

Zyeremii 40:5 Iomraidhean Croise

2 Fànʔafɔbèle 22:12

níì syɛ́ɛnri naa joo n gbàn sáriga-wòlow Hilikiya ma, ní Ahikami ma wi lè Syafan jáaw, ní Akibɔɔri ma wi lè Misye jáaw, ní sɛ́bɛkanw Syafan ma, n fàra Asaya na wi da pye lè fànʔafɔw falipyewaa, níì be pye:

2 Fànʔafɔbèle 22:14

A sáriga-wòlow Hilikiya, ní Ahikami, ní Akibɔɔri, ní Syafan, ní Asaya kári kanyaajoocew Hulida ma wi pye lè búroyi tɛ́ʔɛfɔlɔ Syalumi céw, Syalumi wi pye lè Tikiva jáaw, Tikiva wi pye lè Harasi jáaw. Hulida maa pye wodɛ́ɛɔn ní Zyerusalɛmi kèyabifɔngi ni. A pe ga sáà joo n kwɔ́ɔ wi ma,

2 Cányi kèlē 34:20

A fànʔafɔw gee naa joo n gbàn Hilikiya ma, ní Ahikami ma wi lè Syafan jáaw, ní Abidɔn ma wi lè Misye jáaw, ní sɛ́bɛkanw Syafan ma, n fàra Asaya na wi da pye lè fànʔafɔw falipyewaa, níì jo:

Ɛsidirasi 7:27

Yawe n yɛlɛ waa wi kpɔ̀ʔɔrɔ́, wi lè wolo tóolɛɛbèle Kolocɔlɔɔ, àmɛɛ wi gi lége fànʔafɔw fúngo ni lè wi Yawe kpáagi sámaga ki nyɔɔ kánmi bee na lè, ki lè Zyerusalɛmi ni,

Ɛsidirasi 7:6

Ɛsidirasiw bee n yìri Babilɔni ma n pan, làlwaw sɛ́bɛkanwaa wi pye, wee wi da tɔ̀nɔ n Mowizi làlwaw kɔ́rɔ sámaga n cán lè, wee Yawe Isirayɛli Kolocɔlɔw kaan lè. A fànʔafɔw wi yanyɛɛriyi myɛ kaan wi ma àmɛɛ wi Kolocɔlɔw kɔ́lɔ da pye wi na lè.

Nehemii 1:11

Ee! Kàfɔw, koro na ki n yɛlɛ mi mɔ líiyi cáan mí mɔ falipyew nyɛ́ɛrigɛ lóʔo, ní mɔ falipyebèle bele be caa bàā fɛ̀ɛgí mɔ mɛ́ɛgi na lè, poro nyɛ́ɛrigi. Mii i mɔ nyɛ́ɛri, mɔ falipyew yaʔa wi kataanna taa níjanʔa, mí gi yaʔa nǎnw naa í nyɔɔ wi na.» Mii si maa pye lǎli bee ni fànʔafɔw yagbaʔa kaanfɔlɔ.

Zyɔbi 22:29

Pe ga mɔ cɛ́rɛ, á mɔ jo: ‹Nɛ̀ɛnyɛnɛgɛ gii gee!› Lǎli bee ni, wee nyúngo gi jùngu lè, Kolocɔlɔɔ a wi syɔɔ.

Kàseegèle 16:7

Syɔɔn tánʔaganmi ga Yawe dɛ́nɛ, àlí wi n wi nigoobèle yaʔa pe n pye bɛ̀ɛlɛ na ní wi ní.

Kàseegèle 21:1

Fànʔafɔw fúngo i nyɛ Yawe kɔ́gi ni àmɛɛ lɔ̀ʔɔ nyɛ, gee gi fóo lè, wi i gi kàragí ni tórogi kàbangee ma ki wi dɛ́nɛ lè.

Zyeremii 15:11

Yawe n jo: «Mɔ nyɔɔmɔ kéele na ban mii da mɔ syɔɔ ì? Ba mii da nigoow kpúmɔn n kaan mɔ ma wɔʔɔgi làla, ní kálagili làla ni ì?

Zyeremii 26:24

Lǎli bee ni Ahikami wi lè Syafan jáaw, a woro Zyeremii syɔɔ, níì kéeli bee sàa jàngó pe a kɔ́ wi le syɛ́ɛnbèle kɔ́yɔ ni pe wi kpóo í.

Zyeremii 39:14

a poro tun a be sáà Zyeremii láa yaà kàsokpaagi kàcoolo ni, ní baa wi kaan Gedaliya ma wi lè Ahikami jáaw, Ahikami wi lè Syafan jáaw, jàngó wi kári ní wi ní wi kpaʔa ma. A wi kòro syɛ́ɛnbèle nínge ni.

Zyeremii 40:4

Tɔ́ɔliw ni wéle, mii wi nyɔ̀ʔɔmi sánʔana mɔ na wee níjanʔa, bee bi nyɛ mɔ kɔ́yi na lè. Ki ga mɔ dɛ́nɛ bàā syée Babilɔni ma ní mii ní, da maa, mii a ra mɔ kɔ̀rɔsíi. Bi kári ní mii ní Babilɔni ma, gee bee ga pye ki ga yɛlɛ mɔ ma í, mɔ a kɔ́ ra maa í. Wéle, tári myɛ i nyɛ mɔ yɛ́ʔɛ ma, da syée tɛ́ɛgee mɔ ga nyaa a gi nyɔɔ lè, níì yɛlɛ mɔ ma bi kári yaà.»

Zyeremii 41:1

Yɛ́ɛli yeye kɔrɔsiin wóʔo na, Isimayɛli wi lè Netanya jáaw, Netanya wi lè Elisyama jáaw, ní i nyɛ fànʔafɔ-dúlugi wówaa, a woro pan ní fànʔafɔw syɛɛnkpolobèle pèle ní, n fàra nànbēle kɛɛ na, Ahikami jáaw Gedaliya ma, Misipa ma, a pe bàā pínɛ n lìi yaà Misipa ma.

Zyeremii 41:18

bi léeli Kalide ye na, poro bele na pe da ni fɛ̀ɛgí lè, níì cán Netanya jáaw Isimayɛli maa Ahikami jáaw Gedaliya kpóo, woro wee Babilɔni fànʔafɔw da télege lè tári nyúngo na.

Zyeremii 41:2

Lǎli bee ni a Netanya jáaw Isimayɛli yìri ní nǎnbèle kɛɛ ní n fàra wiyɛɛ na n Gedaliya kpúmɔn ní ŋɔsée ní, Gedaliya wi lè Ahikami jáaw, Ahikami wi lè Syafan jáaw. Kánmi bee na wi wi kpóo, woro wee Babilɔni fànʔafɔw da télege tári nyúngo na lè.

Kapyegèle 27:3

Ki nyǐndaligi na a wolo nan Siidɔn na. A Zyulusi kacànna kpéʔele Pɔli na nɛɛ bee, níì cán wi maa fɔ̀lɔ n wi yaʔa a wi kári wi tàannyɛnbèle ma, koro ga pye pe sa wi dɛ̀ɛmɛ.

Kapyegèle 27:43

Kàjáa àmɛɛ sùlasiibèle kàrigafɔlɔ da ni caa bi Pɔli syɔɔ lè, a wi be nyɛnɛ kéeli sàa, níì gi kpéʔele kánmi naa na. Wi maa jo bele be lònyanmi cán lè bele bee í da tuun lǒgi ni bàā syée tári ma,

Kapyegèle 28:10

A be wɔ́ɔ̀ wolo kpɔ́ʔɔ gbanʔama, lǎli ni wolo ba ni jǐn bàtowaa ni bi kári lè, yariga o yariga láa gi pye wolo na lè, a be gi kaan wolo ma.

Heburubèle 13:6

Koro na wolo a gbǎn gi joo ní nànzorodo ní si jo: «Kàfɔw wi nyɛ mii dɛ̀ɛmɛfɔw, mii a tée fyáa í. Nyàʔá syɔɔn a gbǎn kpéʔele mii na?»