Zyeremii 40:2 - Cebaara Bible 2010

² A gáridibèle kùndigi Zyeremii yeri yaà, ní baa wi pye: «Yawe mɔ Kolocɔlɔw maa kapeegi naa kéele joo tɛ́ɛgi naa kánma na.

Zyeremii 40:2 Iomraidhean Croise

Zyeremii 11:17

Yawe wi lè Nyɛ̀ʔɛni Sùlasiibéle Kafɔlɔ, woro wee wi mɔ cɔ́rɔ lè, wi n wɔʔɔgɔ kéele joo mɔ kánmi na, kapeegi kéele na, gee Isirayɛli kpáagi wòolo, ní Zyuda kpáagi wòolo kpéʔele peyɛɛ na lè n mii fúngi tanʔa nùndaanni yáriga wololo kéele na sáriga Baali ma.

Zyeremii 50:7

Bele myɛ pe da ni be nyaagi lè, pe maa ni be káa, pe kàsiitun-nyɛnbèle si i gi nyuu níì jo: ‹Wolo ga kolo í. Ncan pe n kapeele pye Yawe na, wi lè sínni tɛɛkòrogo, Yawe na wi lè pe toolɛɛbèle sɔ̀ngumɔ tɛɛtaʔaga.›

Zyeremii 52:16

Kàjáa Nebuzaradan wi lè gáridibèle kùndigi, wi maa tári fɔ̀ngɔfɔbèle pèle yaʔa be kòro yaà bàā ɛrɛzɛn séyi kɔ̀rɔsíi si wɔ́ɔ ra fála.

Levii ye sáriga-wòlori 26:14

« ‹Yele si ga pye yele ga fɔ̀lɔ ni lúro mii ma níì tundunri naa myɛ sámaga n cò ni di kpéʔele í,

Làlwaw Kaanziin 28:15

«Kàjáa kapye mɔ ga fɔ̀lɔ ni Yawe mɔ Kolocɔlɔw jóomɔ lúro í, wi kajoodɛɛngèle myɛ, ní wi làlwaw kèlē myɛ mii nyuu mɔ ma lè níjanʔa, mɔ ga pye mɔ ga ge sámaga n cò ní i ge kpéʔele í, dángaw kèlē myɛ ke a mɔ le lè, bi mɔ nɛnɛ taa, koro ge nyɛ gele naa:

Làlwaw Kaanziin 31:17

Cángi bee na mii fundanʔari a cò naà be kánmi na, mii a be cée, si mii yɛ́ɛgi làriga be na. Pe a be káa. Wɔʔɔyɔ saʔa ní kálagila saʔa a nan be na. Pe a ra gi nyuu cángi bee na si jo: ‹Amɛɛ kapeeyi naa wolo taa lè, gee bee ga taa ncan wolo Kolocɔlɔw o nyɛ wolo níngi ni í ì?›

Làlwaw Kaanziin 32:19

Yawe n gee bee nyaa, a gi pye wi ma kanibɛɛnnɛ, níì cán wi nànbiigèle, ní wi calipiigèle maa ni wi fúngi taanri gbanʔama.