Zyeremii 40:3 - Cebaara Bible 2010

³ Yawe n gi yaʔa a gi baa pye. Wi n gi kpéʔele n foro, gee wi da joo lè, níì cán yele n kapeele pye Yawe na. Yele ga wi jóomi lóʔo í, koro na gee wi da joo lè, ki n nan yele na.

Zyeremii 40:3 Iomraidhean Croise

Nehemii 9:28

Lǎli ni pe ŋɔ́ndaali taa lè, a be níì séli ni kapeeyi kpéʔele mɔ yɛ́ʔɛ ma. Lǎli bee ni, a mɔ be wáa n yaʔa pe nigoobèle kɔ́yɔ ni, a poro pye be nyúngi na. A be níì yákpogèle wáa mɔ kurugo, n mɔ yaʔa nyɛ̀ʔɛni na, a mɔ lóʔo be ma. Mɔ n be syɔɔ tɔlɔyɔ saʔa mɔ nyininɛʔɛmi báriga ni.

Nehemii 9:33

Gee myɛ gi wolo taa lè, mɔ n sín gi ni. Níì cán mɔ n tánʔa kányɛɛgi na, á wolo si kapeʔe pye.

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 22:8

Syɛɛnfele-nɛʔɛyɛ a ra sɔ̀lɔ́ kěgi naa taana sáā gi nyuu peyɛɛ ma si jo: ‹Nyàʔá na Yawe gee naa kpéʔele kèkpɔɔgi naa na?›

Zyeremii 39:16

«Da syée mi sa gi joo Ebɛdi-Melɛki ma, wi lè Etyopii ye wów mí wi pye: ‹Yawe wi lè Nyɛ̀ʔɛni Sùlasiibéle Kafɔlɔ, wi lè Isirayɛli Kolocɔlɔw, woro wi syɛ́ɛnri naa joo níì jo: Wéle, gee mii joo kěgi naa kéele na lè kapeʔe gii, kacànga ban í, mii a gi cáan kěgi naa na, ki a pye mɔ nyɛ́nɛ na cángi bee na.

Zyeremii 44:23

Níì cán yele n nùndaanni yáriga sórigo níì kapeele pye Yawe na àmɛɛ gi nyɛ lè yele ga Yawe jóomi lóʔo í, yele ga tánʔa n yɛlɛ ní wi làlwaw, ní wi làlwaw kèlē, ní wi kajoogèle ní í. Koro na wɔʔɔgi naa nan yele na, àmɛɛ gi nyɛ lè níjanʔa.»

Zyeremii 50:7

Bele myɛ pe da ni be nyaagi lè, pe maa ni be káa, pe kàsiitun-nyɛnbèle si i gi nyuu níì jo: ‹Wolo ga kolo í. Ncan pe n kapeele pye Yawe na, wi lè sínni tɛɛkòrogo, Yawe na wi lè pe toolɛɛbèle sɔ̀ngumɔ tɛɛtaʔaga.›

Kayaagi Nyɛnigɛ 2:17

Yawe n gi kpéʔele n foro, gee wi da kɔ̀rirɔ n tímana lè, wi n syɛ́ɛnri foro, dee wi da joo n gbàn lè nlaa yaà booma larigèle ni, wi n kálagili kpéʔele nyinimɛ fun, wi n mɔ pye nigoow fundaanra, wi n mɔ kasiitun-nyɛ́nbèle fànʔa kpɔ́ʔɔ.

Wɔrɔmi ye 2:5

Kàjáa àmɛɛ mɔ nyúngi tɔ̀nɔ n waʔa lè, ní àmɛɛ mɔ láa o nyɛ bi mɔ fúngi kàriga Kolocɔlɔɔ ma lè í, koro na mɔ tiimaa i kàa taari mɔ wɔʔɔli na bi taa sa nan wɔʔɔgbɔɔgi canʔa na, cángee na Kolocɔlɔɔ a ba gi tɛ̀ɛn lè syɛ́ɛnbèle na pe gi cán woro kútiiw n tɔ̀nɔ n sín.

Wɔrɔmi ye 3:19

Wolo n gi cán gee myɛ gi nyuu lè Mowizi làlwaw sɛ́bɛ ni, ki i nyuu bele ma be nyɛ lè làlwaw bee kólogo ni, koro ga pye Kolocɔlɔɔ í dulunyanw syɛ̀ɛnnɛ myɛ nyɔ́ɔyɔ tɔ́n, si kútiiw cáan pe myɛ na.

Làlwaw Kaanziin 29:25

ní àmɛɛ pe da ni syée n sa ni kolocɔlɔbèle pèle nikwɔɔlɔ kpɔ̀ʔɔrɔ́, ní i kpùmɔnɔ́ pe yɛʔɛ̀ ma lè, kolocɔlɔbèle be lè pe da be cán í, wi si da wɔ́ɔ̀ be kaan be ma pe lɛɛlɛ í.