Zyeremii 4:4 - Cebaara Bible 2010

⁴ Ki n yɛlɛ ye yeyɛɛ kɛ́nɛ Yawe ma, ye yele fúnyi kɛ́nɛ, Zyuda nǎnbèle, ní Zyerusalɛmi ye, koro ga pye mii fundanʔari a kɔ́ folo yiri àmɛɛ naà nyɛ, gee gi nyín lè í, bi pye wàa a gbǎn gi fígi í, yele péemi kapyere kéele na.

Zyeremii 4:4 Iomraidhean Croise

2 Cányi kèlē 34:25

Níì cán pe n mii yaʔa ní i nùndaanni yárira sórogi kolocɔlɔbèle pèle nikwɔɔlɔ ma bi mii fúngi tanʔa gbanʔama ní be kɔ́yi kapyegèlē myɛ ni. Mii fundanʔagbɔɔri n too n tɛ́ɛgi naa tɔ́n, ti a tée kwɔ́ɔ í.›

Ezayi 10:17

Isirayɛli Gbɛ̀ɛ́nmi a ba kàri naà, wi Wojanw si kàri naanyìnge, gee ki a wi wúuri, ní wi wúuri tiipiiye sórigo kwɔ́ɔ lè canʔa nibin ni.

Ezayi 30:33

Nlaa yaà booma ni kàjegbɔnnɔ n sámaga n kwɔ́ɔ, li n sámaga fànʔafɔw kéele na, li taanigi n cùru níì kpɔ́ʔɔ, beè náagi nyín lè, ní kàjenɛʔɛrɛ ní. Yawe nyɔ́ɔgi káfalaga i gi náagi nii àmɛɛ dìrigí-nɛʔɛɔ nyɛ lè.

Ezayi 51:17

Yìri ŋúnɔmi na, yìri ŋúnɔmi na! Yìri mi yére, Zyerusalɛmi, mɔ wee wi Yawe fundanʔagbɔɔri yagbaʔa syɔɔ wi kɔ́gi ni n gbaa lè, mɔ wee wi gbaa lè, mɔ wee wi yɛɛwɔɔw yagbaʔa gbaa n kwɔ́ɔ lè!

Zyeremii 15:14

Mii a mɔ kɔ́ri mɔ í sɔ̀lɔ bi kári ní mɔ nigoobèle ní, táraa ma, dee di lè mɔ ga di cán í, níì cán mii fundanʔari náa n le, ki i có yele kánmi na.»

Zyeremii 21:12

Davidi kpáagi wòolo! Yawe wi syɛ́ɛnri naa joo níì jo: Yaa kútiiw nyuu ní sínnɛ ní bi séli nyǐngi nyɔ́ɔ na, wee na be fǎngi gbàn lè, ye wi yirige wi wɔʔɔfɔw kɔ́yɔ ni, koro ga pye mii fundanʔari a kɔ́ folo cò àmɛɛ naà nyɛ lè bàā có bi pye syɔɔn a ní gbǎn di fígi í, yele nàʔabeemi kéele na.

Zyeremii 21:5

Mii tiimaa si kapɛɛnni kpúmɔn yele kánmi na, ní kɔzánʔaga, ní séekɔlɔ, ní fundanʔara, ní fundanʔagbɔɔrɔ ní, ní àmɛɛ mii fúngi tɔ̀nɔ n yìri lè gbanʔama.

Zyeremii 23:19

Wéle, Yawe káfalakpɔɔgi n yìri, fundanʔagbɔɔri n folo n yiri, káfala-bìngaʔa gii, ki i céregi syɛɛnpeebèle nyúnyo ni.

Zyeremii 36:7

Dɔ̀ʔɔ́ pe nyɛ́ɛrigbɔɔgi a nan Yawe na, pe myɛ nibin nibin si be kobeeyi yaʔa si lúru pan. Níì cán Yawe fundanʔari ní wi fúngi yìrile kéele li joo syɛ́ɛnbèle naa kánma na lè, ti n kpɔ́ʔɔ.»

Zyeremii 44:22

Yawe ga níì pye bi gbǎn gi kpàraco í, yele péemi nàʔabeemɛ kéele na, ní yanɔnʔɔri kéele na yele kpéʔele lè, a yele tári si kàri gurubɛɛrɛ, ní funwɔɔrɔ yáriga, ní dánga yáriga, syɛ̀ɛnnɛ fun ni àmɛɛ gi nyɛ lè níjanʔa.

Zyeremii 9:25

gee bee n jo Ezyipiti ye, ní Zyuda ye, ní Edɔmi ye, ní Amɔn ye, ní Mowabi ye, ní bele myɛ be bàʔajɔɔw cɛnɛ lè, be nyɛ lè fìími tára ni. Níì cán syɛɛnfeleyi bee myɛ i nyɛ sìngɛnɛbéle, á Isirayɛli kpáagi wòolo si i nyɛ sìngɛnɛbéle fúnyi ni.»

Kayaagi Nyɛnigɛ 4:11

Yawe n wi fundanʔagbɔɔri láa n sáà nan di láʔali na. Wi n wi káfugbangi fundanʔara sòʔo n wo. Wi n naà le Siyɔn ni, gee gi wi kàpɔɔnbèle sórigo lè.

Ezekyɛli 16:38

Mii a mɔ kútiiw ceri àmɛɛ be kanɔnʔɔbyecebèle kútii cɛnɛ lè, n fàra cébèle bele na be sìsyaanw ŋuu lè, mii a mɔ cáan sìnsyaan ni mii fundanʔagbɔɔri, ní mii yéjaagi báriga ni.

Ezekyɛli 18:31

Ye kapeeyi myɛ láʔa yeyɛɛ na ye wáa léelige, yee yele kpéʔele mii na lè, ye funvɔnyɔ ní pìifɔngéle le yeyɛɛ ni. Nyàʔá na gi yɛlɛ yele í kɔ́ kùu, Isirayɛli kpáagi wòolo?

Ezekyɛli 20:33

Mii woweew mɛ́ʔɛ na,› Kàfɔw Yawe wi jo nya, ‹mii a tɛ́ɛn fǎngi na yele nyúngi na, ní sée kɔ́lɔ, ní kɔ̂zánʔaga ní, ní mii fundanʔagbɔɔri ní mii a yàli lè.

Ezekyɛli 21:17

Da yákpoli wáa, máā nyaan maa peele, syɔɔn-pya! Níì cán wi n kɔ́n mii syɛ́ɛnbèle kánma na, ní Isirayɛli fànʔafɔbiigèle myɛ kánma na, pe n ge wáa ŋɔséew na ní mii syɛ́ɛnbèle ní, koro na da mɔ cesiinyungi kpúmɔn!

Ezekyɛli 24:13

Kapeegi i nyɛ mɔ nɔ́nʔɔri ni, mii maa ni caa bi mɔ jée mùnu, mɔ si ga miyɛɛ yaʔa a mɔ jée n mùnu n mɔ nɔ́nʔɔri láʔa í, koro na mɔ nɔ́nʔɔri a ní jée láʔa mɔ na í fwɔɔ bi taa mii í mii fundanʔagbɔɔri kèlē kpéʔele foro mɔ na.

Ezekyɛli 24:8

Mii si n sìsyaanw yaʔa fálawaagi na sìndɔn ni jàngó wi mii fundanʔagbɔɔri yìrige si gi yaʔa mii í mii gɔ̀lɔ́w wòlo.

Ezekyɛli 44:7

Yele n nibɔɔnnɔ lége mii tɛɛcǎngi ni, pe lè sìngɛ́nɛbéle fúnyi ni, ní sìngɛ́nɛbéle céri na, jàngó bi mii kpáagi córo yafaʔaga. Lǎli ni yele mii lìíli kaangi lè, li lè kaasǐnmi, ní sìsyaanw, a be mii joogaanni kálagi yele yanɔnʔɔyi myɛ kpéʔelele báriga ni.

Ezekyɛli 6:12

Wee wi ga léeli lè káfalagi yáama a wee bee kpóo, wee wi ga nùuni lè ŋɔséew a wee bee kpóo cáan, wee wi ga kòro lè kěgi ni, gee taana pe a tɛ́ɛn kapɛɛnni kánma na lè, kateekpɔɔgi a wee bee kpóo. Mii a tɔ̀nɔ́ gi pye be na fwɔɔ bi sa nan mii fundanʔagbɔɔri tɛɛ̀laʔala na.

Ezekyɛli 8:18

Mii wɔ́ɔgēle, mii fundanʔagbɔɔrɔtɔw a yarigaa pye. Mii a tée nyinimɛ nyaa í, mii a canmi-cɔɔnrigɔ kpéʔele í. Pe ga ni fúlo ni yákpogèle wáa mii líiweegèle taana, mii a lóʔo be ma í.»

Levii ye sáriga-wòlori 26:28

lǎli bee ni mii fundanʔaratɔw a wɔ́ɔ ra cáan ní yele ní. Mii a yele kóro ki tɛɛyɛ kɔrɔsiin yele kapeegèle kéele na.

Levii ye sáriga-wòlori 26:41

mii si a wɔ́ɔ ra cáan ní be ní, si be tórigo pe nigoobèle tára ma. Lǎli bee ni pe sìngɛ́nɛ fúnyi a yiyɛɛ jɛ́rɛ, pé be kolomi fwɔ́ɔlɔ tɔ́n.

Amɔsi 5:6

Yaa Yawe caa, yele a kòro sìi na, koro ga pye wi a kɔ́ cò Zyozɛfu kpáagi na àmɛɛ naà nyɛ lè bi gi sórigo í, syɔɔn faala si a kɔ́ taa Betɛli ni bi náagi bee fígi í.

Sofonii 2:2

sáni kajoo-mí-cerili í pàlá pan lè, sáni cángi bee í ba sɔ̀lɔ àmɛɛ sùweʔe nyɛ lè, sáni Yawe fundanʔari káfugbanga í ba too yele na lè, sáni Yawe fundanʔari canʔa í ba nan yele na lè!

Wɔrɔmi ye 2:25

Kɛ́nɛw tɔ̀nɔ́ i nyɛ yacanga mɔ ma kapye mɔ i Mowizi làlwaw kólogo táanri ki tánʔaganmi na. Kàjáa mɔ si ga pye mɔ o làlwaw bee kólogo táanri ki tánʔaganmi na í, mɔ i nyɛ àmɛɛ kɛ́nɛnaa-sìngbeʔeleo nyɛ lè.

Làlwaw Kaanziin 10:16

Koro na ye yele fúnyi kɛ́nɛ, yele a ní kɔ́ pye líiweepɛɛnnɛ syɛɛnnɛ í.

Làlwaw Kaanziin 30:6

Yawe mɔ Kolocɔlɔw a mɔ ní mɔ yodaʔayi kɛ́nɛ fúnyi ni, koro ga pye Yawe mɔ Kolocɔlɔw kéele í mɔ dɛ́nɛ ní mɔ zɔnw myɛ, ní mɔ fúngi myɛ ní, jàngó mɔ í kòro sìi na.

Làlwaw Kaanziin 32:22

Níì cán mii fundanʔari n cò naà, ki i sóori fwɔɔ n sáà jée kúbèle tɛɛkòrogo fúngo ni. Ki i tári ní di yafálari líile ni syée. Ki i có nyanbeleyi kàpɔɔnbēle na.

Kɔlɔsi ye 2:11

Woro ni be yele kɛ́nɛ, syɔɔn ban wi yele kɛ́nɛ í, kɛ́nɛw bee i nyɛ Kirisi wóo, gee bee n jo àmɛɛ syɔɔn a céri kínidɛnɛgɛ kele yaʔa lè.