Zyeremii 40:10 - Cebaara Bible 2010

¹⁰ Mii si na, wéle, mii a kòro Misipa ni, bi pye yɛ́ɛgi na Kalide wóbèle bele má pe a ra maa wolo ma lè. Yele si na, yaa dùvɛɛnw, ní gbɛ̀ɛ́ngi yasanra, ní sǐnmi yaliilaara kpéʔele, yaa di nii yele yaleyi ni, yé kòro yele kěyi ni, yee yele cò yeyɛɛ ma lè.»

Zyeremii 40:10 Iomraidhean Croise

2 Samyɛli 16:1

Lǎli ni Davidi nyanbelegi ǹjoʔo sɔ́lɔgɔ lè cɛɛri, Siiba wi pye lè Mefibosyɛti falipyew, a woro baa wi fàra ní jòfanibēle siin ní bele na yatɛ́ɛngéle pye lè, poro bele na búrubéle sirakele pye lè n fàra ɛrɛzɛnwaaɔ kɔgunɔyɔ dabata, ní nyùnbegèle nyɔ́ɔ yasanyaa dabata, ní dùvɛɛn kpàbi-nyɛ́nnɛ nibin na.

1 Fànʔafɔbèle 10:8

Mɔ syɛ́ɛnbèle i nyɛ dùba pìibēle, mɔ falipyebèle be yèré mɔ yɛ́ʔɛ ma ni mɔ sícilimi syɛ́ɛnrɛ lúro lè, pe i nyɛ dùba pìibēle.

Kàseegèle 22:29

Mɔ ga nànwaa nyaa wee wi cìlige wi fáliw pyele ni lè wi a yére fànʔafɔɔlɔ yɛ́ʔɛ ma. Wi a yére yébilimɛ syɛ̀ɛnnɛ yɛ́ʔɛ ma í.

Kàseegèle 27:25

Nyàásigi i láari a nyàápungi i yirigi, á nyanbeleyi nyàā fàari n kpóʔoro.

Ezayi 16:9

Koro na mii i nyaan Sibima ɛrɛzɛn ségi kéele na àmɛɛ Yayezɛɛri nyaan gi kéeli na lè, mii a yele kaan yele í gbaa mii nyatinmi na, Hɛsyibɔn, ní Eleyale, níì cán kapɛɛnnɛ sùpile i wáa mɔ ségi yaliire, ní mɔ yaliilaari na.

Zyeremii 35:19

gee bee kéele na, Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, wi n syɛ́ɛnri naa joo níì jo: Erekabi jáaw Yonadabi a tée fɔ̀n yòdaʔaya ni, yee yi a ra yèré mii yɛ́ʔɛ ma lè í.› »

Zyeremii 39:10

Kàjáa bele be pye lè syɛ́ɛnbèle ni fɔ̌ngi fɔ̀ɔlɔ, bele be pye lè yafyɛn o nyɛ be ma í, a gáridibèle kùndigi Nebuzaradan poro pèle yaʔa be kòro yaà Zyuda tári ni, níì Ɛrɛzɛn séye, ní seye kaan be ma cángi bee na.

Zyeremii 40:12

A Zyefubèle myɛ yìri yaà tɛ́ɛyi myɛ ma, yee má pe da cariga n kári lè, a be lúru n pan Zyuda tári ma Gedaliya ma Misipa ma. Pe maa tɔ̀nɔ n dùvɛɛn saʔa ní yasannɛʔɛrɛ yaliilaara kpéʔele.

Zyeremii 40:6

A Zyeremii kári Gedaliya ma, wi lè Ahikami jáaw, Misipa ma, ní sáà kòro ní wi ní syɛ́ɛnbèle nínge ni pe da kòro tári ni lè.

Zyeremii 43:5

A Kareya jáaw Yohanan, ní kapɛɛnkpumɔn-kùndigibèle myɛ Zyuda wogorobèle myɛ kɔ́ri n kári, poro bele pe da cariga n kári syɛɛnfeleyi myɛ nínge ni lè, ní kɔ́ɔ̀ lúru n pan bi ba tɛ́ɛn Zyuda tári ni,

Zyeremii 48:32

Sibima ɛrɛzɛn séʔe, mii i nyaan mɔ kéeli na n sɔ̀lɔ Yayezɛɛri wóli na, mɔ káganyi maa nan sólomi lɔ̀ʔɔ jelige na. Yi maa nan Yayezɛɛri sólomi lɔ̀ʔɔ na. Kálagifɔw n baa too mɔ yaliilaari ní mɔ ɛrɛzɛnw cɛnɛnɛ na.

Misye 7:1

Wɔʔɔlɔ i nyɛ mii na! Níì cán mii i nyɛ àmɛɛ yasanjɔɔɔ nyɛ lè, ní àmɛɛ ɛrɛzɛnkɔrɔ caafɔlɔ nyɛ lè ɛrɛzɛnw cɛnɛgwɔɔlɔ kadoʔo ma, ɛrɛzɛn-jɔnjɔnyɔ ga níì kòro yaà syɔɔn í lìi í, děsyaanvɔ́ngi bee láa gi nyɛ mii na lè, ki ní o yaà í.

Luki 21:36

Ye kòro nyɛ̀nɛ na làrigèle myɛ ni, yáā Kolocɔlɔɔ nyɛ́ɛri, koro ga pye yele í ba fànʔa taa bi syɔɔ kérigèle bee myɛ ma ge maa lè, si taa bi yére Syɔɔn-pya yɛ́ʔɛ ma.»

Làlwaw Kaanziin 1:38

Nun jáaw Zyozuwe, woro wee wi báara mɔ ma lè, woro wi a jée di ni. Lòmaana le wi ni, níì cán woro wi a Isirayɛli ye kaan be tári bee kɔ́rigɔ lìi.

Làlwaw Kaanziin 16:13

«Mɔ a ra Kpáagèle Láara Tɛ́ɛnnɛ fɛ́tii kpéʔele canya kɔrɔsiin fúngo ni lǎli ni mɔ ga yaliiri sàn n kwɔ́ɔ mɔ kasyɔɔgi na lè, níì ɛrɛzɛnw nùgu n kwɔ́ɔ lè mɔ ɛrɛzɛnw tɛɛnùgugo ni.