Zyeremii 40:11 - Cebaara Bible 2010

¹¹ A gi wɔ́ɔ̀ pye Zyuda ye myɛ be pye Mowabi tári ni lè, Amɔn ye ma, ní Edɔmi ni, ní tátɛɛyi wozanya myɛ ni lè a poro gi lóʔo Babilɔni fànʔafɔw n pèle yaʔa a be kòro yaà Zyuda tári ni, níì Gedaliya télege be nyúngi na, wi lè Ahikami jáaw, Ahikami wi lè Syafan jáaw.

Zyeremii 40:11 Iomraidhean Croise

Sélimɛ 36:8

A Ezau sáà tɛ́ɛn Seyiiri nyanbelegi na Ezau wi nyɛ Edɔmi.

Ezayi 11:14

Pe a foo too Filisitini ye dǎndamayi na canʔajeemɛ kabangi na, pe a pínɛ canʔafolomɔ kabangi syɛɛnfelege kɔ́lɔ yárira fuguri bi láa, pe a be fǎngi cíbele Edɔmi, ní Mowabi na, Amɔn ye si peyɛɛ gaan be ma.

Ezayi 16:4

Mowabi wovanbèle yaʔa be tɛ́ɛn ní mɔ ní! Pye be má tɛɛlaraga kálagifɔw yɛ́ʔɛ ma! Níì cán wee wi gi gbàngí lè koro gi nyɛ wi kwɔ́ɔmi. Yáriri fuguri-mí-láala a kwɔ́ɔ, bele be tári tánʔana lè pe a kwɔ́ɔ láʔa yaà.

Zyeremii 24:9

Mii a be kàriga fyáara, ní wɔʔɔgɔ yáriga tári fànya myɛ ma, bi be pye faʔara, ní nɛ̀ɛnyɛnɛgɛ, ní kataanra, ní dánga yáriga tɛ́ɛyi myɛ ni, beè mii a be nɛnɛ bi tórigo lè.

Zyeremii 41:10

Bele myɛ pe da kòro Misipa ni lè, a Isimayɛli be cò ni syée pulobèlē: fànʔafɔw jàala pe lè cébèle, ní syɛ́ɛnbèle wozanbèlē myɛ pe da kòro Misipa ni lè, bele gáridibèle kùndigi Nebuzaradan da kàlifáa Ahikami jáaw Gedaliya ma lè, Netanya jáaw Isimayɛli maa be cò n kári pulobèlē, níì kári bi sa pye ní Amɔn ye ní.

Zyeremii 43:5

A Kareya jáaw Yohanan, ní kapɛɛnkpumɔn-kùndigibèle myɛ Zyuda wogorobèle myɛ kɔ́ri n kári, poro bele pe da cariga n kári syɛɛnfeleyi myɛ nínge ni lè, ní kɔ́ɔ̀ lúru n pan bi ba tɛ́ɛn Zyuda tári ni,

Zyeremii 43:6

pe lè nǎnbèle, ní cébèle, ní pìíbèle, ní fànʔafɔw jàala be lè cébèle, ní syɛ́ɛnbèle bele myɛ gáridibèle kùndigi Nebuzaradan da yaʔa ní Gedaliya ní, wi lè Ahikami jáaw, Ahikami wi lè Syafan jáaw, n wɔ́ɔ̀ fàra kanyaajoow Zyeremii ní Baruki na wi lè Neriya jáaw.

Ezekyɛli 25:12

Kàfɔw Yawe wi syɛ́ɛnri naa joo níì jo: «Gɔ̀lɔ́-wòlori Edɔmi ye kpéʔele Zyuda kpáagi wòolo na, n kolo àmɛɛ wi gɔ̀lɔw wòlo be na lè,

Ezekyɛli 25:2

«Syɔɔn-pya, mɔ yɛ́ɛgi fíige Amɔn ye kàbangi na, mí kérigèle nyaa mi joo be kánmi na.

Ezekyɛli 25:6

Níì cán Kàfɔw Yawe wi syɛ́ɛnri naa joo níì jo: ‹Amɛɛ mɔ kadaagèle kóri lè, ní wɔ́ɔ̀ yédaali súu tári na, ní wɔ́ɔ̀ fundaanra pye, á mɔ fúngi nyìn faʔari na Isirayɛli tári kéele na lè,

Ezekyɛli 25:8

Kàfɔw Yawe wi syɛ́ɛnri naa joo níì jo: «Amɛɛ Mowabi ní Seyiiri gi joo lè níì jo: ‹Zyuda kpáagi wòolo wéle, pe i nyɛ àmɛɛ syɛɛnfeleyi myɛ nyɛ lè,›

Ezekyɛli 34:6

Mii bǎbèle i curugu ni máari nyanbeleyi myɛ, ní dǎndama-tɔ́nɔyi myɛ na, mii bǎbèle n cariga n fala tári myɛ yɛ́ʔɛ kurugo. Syɔɔn faala o be kɔ̀rɔsíi í, syɔɔn faala o be caa í.

Ezekyɛli 35:15

Amɛɛ mɔ da fundaanra kpéʔele lè lǎli ni Isirayɛli kpáagi wòolo kɔ́rigɔ da kálagi lè, gee bee félege mii a kpéʔele mɔ na. Mɔ a pye tɛɛ̀kalagiga, Seyiiri nyanbelegi, mɔ ní Edɔmi myɛ bìnɛw. Pe a gi cán bi cán mii wi nyɛ Yawe.›

Ezekyɛli 35:5

Amɛɛ kwɔ́ɔmɔ fun paraga da pye mɔ ni lè, á mɔ Isirayɛli ye le ŋɔséew kɔ́yɔ ni pe wɔʔɔli làla ni lè, lǎlee ni pe kolomi da baa nyìn n foro lè,

Ezekyɛli 5:12

Káfalagi yáama, ní kateekpɔɔgi a mɔ syɛ́ɛnbèle tílataanri wógaa kpóo mɔ níngi ni, ŋɔséew si tílagee kpóo cáan bi mɔ màʔa, mii si gee cariga bi tórigo káfalagi kàbanya myɛ na, si ŋɔséew kɔ́n bi taʔa be na.

Ezekyɛli 5:3

Mí di tàa cɛɛri láa mi pwɔɔ mɔ buronyɔɔw ni.

Córolo 22:1

A Isirayɛli ye yìri n kári n sáà tɛ́ɛn Mowabi tɛɛfiiyi na, Zyuridɛn jeligi na, Zyeriko zǐnmi na.

Córolo 25:1

A Isirayɛli ye tɛ́ɛn Syitimi ni, a be fala ni kálagimi kpéʔele ní Mowabi cébèle ní.

Córolo 25:2

A cébèle bee i be yiri ni syée poro kolocɔlɔbèle sáriga tɛ́ɛyɛ ma. A Isirayɛli syɛ́ɛnbèle i líi ní i tíri ni tuun bele bee kolocɔlɔbèlē taana.

1 Samyɛli 11:1

Nahasyi wi lè Amɔn ye wów, a woro pan n baa tɛ́ɛn Yabɛsyi taana Galaadi ni. A Yabɛsyi syɛ́ɛnbèle myɛ Nahasyi pye: «Joogaanna kpéʔele ní wolo ní, wolo a ra báara mɔ ma.»

1 Samyɛli 12:12

A yele ga baa gi nyaa a Amɔn ye fànʔafɔw Nahasyi pan yele kánmi na, a yele mii pye: ‹Eʔe, fwɔɔ fànʔafɔlɔ í tɛ́ɛn wolo nyǔngi na›, bi gi taa Yawe yele Kolocɔlɔw wi nyɛ yele fànʔafɔw.