Zyeremii 4:30 - Cebaara Bible 2010

³⁰ A mɔ, wogalagiɔ, nyàʔá mɔ a kpéʔele? Alí mɔ ga fàninyɛɛn-súruo le, àlí mɔ ga miyɛɛ vère ní tɛɛ̀ fèrere yárira ní, níì káliw taʔa mɔ nyapiigèle na, mɔ a miyɛɛ zámaga bi nyɔɔ gbanzan. Nǎnbèle bele mɔ kéeli da dɛ́nɛ lè, pe i mɔ faari, mɔ siikwɔɔri be caa.

Zyeremii 4:30 Iomraidhean Croise

2 Fànʔafɔbèle 9:30

A Zyehu baa jée Zyizireyɛli ni. A Zyezabɛli ga gi lóʔo, a wi káli le wi nyapiigèle ni níì wi nyúngi fère, níì kòro yaà ǹjogi ni, ní i wéle fɛ̀nɛtiriw na.

Kàseegèle 6:25

Wi nìjanri nyabɛɛnnɛ ga yɛlɛ bi pye mɔ fúngi ni í, wi nyapiiwelegèle a kɔ́ mɔ lɛ́ɛlɛ cò í.

Kàseegèle 7:10

Wéle, a cewaa baa wi fàra, níì kanɔnʔɔbyecɔɔ̀ yalere le, gbánama si i nyɛ wi fúngi ni.

Ezayi 10:3

Nyàʔá yele a pye kpúmɔnri canʔa na, ní kálagi-gbɔ́ɔli li a yìri léelige bi pan lè? Wìí má yele a fàn bi kári koro ga pye bi syɔɔlɔ taa, ní sán yele a yele lɔ́ri yaʔa?

Ezayi 20:6

Bele be nyɛ lè wodɛ́ɛnbéle ní lógbew naa na, poro a gi joo cángi bee na si jo: ‹Wéle, wee naa wi da tɔ̀nɔ n pye wolo sɔ̀ngumi tɛɛtaʔaga, ní wolo tɛɛlaragi jàngó bi wolo dɛ̀ɛmɛ, bi wolo syɔɔ Asirii fànʔafɔw ma! Mɛ̀ɛ́ si wolo a gbǎn syɔɔ bi sɛɛ?› »

Ezayi 33:14

Fyáara n kapeebyebèle cò Siyɔn ni. Kolocɔlɔɔ téefɔbèle i cɛ̀lɛ́. Wolo wìí wi a gbǎn tɛ́ɛn naà taana, gee gi sórigolo kpéʔele lè? Wolo wìí wi a gbǎn tɛ́ɛn bànvigi naàniganra taana?

Zyeremii 13:21

Nyàʔá mɔ a joo, lǎli ni pe ga pan ba keele tɛ́ʔɛ mɔ na lè, bele mɔ tiimaa da tama lè? A káagali a kòro lé li a too mɔ na í àmɛɛ cɔlɔɔ nyɛ wee wi nyɛ seeli na lè?

Zyeremii 22:23

Mɔ wee wi mɔ tɛɛkòrogi pye Liban na lè, mɔ wee wi mɔ zyaari tɛ́ʔɛ sɛdiri tíiri ni lè, mɔ a tɔ̀nɔ́ ba ra cɛ́ɛn lǎli ni wɔʔɔyi ga nan mɔ na lè, àmɛɛ cɔlɔɔ nyɛ, wee wi nyɛ seeli na lè.»

Zyeremii 30:14

Bele myɛ mɔ kéeli da dɛ́nɛ lè, pe n fɛ̀ʔɛ mɔ na, pe ní o mɔ caa í, ncan mii n mɔ kpúmɔn àmɛɛ nigoò kpúmɔn lè, mii n mɔ wɔʔɔ fungbanga ni, mɔ kakolobyeri nɛʔɛnɛ ní mɔ kapeegèle péemɛ kéele na.

Zyeremii 5:31

Kanyaajoobèle i kérigèle nyaagi ni nyuu ní jànvaa ní. Sáriga-wòlobèle i be có ni yaari peyɛɛ fǎngi láara ni, á gi mii syɛ́ɛnbèle dɛ́nɛ gi pye nya! Nyàʔá si yele a kpéʔele tári nyɛ̀ʔɛnaw kéele na?

Kayaagi Nyɛnigɛ 1:19

Bele mii kéeli da dɛ́nɛ lè mii n be yeri, a be mii jànváa. Mii sáriga-wòlobèle, ní mii wolɛɛbèle n kùu kěgi ni. Pe maa ni yaliire caa bi kaan be ma jàngó bi ní be sìíw le be ni.

Kayaagi Nyɛnigɛ 1:2

Ki i nyaan yébiligi ni, ki nyatinmi i fóo ni tíri ki bɛ̀ɛ́nyi na. Bele myɛ ki kéeli da dɛ́nɛ lè, pe wàa faala o gi kpɛʔɛlɛ í. Ki tàannyɛnbèle myɛ n gi jànváa, pe n baa kàri n pye ki nigoolo.

Kayaagi Nyɛnigɛ 4:17

Wolo nyapiigèle fànʔa maa ní ni kwóo ni syée gbanzan àmɛɛ wolo da ni dɛ̀ɛmɛni sige lè, wolo maa ni syɛɛnfelege sige, ni gi sige, gee gi lè ki ga wolo syɔɔ í.

Ezekyɛli 28:13

Mɔ maa pye Edɛn ni, wi lè Kolocɔlɔɔ nángwɔɔw. Lɔgbanri kàdɛɛngèlē féleye myɛ maa mɔ tɔ́n, ke lè wurubii, ní topazi, ní jaman, ní kirizoliiti, ní onikisi, ní zyasipi, ní safiiri, ní ɛsikaribukili, ní emerodi, ní tɛ́ɛw. Mɔ tamabèle ní mɔ máagèle maa pye mɔ fáliw na, toro maa sámaga yaà mɔ ma nlaa yaà mɔ cângbeʔelegi na.

Ezekyɛli 28:9

A mɔ a ní gi joo lé mɔ kpóofɔw yɛ́ʔɛ ma si jo: Mii i nyɛ kolocɔlɔɔ? Mɔ a kòro syɔɔn mɔ kpóofɔw kɔ́lɔ láara ni, mɔ a tée pye kolocɔlɔɔ í.

Abidyasi 1:7

Mɔ sogumɔ wóbèle myɛ n mɔ ŋɔrigɔ n lúrugo fwɔɔ n sáà nan láʔagologi na. Mɔ taanyɛnbèle n mɔ jànváa, pe n fànʔa taa mɔ na, pe n lìi mɔ búruw na, a koro pye mɔ na karinyanga. ‹Sícilimɛ ní o wi ni í,› (koro be nyuu).

Heburubèle 2:3

koro na wolo ga syɔɔli faʔa li lè wodeeli, mɛ̀ɛ́ wolo a syɔɔ wɔʔɔli ma bi sɛ́ɛ? Kàfɔw wi sélì syɔɔli bee kéele joo, á wi syɛɛnloʔobèle náà gi tɛ̀ɛn wolo na níì jo li i nyɛ kányɛʔɛ.

Tɛ̀ɛnnɛ 17:13

Pe i nyɛ fungo nibin na ní i be fǎngi, ní be séew kaangi yaweegi ma.

Tɛ̀ɛnnɛ 17:2

Tári fànʔafɔɔlɔ maa ni kanɔnʔɔri kpéʔele ní wi ní, a tári syɛ̀ɛnnɛ yɛ́ɛyɛ baa wɔ́ɔ be na wi kanɔnʔɔri dùvɛɛn gbaala kéele na.»

Tɛ̀ɛnnɛ 17:4

Céw bee maa fànʔafɔ-búrogo le n fàra fàninyɛɛɔn na, tɛɛ̀ vèʔebēle maa pye wi na, bele be nyɛ́ʔɛnɛ lè, n fàra lɔgbanra kadɛɛngèlē ní lɔgbanra kɔ́nɔtiriye na. A wi tɛɛ̀ yagbaala cò wi kɔ́gi ni, lee li nyìn lè Kolocɔlɔɔ kanibɛɛngèle, ní céw kanɔnʔɔrɔ yanɔnʔɔrɔ na.