Zyeremii 4:6 - Cebaara Bible 2010

⁶ Ye dìrapo yìrige Siyɔn kàbangi na, yaa fé, yele a kɔ́ yére í! Níì cán mii n wɔʔɔgɔ yìrige solomɔkulo ma ki i maa, kálagigbɔ́ɔlɔ lii.»

Zyeremii 4:6 Iomraidhean Croise

Ezayi 62:10

Ye yiri, ye yiri kpàánweegèle ni! Ye kologo sámaga syɛɛnfelegi ma! Ye gi wòlo, ye kólogi wòlo, ye kàdɛnɛri yirige yaà! Ye dìrapo yìrige syɛɛnfeleyi ǹjoʔo ni.

Zyeremii 10:22

Wo i kàfulogo lúro gee, ki i nyɛ tìngbɔɔmɔ, bee bi yìri solomɔkulo tári ma ni maa lè bi ba Zyuda kěyi kàriga tɛɛ̀kalagiga, ní gbàáyi tɛɛkòrogo.

Zyeremii 18:11

Ki joo tɔ́ɔliw ni Zyuda nǎnbèle, ní Zyerusalɛmi ye ma, mí be pye: ‹Yawe wi syɛ́ɛnri naa joo níì jo: Wéle, mii i wɔʔɔgɔ sámagi yele kánmi na, mii i yele kálagila kéele tímana. Ki n yɛlɛ ye myɛ nibin nibin í láʔa ye kóbeeyi na. Ye yele kóloyi ní yele nàʔami fàli.›

Zyeremii 21:7

Koro kàdoʔo ma Zyuda fànʔafɔw wi lè Sedesyasi, ní wi falipyebèle, ní syɛ́ɛnbèle bele pe ga kòro kěgi naa ni lè káfalagi yáama, ní ŋɔséew, ní kateekpɔɔgi kàdoʔo ma, mii a be le Babilɔni fànʔafɔw Nebukadinezari kɔ́yi ni, ní be nigoobèle kɔ́yɔ ni, ní bele kɔ́yɔ ni pe be sìikwɔɔri caa lè. Wi a be kpúmɔn kpóo ní ŋɔséew nyɔ́ɔ ní, nyinimɛ fun, ní cɔɔnrimɔ fun, ní tɔʔɔlɔmɔ fun,› Yawe wi jo nya.

Zyeremii 22:7

Mii a kálagifɔɔlɔ nyɛ́nɛ wòlo mɔ kánmi na, pe myɛ nibin nibin a pye ní be kapɛɛnkpumɔn-yárira ní. Pe a mɔ sɛdiri tiicandeleri kpúmɔn, si di wáa náagi ni.

Zyeremii 25:9

wéle, mii n tun pe sa solomɔkulo syɛ́ɛnbèle myɛ yeri bi pan,» Yawe wi jo nya, «ní Babilɔni fànʔafɔw Nebukadinezari, wi lè mii falipyew, mii a be yaʔa be pan tári naa kánma na, ní di syɛ́ɛnbèle kánma na, ní syɛɛnfeleyi naa myɛ kánma na yi di màʔa lè, bi ba be kálagi kwɔ́ɔ, bi be pye funwɔɔrɔ yáriga, ní faʔara yáriga, ní bàngwɔɔ yakalagiga.

Zyeremii 4:21

Làla jòorí mii a kòro bàā dìrapow nyaagi si wɔ́ɔ kòro bàā tòmaagi wìimɛ lúro?

Zyeremii 50:2

«Ye gi jáari syɛɛnfeleyi nínge ni, ye gi yaʔa pe gi lóʔo, ye dirapo yìrige! Ye gi yaʔa pe gi lóʔo, ye a kɔ́ gi làriga í! Ye jo: ‹Pe n fànʔa taa Babilɔni na! Fɛ̀ɛrɛ n Bɛli taa. Fyáakpɔɔrɔ n Merodaki cò. Fɛ̀ɛrɛ n wi ǹdedanyi taa, fyáakpɔɔrɔ n wi yasunyi cò.›

Zyeremii 50:22

Kapɛɛnnɛ yákpogéle i nyɛ tári ni! Kálagigbɔɔlɔ lii!

Zyeremii 51:12

Ye dirapo yìrige Babilɔni tǒbèle kánma na! Ye kàa fàra kpaàwelebèle na, ye kɔ̀rɔsiifɔɔlɔ télege, ye pèle làriga paa sigi. Níì cán kakɔrirɔlɔ i nyɛ Yawe ma, gee wi joo Babilɔni ye kánmi na lè, wi i gi forogi.

Zyeremii 51:27

Ye dìrapo yìrige tári ni! Ye tòmaagi wìi syɛɛnfeleyi nínge ni! Ye syɛɛnfeleye sámaga ye yaʔa Babilɔni kánmi na, ye Ararati, ní Minii, ní Asyikenazi fǎnyi yeri wi kánmi na! Ye sùlasiibéle córofɔɔlɔ télege wi kánmi na! Ye syɔɔnyɔ tórigo wi kurugo àmɛɛ kúdo dìndinge nyɛ lè!

Zyeremii 51:54

«Yákpolo i lúro Babilɔni ni, ní tìngbɔɔmɔ, Kalide ye tári ni!

Zyeremii 6:1

«Ye fàn ye yiri Zyerusalɛmi níngi ni, Bɛnzyamɛ syɛ́ɛnbèle, ye tòmaagi wìi Tekowa ni, ye dìrapo yìrige Bɛti-Hakerɛmi ni! Níì cán wɔʔɔlɔ, ní kálagigbɔɔlɔ n yìri solomɔkulo ma ni maa.

Zyeremii 6:22

Yawe wi syɛ́ɛnri naa joo níì jo: «Syɛɛnfelegaa wéle, gee gi yìri solomɔkulo tári ma ni maa lè, syɛɛnfele-nɛʔɛgɛ, gee gi yìri yaà tári láʔagéle ma lè.

Ezekyɛli 9:1

Koro kàdoʔo ma a wi yákpogbɔɔlɔ wáa mii líiyi taana níì jo: «Ye nùuni naa, yele bele ye a pye lè kěgi kpúmɔnfɔɔlɔ, ye myɛ nibin nibin, ní kálagi-mí-kwɔ́ɔli yakpumɔnyɔ ní kɔ́yi ni!»

Ezekyɛli 9:2

Wéle, a mii nànbēle kɔrɔni nyaa a be yìri solomɔkulo kàbangi ǹjoʔo ma kpàánweele ma ni maa, pe myɛ nibin nibin si i ní be gàlagíw pyele yakpaliya ní be kɔ́yi ni. Nànwaa n pye be níngi ni ní lɛn búrogo ní, lángirikpolo si i nyɛ wojɔrɔlɔ ní wi cèsiinyungi na. A be pan n baa yére kanyɛɛnri sáriga-wòlo-yafanʔa taana.

Sofonii 1:10

Cángi bee na yákpowáara a ra lúro yaà Fábèle kpàánweele ma, Yawe wi jo nya, sùpiire a ra lúro yaà kèyabifɔngi ma, kálagigbɔɔlɔ tinmɛ a ra lúro yaà dǎndamayi na.

Zakarii 6:6

Syɔɔnwɔɔyee na wòtorowee pwɔɔ lè, yoro i yirigi ni syée solomɔkulo tári kàbaan na. Syɔɔnfiiyi si i yirigi yee bee kurugo, á tɛɛ̀nyɔngɔ-nyɔngɔyi wóyo si i yirigi ni syée wòrogulo kàbangi na.