Zyeremii 4:5 - Cebaara Bible 2010

⁵ «Ye gee naa jáari Zyuda ni, ye gi joo ye tɛ̀ɛn Zyerusalɛmi ni! Yé jo: ‹Ye tòmaagi wìi tári ni!› Ye yákpogèle wáa gbanʔama, ye gi joo yé jo: ‹Ye yeyɛɛ gbóʔoro, wo kári wo sa jée kèniriyi ni!›

Zyeremii 4:5 Iomraidhean Croise

Ezayi 28:19

Lǎlee faala ni ki ga sɔ̀lɔ lè ki a yele cò. Ki a ra sɔ̀lɔ́ nyɛ̀ʔɛ nyɔ́ɔ o nyɛ̀ʔɛ nyɔ́ɔ na, ní cángi, ní yébiligi ni. Ki tǐnmi lóʔolo yagana a pye fyáakpɔɔrɔ.»

Zyeremii 11:2

«Ye joogaanni naa syɛ́ɛnrɛ lóʔo, ye di joo Zyuda nǎnbèle, ní Zyerusalɛmi ye ma!

Zyeremii 35:11

Lǎli ni Babilɔni fànʔafɔw Nebukadinezari lúgu n pan tári naa kánma na lè, a wolo gi joo níì jo: ‹Yaa maa wo kári Zyerusalɛmi ma, wo fàn Kalide ye kapɛɛnkpumɔnbèle, ní Sirii ye Kapɛɛnkpumɔnbèle na,› kánmi bee na wolo baa tɛ́ɛn Zyerusalɛmi ni.»

Zyeremii 5:20

«Ye gee naa jáari Zyakɔbi kpáagi wòolo ma. Ye gi yaʔa gi lóʔo Zyuda ni, ye jo:

Zyeremii 6:1

«Ye fàn ye yiri Zyerusalɛmi níngi ni, Bɛnzyamɛ syɛ́ɛnbèle, ye tòmaagi wìi Tekowa ni, ye dìrapo yìrige Bɛti-Hakerɛmi ni! Níì cán wɔʔɔlɔ, ní kálagigbɔɔlɔ n yìri solomɔkulo ma ni maa.

Zyeremii 8:14

Nyàʔá na wo kòro nya wodɛ́ɛnbéle ní? Ye yeyɛɛ gbóʔoro, yáā maa wo kári wo sa jée kèniriyi ni wo kùu yaà. Níì cán Yawe wolo Kolocɔlɔw n wolo kaan kùúw ma, wi i tɔnmɔ lɔ́ʔɔ kaangi wolo ma a wo i gbo. Níì cán wolo n kapeele pye Yawe na.

Zyeremii 9:12

Yawe n jo: «Koro n taa àmɛɛ pe mii làlwaw cée lè, woro wee mii da tɛ́ʔɛ pe yɛʔɛ̀ ma lè, koro n wɔ́ɔ̀ taa àmɛɛ gi nyɛ lè pe ga mii jóomi lóʔo í, ní àmɛɛ gi nyɛ lè pe ga tánʔa n yɛlɛ ní mii jóomi ní í.

Ezekyɛli 7:14

Pe i búruw wíi, kérigèle myɛ n sámaga n yaʔa, kàjáa wàa faala o syée kapɛɛnni na í. Níì cán mii fundanʔari fànʔa n folo n yiri be syɛɛnnɛʔɛmi kánma na.

Oze sɛ́bɛw 8:1

Tòmaagi taʔa nyɔ́ɔgi na. Nigoò i maa Yawe kpáagi kánma na àmɛɛ nyɔɔ̀ nyɛ lè. «Níì cán pe n mii joogaanni kálagi, pe n mii làlwaw cée.

Zyowɛli 2:1

Ye tòmaagi wìi Siyɔn ni! Yaa yákpolo wáa mii nyanbejǎngi na! Ki n yɛlɛ tári syɛ̀ɛnnɛ myɛ í da cɛ̀lɛ́! Níì cán Yawe cángi i maa, ncan ki n nùuni.

Amɔsi 3:6

A pe i kapɛɛnnɛ tòmaʔa wíi lé kàʔa ni syɛ́ɛnbèle í kòro sìnvyaa ni ? A wɔʔɔgɔ i tuun lé kàʔa na n gi yaʔa ki ga yìri Yawe ma í?

Amɔsi 3:8

Càaraw n kaana, wìí wi a kòro sìnvyaa ni? Kàfɔw Yawe n joo, wìí wi a kòro kanyaajoori sìngbeʔele ni?

Córolo 10:2

«Wálifiio búruwiibēle siin sámaga. Mɔ a be sámaga ní wálifiio saʔa ní, wee be kpúmɔn lè. Mɔ a ra be wíi syɛ́ɛnmi kpóʔorolo kéele na, ní syɛ́ɛnmi làrigárila ni.

Córolo 10:3

Pe ga be wìi lǎli ni lè syɛ́ɛnmi myɛ n yɛlɛ bi kpóʔoro mɔ ma Syɛ́ɛnmi Tɛɛfaraga fànikpaʔa kpaaweele na.

Zyozuwe 10:20

A Zyozuwe ní Isirayɛli ye tɔ̀nɔ n be kpóo saʔa n tɔ̀nɔ n be kálagi, fwɔɔ bele be fàn n syɔɔ be ni lè n sáà jée kèniriyi ni.