Zyeremii 4:7 - Cebaara Bible 2010

⁷ Càaraw n ye n yiri wi tɛɛlàragi ni, syɛɛnfeleyi kálagifɔlɔ i nyɛ n kwɔ́ɔ tánʔani na, wi n yiri n kwɔ́ɔ wi tɛɛkòrogi ni bi mɔ tári kálagi. Mɔ keyi a pye kataya, syɛ̀ɛnnɛ a ní pye yi ni í.

Zyeremii 4:7 Iomraidhean Croise

2 Fànʔafɔbèle 24:1

Woro lǎli ni Babilɔni fànʔafɔw Nebukadinezari yìri kapɛɛnnɛ kánma na. A Yehoyakimi wiyɛɛ gaan wi ma yɛ̀ʔɛlɛ taanri fúngo ni, kàjáa ní níì wi cée.

2 Fànʔafɔbèle 25:1

Sedesyasi fǎngi yɛ̀ʔɛlɛ kpanjɛrɛ wólo na, yɛ́ɛli yeye kɛɛ wóʔo ki canya kɛɛ wógi na, a Babilɔni fànʔafɔw Nebukadinezari ní wi kapɛɛnkpumɔnbèle myɛ pan Zyerusalɛmi kánmi na ní baa tɛ́ɛn gi taana níì tɛɛ̀lúgugéle sámaga gi kánmi na.

Ezayi 1:7

Yele tári n kòro syɔɔn fun, naà n yele kěyi sórigo. Nibɔɔnnɔ i yele tári yafálara líi yele nyɛ́nɛ na. Wɔʔɔlɔ lii, àmɛɛ gàlagí nyɛ, wee nibɔɔnnɔ kpéʔele lè.

Ezayi 5:9

Gee naa Nyɛ̀ʔɛni Sùlasiibéle Kafɔlɔ Yawe joo n kàli mii líiyi taana, wi n jo: «Kàkabalaga o nyɛ gi na í, kpaanɛʔɛyi naa a tɔ̀nɔ́ kàri gurubɛɛrɛ, syɔɔn faala a ní tɛ́ɛn kpaakpolocǎnyi naa ni í.

Ezayi 6:11

A mii jo: «Fwɔɔ bi ba nan làlìí na Kàfɔw?» A wi mii yari: «Fwɔɔ bi taa kěyi í ba kálagi bi pye syɛɛnnɛ fun, kpáayi í pye syɛ̀ɛnnɛ fun, tári í kálagi péw.

Zyeremii 2:15

Càarabiiye i kaana wi na, ni yákpogèle wáa, ní i wi tári kálagi. Wi kěyi n sógi. Syɛ̀ɛnnɛ ní o yi ni í.

Zyeremii 22:6

Níì cán Yawe wi syɛ́ɛnri naa joo Zyuda fànʔafɔw kpaʔa kéele na níì jo: «Mɔ i nyɛ mii ma àmɛɛ Galaadi nyɛ lè, ní àmɛɛ Liban ǹjogi nyɛ lè. Kàjáa mii si a tɔ̀nɔ́ mɔ pye fìimɛ tára, ní syɛ̀ɛnnɛ fun keye.

Zyeremii 22:7

Mii a kálagifɔɔlɔ nyɛ́nɛ wòlo mɔ kánmi na, pe myɛ nibin nibin a pye ní be kapɛɛnkpumɔn-yárira ní. Pe a mɔ sɛdiri tiicandeleri kpúmɔn, si di wáa náagi ni.

Zyeremii 25:38

Wi n wi tɛɛkòrogi yaʔa àmɛɛ càaraɔ nyɛ, wee wi wi tɛɛlàragi yaʔa lè. Níì cán pe tári n kàri tɛɛ̀kalagiga kálagifɔw fundanʔagbɔɔrɔ, ní wi fundanʔari káfugbanga báriga ni.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 26:9

Nyàʔá na mɔ kérigèle nyaagi ni nyuu Yawe mɛ́ɛgi na níì jo: Kpáagi naa a pye àmɛɛ Silo nyɛ lè, kěgi naa si jaa bi pye syɛ̀ɛnnɛ fun?» A syɛ́ɛnbèle myɛ tìn n kpóʔoro Zyeremii na n wi màʔa Yawe kpáagi ni.

Zyeremii 27:8

Syɛɛnfelegaa, wàlá fàngaa ga pye ki ga kiyɛɛ gaan Nebukadinezari ma í, wi lè Babilɔni fànʔafɔw, n gi yátiigi kaan Babilɔni fànʔafɔw zúu ma í, mii a keele tɛ́ʔɛ syɛɛnfelegi bee na ní ŋɔséew, ní kateekpɔɔgi, ní káfalagi yáama ní, Yawe wi jo nya, fwɔɔ bi taa mii í gi kwɔ́ɔ yirige yaà ní wi kɔ́gi ní.

Zyeremii 33:10

Yawe wi syɛ́ɛnri naa joo níì jo: ‹Tɛ́ɛgee kéele na yele gi nyuu lè níì jo: Ki i nyɛ gurubɛɛrɛ syɛ̀ɛnnɛ ní o nyɛ gi ni í, yaweere ní o nyɛ gi ni í, Zyuda kěyi, ní Zyerusalɛmi kàlari-kóloyi ni, yi nyɛ lè wowaaya ní, nànbēle fun ni, syɛ̀ɛnnɛ ní yaweere ní o yaà í, pe a ní da gee naa lúro gi ni,

Zyeremii 34:22

Wéle, mii a gi joo gbàn be ma, Yawe wi jo nya, mii a be lúrugo be pan kěgi naa kurugo, jàngó pe ba too gi na bi gi syɔɔ taa, si gi sórigo ní naà ní. Mii a Zyuda kěyi kàriga tɛɛ̀kalagiga syɛ̀ɛnnɛ fun tɛ́ʔɛ.› »

Zyeremii 4:29

Kěgi myɛ i fé syɔ́ɔnyi fɔ̀ɔlɔ, ní sedeŋɔɔbèle kàfulogo na. Pe i jǐn kɔliyi ni, pe i lúru fálayi na. Kěgi myɛ n yaʔa, syɛ̀ɛnnɛ ní o nyɛ gi ni í.

Zyeremii 44:2

«Yawe wi lè Nyɛ̀ʔɛni Sùlasiibéle Kafɔlɔ, Isirayɛli Kolocɔlɔw, woro wi syɛ́ɛnri naa joo níì jo: ‹Yele n kapeeyi myɛ nyaa, yee mii yaʔa a yi nan Zyerusalɛmi, ní Zyuda kěyi myɛ na lè. Wéle, níjanʔa yafyɛn ga níì kòro yi ni kapye gurubɛɛrɛ ban í, syɛ̀ɛnnɛ si ní o yaà í,

Zyeremii 46:18

‹Mii woweew mɛ́ʔɛ na,› Fànʔafɔw wi jo nya, woro wee be yiri lè Yawe, wi lè Nyɛ̀ʔɛni Sùlasiibéle Kafɔlɔ, ‹wàa a pan àmɛɛ Tabɔɔri nyanbelegi nyɛ lè nyanbeleyi nínge ni, àmɛɛ Karimɛli nyanbelegi nyɛ lè sólomi lɔ̀ʔɔ nyɔ́ɔ na.

Zyeremii 49:19

Wéle, àmɛɛ càaraɔ nyɛ, wee wi yirigi Zyuridɛn tɛɛ̀tɔ́nyi ni lè ni syée tɛɛkòrogi ma, gee gi nyɔɔ lè. Mii a Edɔmi yaʔa wi fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn mii yeri kútii na? Bànaʔawìí wi nyɛ bi gbǎn soro yére mii yɛ́ʔɛ ma?»

Zyeremii 5:6

Koro na kɔligi càaraɔ tuun be na, tɛɛfiiyi gbàʔā i be sulugu sulugu. Sèdew i làrá be kěyi taana ni be sigi, bele myɛ pe ga ni yirigi yi ni lè, pe a sulugu sulugu. Níì cán be céemi kèlē n nɛʔɛ. Kàa n fàra pe námara kérigèle na.

Zyeremii 50:17

Isirayɛli i nyɛ bàpuunio, wee càarabèle nɛnɛ lè. Asirii fànʔafɔw wi wí káa wozeliw. Wee si wi pye lè wozanw n wi kaceleyi kabagi, woro wi nyɛ Babilɔni fànʔafɔw Nebukadinezari.»

Zyeremii 50:44

Wéle, àmɛɛ càaraɔ nyɛ, wee wi yirigi Zyuridɛnw tɛɛ̀tɔ́nyɔ ni lè ni syée tɛɛkòrogi ma, gee gi lè ki a gbǎn kálagi í. Mii a be yaʔa be fàn bi núngo yaà làla nibin ni, si wi télege yaà, wee mii nyɛ́nɛ n wòlo lè. Níì cán wìí wi nyɛ mii félege? Wìí wi a gbǎn keele cɔɔnriganma tɛ̀ɛn mii na? Bànaʔawìí wi nyɛ bi gbǎn soro yére mii yɛ́ʔɛ ma?»

Zyeremii 8:16

Wi syɔ́ɔnyi fúlomɔ i lúro Dan kàbangi na, yi kàfulogi i tári myɛ cɛ̀lɛ́. Yi i maa, yi i tári, ní di fúngi yárira líi, ní kěgi ní gi tɛ́ɛnfɔbèle.

Zyeremii 9:11

Wìí wi nyɛ síciliw, wee wi kérigèle bee kɔ́rɔ cán lè? Wee má Yawe nyɔ́ɔgi joo lè, wi gi joo! Nyàʔá na tári pùuni n sógi n pye àmɛɛ fìimɛ tára nyɛ lè, beè lè syɔɔn faala ní o sɔ̀lɔ́ í?

Ezekyɛli 12:20

Syɛɛnnɛʔɛmi kèye a pye gurubɛɛrɛ, tári í kàri tɛɛ̀kalagiga. Yele a gi cán bi cán mii wi nyɛ Yawe.› »

Ezekyɛli 21:31

Kàfɔw Yawe wi syɛ́ɛnri naa joo níì jo: Nyùnbwɔɔgi a láʔa yaà, fànʔafɔ-nyùndɔnni a kɔ́n, kérigèle myɛ a fàli, wee wi tìgi táàma lè wi a yìri ǹjoʔo ma, wee wi yìri ǹjoʔo ma lè, wi a tìgi táàma.

Ezekyɛli 32:2

«Syɔɔn-pya, funbɛɛnrɛ ŋúnugo ŋùu Faraɔnw kéele na, Ezyipiti fànʔafɔw! Mɔ a wi pye: ‹Mɔ maa pye àmɛɛ càarabɔ-yɛlɛɔ nyɛ lè syɛɛnfeleyi nínge ni. Mɔ maa pye àmɛɛ wócɔɔn nyɛ lè sólomi lòyo ni, mɔ maa ni yegi ni jǐn mɔ cábiyi ni, mɔ maa ni lǒyi nɔ́nʔɔrɔ ní mɔ tɔ́lɔyi ní, mɔ maa ni yi kùnguruyi fúugu,

Danyɛli 5:19

Kpɔʔɔgbɔɔri ti da kaan wi ma lè syɛ́ɛnbèle myɛ, ní syɛɛnfeleyi myɛ, ní syɛɛnfeleri joofɔɔlɔ myɛ maa ni fɛ̀ɛgí wi na, ní i cɛ̀lɛ́ wi yɛʔɛ̀ ma dee bee kéele na. Wi maa ni be kúu, bele wi caa bi kpóo lè, ní i be yaari sìi na, bele wi caa bi yaʔa lè, ní i be kpólogi, bele wi caa bi kpólo lè, ní i be cɛ́rɛgi, bele wi caa bi cɛ́rɛ lè.

Danyɛli 7:4

Wozeligi maa pye àmɛɛ càaraɔ nyɛ lè, ní i nyɛ ní nyɔɔ̀ fókaanya ní. N mii yaʔa gi wéleli na, a mii gi nyaa a pe baa fókaanyi kíle n láʔa gi na, níì gi yìrige n láʔa tári na, níì gi yérige gi tɔ́lɔyi siin na àmɛɛ syɔɔn nyɛ lè, á syɔɔn fúngo kaan gi ma.

Levii ye sáriga-wòlori 26:31

Mii a yele kèkpoloyi kàriga kataya. Mii a yele tɛɛcǎnyi kálagi. Mii a ní fɔ̀lɔ́ ra yele nùndaanni yárira núngo syoo í.

Levii ye sáriga-wòlori 26:33

Mii a yele cariga bi tórigo syɛɛnfeleyi nínge ni, si ŋɔséew kɔ́n bi taʔa yele na. Yele tári a kòro wowaara ní. Yele kèkpoloyi a kòro kataya.