Zyeremii 4:23 - Cebaara Bible 2010

²³ Mii n tári wéle, n gi nyaa ti i nyɛ sìnzamaga ni, yafyɛn ga pye yaà í. Nyɛ̀ʔɛgèle kàbaan ma, ke gbɛ̀ɛ́nmi ga pye yaà í.

Zyeremii 4:23 Iomraidhean Croise

Sélimɛ 1:2

Tári maa pye sìnzamaga ni, yarigaa da pye yaà í. Yébilimi maa lòkpɔɔ-cùrugi tɔ́n, Kolocɔlɔɔ Pǐli si i nyaari ni máari lǒgi ǹjoʔo ni.

Ezayi 13:10

Níì cán nyɛ̀ʔɛni ŋɔ́ripiigéle ní ŋɔrisyɔɔnw a ní ba nyaa í, cángi a ba kàri yébilimɛ bi séli ki làrivololi ni, yégi a ní fílige í.

Ezayi 5:30

Cángi bee na fúlolo a pye gi na àmɛɛ sólomi lɔ̀ʔɔ fúlomɔ nyɛ lè. Pe a ra tári wéle, wéle, ti a pye yébilimɛ, ní wɔʔɔgɔ, gbɛ̀ɛ́nmi a kàri yébilimɛ nyɛ̀ʔɛwɔɔli báriga ni.

Zyeremii 2:12

Nyɛ̀ʔɛgèle, yaa káama gee bee na, ye pye funwɔɔrɔ na, yáā fɛ̀ɛgí gbanʔama,» Yawe wi jo nya.

Zyeremii 9:10

«Mii a Zyerusalɛmi pye gurubɛɛtooyo, ní gbàáyi tɛɛlaraga, mii a Zyuda kěyi kàriga tɛɛ̀kalagiya, syɛ̀ɛnnɛ fun.»

Kayaagi Nyɛnigɛ 3:2

Wi n mii yɛ́ɛgi kíni, wi n mii tórigo yébilimi ni, gbɛ̀ɛ́nmi ni ban í.

Zyowɛli 2:10

Tári i cɛ̀lɛ́ pe yɛʔɛ̀ ma, a nyɛ̀ʔɛni cúngo, cángi, ní yégi i kàragí yébilimɛ, ŋɔripiigèle gbɛ̀ɛnmɛ i kwóo ni syée.

Amɔsi 8:9

Cángi bee na mii a gi yaʔa cángi í too lǎli ni ki ga tɛ́ɛn nyùngo ni lè, si tári kàriga yébiliwɔɔlɔ cânvulɛɛli làla ni,» Kàfɔw Yawe wi jo nya.

Zakarii 14:6

Cángi bee na gbɛ̀ɛnmɛ a pye yaà í, wéeri ní suniriw wi a pye yaà.

Matye 24:29

«Wɔʔɔli bee canya kàdoʔo ma, cángi a kàri yébilimɛ terire, yégi a ní fílige í, ŋɔripiigèle sáā yìrigí nyɛ̀ʔɛni na bi ba ra tuun tári na, nyɛ̀ʔɛni fàngboloyo a cúngo.

Matye 24:35

Nyɛ̀ʔɛni ní tári a kwɔ́ɔ, kàjáa mii syɛ́ɛnri a tɔ̀nɔ́ kwɔ́ɔ í.

Tɛ̀ɛnnɛ 20:11

A mii fàngolo nyaa, li maa kpɔ́ʔɔ níì fílige, wàa si i nyɛ li ni wodɛ́ɛɔn ní. Tári ní nyɛ̀ʔɛni maa ni fé wi yɛ́ɛgi na bi làra, kàjáa ti ga tɛɛlaraga taa í.