Zyeremii 4:9 - Cebaara Bible 2010

⁹ Yawe n jo: «Cángi bee na fànʔafɔw ní syɛɛnkpolobèle báriga a kwɔ́ɔ, sáriga-wòlobèle a curugo, kanyaajoobèle fúnyo a nyáʔami.»

Zyeremii 4:9 Iomraidhean Croise

2 Fànʔafɔbèle 25:4

a be weʔe fùru kěgi tò na. A fànʔafɔw yiri ni fé yébiligi ni, woro ní syɛ́ɛnbèle myɛ be pye lè kapɛɛnkpumɔnbèle n kpàánweeli kólogo láa ni syée gúnyi siin lariga ni fànʔafɔw nángwɔɔ taana. Koro n gi taa Kalide ye maa kěgi le nínge. A wi Araba kólogi láa ni syée.

Ŋúnuyi 102:4

Níì cán mii sìíw canya i kwóo àmɛɛ wírige nyɛ lè, mii kaceleyi i sóori àmɛɛ naà kàjenyungo nyɛ lè.

Ezayi 19:16

Cángi bee na, Ezyipiti ye a pye àmɛɛ càbala nyɛ lè, pe a ra cɛ̀lɛ́ sáā fɛ̀ɛgí Nyɛ̀ʔɛni Sùlasiibéle Kafɔlɔ Yawe kɔ́gi nyáʔanana kéele na, lǎli ni wi a gi yìrige be kánmi na lè.

Ezayi 19:3

Ezyipiti bárigaw a kwɔ́ɔ wi fúngi ni, mii a wi katimanagèle kálagi. Pe a ra kolocɔlɔ-fáanabèle, ní kúyibebèle, ní sàndoobèle, ní kacánbèle yíbe.

Ezayi 28:19

Lǎlee faala ni ki ga sɔ̀lɔ lè ki a yele cò. Ki a ra sɔ̀lɔ́ nyɛ̀ʔɛ nyɔ́ɔ o nyɛ̀ʔɛ nyɔ́ɔ na, ní cángi, ní yébiligi ni. Ki tǐnmi lóʔolo yagana a pye fyáakpɔɔrɔ.»

Zyeremii 2:26

Amɛɛ fɛ̀ɛrɛ kàyuuo taagi lǎli ni pe ga wi taa n cò lè, kánmi bee na fɛ̀ɛrɛ bele taa be nyɛ lè Isirayɛli kpáagi wòolo, poro ní be fànʔafɔbèle, ní be syɛɛnkpolobèle, ní be sáriga-wòlobèle, ní be kanyaajoobèle.

Zyeremii 25:34

Bànaʔabèle, yaa cɛ́ɛn, yaa yákpogèle wáa! Yaa kòlogí tári na yele bele ye kínigi yaweeri yɛ́ʔɛ na lè! Níì cán cányi n nan, yee ni pe a yele kɔnɔgi lè, si yele cariga. Yele a too àmɛɛ yalejanga nyɛ gi too lè.

Zyeremii 37:19

Sán yele kanyaajoobèle nyɛ, bele pe da ni gi nyuu yele ma lè níì jo: ‹Babilɔni fànʔafɔw a pan yele kánmi na í, wàlá tári naa kánma na í?›

Zyeremii 48:41

Pe n fànʔa taa Keriyɔti na, kèniriyi n láʔa yaà, Mowabi nànniribèle fúnyo si i nyɛ cángi bee àmɛɛ cɔlɔɔ wóʔo nyɛ, wee wi nyɛ seeli na lè.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Zyeremii 52:7

a be weʔe fùru kěgi tò na. A fànʔafɔw yiri ni fé yébiligi ni woro ní syɛ́ɛnbèle myɛ be pye lè kapɛɛnkpumɔnbèle n kpàánweeli kólogo láa ni syée gúnyi siin lariga ni fànʔafɔw nángwɔɔ taana. Koro n gi taa Kalide ye maa kěgi le nínge. A be Araba kólogi láa ni syée.

Kapyegèle 13:41

‹Ye wéle, yele bele ye mii faari lè, yele a tɔ̀nɔ́ káama keelaa na si kùu, níì cán mii a kéeli bee kpéʔele yele sìíw canya ni, àlí wàa ga maa li joo yele ma, yele a dée tága gi na í.› »