Zyeremii 4:3 - Cebaara Bible 2010

³ Níì cán Yawe wi syɛ́ɛnri naa joo Zyuda nǎnbèle, ní Zyerusalɛmi ye ma níì jo: «Ye sefɔngɔ cáan yeyɛɛ ma. Yele a kɔ́ ra lùguri lúru wúuri nínge ni í.

Zyeremii 4:3 Iomraidhean Croise

Sélimɛ 3:18

Wúuro ní solovinge a wɔ́ɔ ra fíin di na mɔ ma. Séyi yafálara ti a pye mɔ yaliiri.

Yirile 23:11

Kàjáa yɛ̀ʔɛlɛ kɔrɔsiin wóli na, mɔ a tári yaʔa ti ŋɔ́n daa, mɔ a kɔ́ di fála í. Bele be nyɛ lè fɔ̀rɔgɔfɔbèle yele ni, poro ní sìnbirigi yaweere a ra wogorodi líi. Gee bee wonijanga mɔ a wɔ́ɔ kpéʔele ní mɔ ɛrɛzɛn ségi, ní mɔ olivye tíiri ní.

Oze sɛ́bɛw 10:12

Yaa sínni lùguro lúru, yáā funjǎngi yaliilaara kpéʔele, ye sefɔngɔ cáan yeyɛɛ ma! Yawe caali làla n nan fwɔɔ bi taa wi pan ba sínni yàli yele na.

Matye 13:22

Dee si di too lè wúuri tɛ́ʔɛ ni, koro gi nyɛ wee wi syɛ́ɛnri lóʔo lè, á dulunyanw naa kasɔngugēle ní lɔ́ri fáanaga baa yìri wi ma n syɛ́ɛnri tɔ́n, a di kòro wi ma tɔ̀nɔ fun.

Matye 13:7

A tàa níì too wúuro tɛ́ʔɛ ni, a wúuri yìri n di cò.

Mariki 4:7

A tàa too wúuro tɛ́ʔɛ ni, a wúuri yìri n di cò, ti ga gbàn n san í.

Luki 8:14

Dee si di too lè wúuri tɛ́ʔɛ ni, koro gi nyɛ bele be syɛ́ɛnri lóʔo lè, ní i syée yɛʔɛ̀ ma. Koro kàdoʔo ma dulunyanw naa kasɔngugēle, ní wi lɔ́ri, ní wi nyáanagbɛw kèlē n baa be sígi n yérige, pe yasanri a lɛɛ í.

Luki 8:7

A tàa too wúuro tɛ́ʔɛ ni. A wúuri pínɛ ni leegi ní di ní fwɔɔ n baa di cò.