Zyeremii 4:8 - Cebaara Bible 2010

⁸ Koro na ye gɔ̀nvaʔaya le buroyo, ye pye kùu káyaʔa na yaa nyaan yaa peele. Níì cán Yawe fundanʔari káfugbanga a tée láʔa wolo na í.

Zyeremii 4:8 Iomraidhean Croise

Ŋúnuyi 78:49

Wi n wi fundanʔagbɔɔri cáan be na, ti lè fúngi yìrile, ní fundanʔaw, ní kálagili, àmɛɛ nyɛ̀ʔɛni tundunbéle gboolo galagí nyɛ lè.

Ezayi 10:4

Yafyɛn a ní kòro í, kapye bi yeyɛɛ kùru ní wojobèle ní ban í, ní kapye bi too ní wogboobèle ní ban í. Alí koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 13:6

Yaa nyaan yaa peele, níì cán Yawe cángi n nùuni, ki i maa àmɛɛ kálagigbɔɔlɔ nyɛ, lee li yìri Séew Myɛ Kafɔlɔ ma lè.

Ezayi 22:12

Kàfɔw wi lè Nyɛ̀ʔɛni Sùlasiibéle Kafɔlɔ Yawe, wi maa ni yele yiri cángi bee na níì jo yele í da nyaan bàā peele, si yele nyúnyi kùnu, si gɔ̀nvaʔaya tɛ́ʔɛ bi yeyɛɛ bwɔɔ sárigèle ni.

Ezayi 32:11

Cébèle, yele bele ye nyɛ lè kasɔngunɔ fun, yaa fɛ̀ɛgí gbanʔama! Cébèle, yele bele ye tága yeyɛɛ na lè yaa cɛ̀lɛ́! Ye yele búroyi wòlo, ye pye cepyá, yé sɛntiiribéle pwɔɔ yele sárigèle ni!

Ezayi 5:25

Koro na Yawe fundanʔari cò naà wi syɛ́ɛnbèle kánma na, a wi kɔ́gi sánʔa be kánmi na n be kpúmɔn. Nyanbeleyi i cɛ̀lɛ́, kúbèle si i nyɛ àmɛɛ kànyaʔara nyɛ lè kàlari-kóloyi ni. Koro ní gi myɛ ní, wi fundanʔari ga láʔa í, wi kɔ́gi sèʔé i nyɛ wozánʔaga ní.

Ezayi 9:12

Syɛ́ɛnbèle a lúru pan, wee má wi be kpúmɔn lè í, pe a ra Nyɛ̀ʔɛni Sùlasiibéle Kafɔlɔ Yawe caa í.

Ezayi 9:17

Péemi tɔ̀nɔ́ i sórigolo kpéʔele àmɛɛ naà nyɛ lè, gee gi wúuro tiipiiye, ní wúuro tírire sórogi lè. Ki i có kɔ́ligi tiipiire na, a di wíritɔnɔgi i yìrigí ni syée ǹjogi ni.

Zyeremii 25:34

Bànaʔabèle, yaa cɛ́ɛn, yaa yákpogèle wáa! Yaa kòlogí tári na yele bele ye kínigi yaweeri yɛ́ʔɛ na lè! Níì cán cányi n nan, yee ni pe a yele kɔnɔgi lè, si yele cariga. Yele a too àmɛɛ yalejanga nyɛ gi too lè.

Zyeremii 30:24

Yawe fundanʔari káfugbanga a tée kolo lúru í, fwɔɔ bi taa wi ba di foro, bi taa wi wi fúngi katimanagéle foro. Làrigèle kwɔ́ɔmɔ na, yele a gi kɔ́rɔw cán.

Zyeremii 48:20

Fɛ̀ɛrɛ n Mowabi taa, àmɛɛ wi kpúmɔn n cáan lè. Yaa cɛ́ɛn yaa yákpogèle wáa! Yaa gi jáari Arinɔn nyɔ́ɔgi na ye jo: Mowabi n kálagi!

Zyeremii 6:26

Mii syɛ́ɛnbèle calipile, gɔ̀nvaʔaga le burogo, máā kòlogí cɔ́ɔngi ni, pye kùu káyaʔa na móō pìinibinge kuugo gii, máā nyaan maa peele gbanʔama! Níì cán kálagifɔw i maa ba pàla bi too wolo na.

Kayaagi Nyɛnigɛ 1:12

Yele bele myɛ ye sɔ̀lɔ́ kólogi ni lè ki felege ga kɔ́ɔ̀ kpéʔele yele na í. Ye wéle, ye gi nyaa, kapye mii wɔ́ʔɔgi félege i beè, koro gee gi taʔa mii na lè, gee Yawe taʔa mii na lè wi fundanʔari káfugbanga canʔa na.

Ezekyɛli 21:12

Pe ga mɔ pye: ‹Nyàʔá na mɔ cɛ́ɛn?› Mɔ a be yari: ‹Níì cán syɛɛnrɛ di maa. Fúnyi myɛ a ba ra nyaan, kɔ́yi myɛ fànʔa a kwɔ́ɔ, pìígèle myɛ a ra fíigi, yégunyi myɛ a ba nyan bi pye lɔ̀ʔɔ, toro di maa dee, ti n nan naa!› » Kàfɔw Yawe wi jo nya.

Ezekyɛli 30:2

«Syɔɔn-pya, kérigèle nyaa mi joo mí jo: ‹Kàfɔw Yawe wi syɛ́ɛnri naa joo níì jo: Yaa nyaan yaa peele yé jo: Ee, cânbeʔe!

Zyowɛli 1:13

Sáriga-wòlobèle, ye gɔ̀nvaʔaya le buroyo, yé pye kùu káyaʔa na! Yele sáriga-wòlo-yafaangi falipyebèlē, yaa nyaan yaa peele! Mii Kolocɔlɔw falipyebèlē, yaa maa, ye syɔ́ɔn ní gɔ̀nvaʔayi búroyo ní yeyɛɛ na! Níì cán míimi yakanʔa, ní sáriga-yólogow n kólogo yele Kolocɔlɔw kpaʔa ni.

Amɔsi 8:10

«Mii a yele fɛ́tiibèle kàriga kùu káyaʔa, yele ŋúnuyi myɛ si kàri kayaʔa nyɛnigɛ, mii a syɛ́ɛnbèle myɛ pwɔɔ sárigèle ni ní gɔ̀nvaʔaya ní, si nyǔnyi myɛ folo. Mii a tári lége kùu káyaʔa ni, ki a pye àmɛɛ syɔɔn gáā nyaan lè wi pìinibinge kuu kéele na. Ti kwɔ́ɔganmi a tɔ̀nɔ́ ba pye cangbanga.

Misye 1:16

Mɔ njoori kɔ́nɔgi, nyùnjɛɛli kpoori mɔ piinidaanmabèle kéele na! Ki n yɛlɛ mi tɔ̀nɔ mi miyɛɛ kàriga nyùngbowaala fɔ́lɔ àmɛɛ kàcɔʔɔgɔ nyɛ lè, níì cán pe a be cò bi kári púlori na bi léeli mɔ na.

Córolo 25:4

A Yawe gi joo Mowizi ma níì wi pye: «Syɛ́ɛnbèle kùndigibéle myɛ cò mi cɔ̀rɔ Yawe yɛ́ʔɛ ma, cángi na, koro ga pye Yawe fundanʔagbɔɔri í lúru Isirayɛli kurugo.»