Zyeremii 4:22 - Cebaara Bible 2010

²² «Kányɛʔɛ na mii syɛ́ɛnbèle n dóli, pe ga mii cán í. Jaafɔ-labalaya yii, pe n fɔ̀n cánna ni. Kapeʔe pyele sícilimɛ yagana bi nyɛ be ma, kàjáa pe ga kacànna pyeganma cán í.»

Zyeremii 4:22 Iomraidhean Croise

Sélimɛ 39:16

A wi si Zyozɛfu búrogi tɛ́ʔɛ wiyɛɛ daana n taa a wi kàfɔw yìri yaà n lúru n pan kpaʔa ma.

2 Samyɛli 13:3

Tàannyɛnnɛ si maa pye Aminɔn ma, pe i wi yiri Yehonadabi. Davidi senyɛnw Syimeya jáa wi pye. Yehonadabi si maa tɔ̀nɔ n cìlige gbanʔama.

Ŋúnuyi 36:3

Níì cán wi i wiyɛɛ sòoló bi gi tɛ̀ɛn woro o nyɛ kakolobyeo í, jàngó faʔara a kɔ́ too woro na í.

Ŋúnuyi 36:4

Wi nyɔɔsyɛɛnri i nyɛ námara ní fáanaga, wi n láʔa sícilimi ní kacànbyeri na.

Ŋúnuyi 53:4

Pe myɛ n wàli n léeli, pe n pínɛ n kálagi. Syɔɔn faala o beè, wee wi kacàngēle kpéʔele lè í, àlí syɔɔn nibin.

Ŋúnuyi 82:5

Cánna o nyɛ be ma í, sícilimɛ o nyɛ be ma í, pe i táanri ni máari yébilimi ni. Tári kàpɔɔnbēle myɛ n cúngo.

Kàseegèle 28:5

Syɛɛnpeebèle ga kasinnɛ cán í, kàjáa Yawe caafɔbèle n kérigèle myɛ cán.

Ezayi 1:3

Nɔ̀ɔ n wi kàfɔw cán, a jòfani wi kàfɔw cán, wee wi wi kaangi wi i líi lè, kàjáa Isirayɛli ga yafyɛn cán í, mii syɛ́ɛnbèle ga yarigaa cán í.»

Ezayi 27:11

Káganbiiri ga waʔa lǎli ni lè, pe n di kabagi. Càbala n baa naà le di na. Sícilimɛ fun syɛ̀ɛnnɛ bɛɛ, koro na wee wi be faan lè, wi ga nyinimɛ taa be na í, wee wi be sámaga lè, wi ga nyɔɔ be na í.

Zyeremii 10:8

Pe myɛ n pínɛ n pye nidoliyo, ní nilabalaya, gee ki gi tɛ̀ɛn lè pe i nyɛ gbanzan koro gi nyɛ tíigi.

Zyeremii 13:23

A Etyopii ye wóo a gbǎn wi césaligi kàriga lé, wàlá sèjɔɔn í wi tɛɛ̀nyɔngɔ-nyɔngɔyi kàriga? Koro na yele bele ye tàli kapeeyi pyele na lè, yele a gbǎn kacànna kpéʔele í.

Zyeremii 2:8

Sáriga-wòlobèle ga gi joo níì jo: ‹Sán Yawe nyɛ í?› Làlwaw kɔ́rɔjoofɔɔlɔ ga mii cán í. Bànaʔabèle n mii cée. Kanyaajoobèle i kérigèle nyaagi ni nyuu Baali mɛ́ɛgi na. Pe n peyɛɛ daʔa fànʔa fun yáriya na.

Zyeremii 4:21

Làla jòorí mii a kòro bàā dìrapow nyaagi si wɔ́ɔ kòro bàā tòmaagi wìimɛ lúro?

Zyeremii 5:21

Ye gee naa lóʔo, syɛɛnfele-labalaga, ní funvɔ̀nbēle! Nyapiigèlē i be na, pe si o nyaagi í, líiweegéle i be na pe si o lúro í.

Zyeremii 5:4

Mii maa ni gi nyuu níì jo: «Wobiigèle kèle gɛɛ, ke i cúromɔ naʔama náari, níì cán pe ga Yawe kólogi cán í, ki lè pe Kolocɔlɔw làlwa kèlē.

Zyeremii 9:2

«Pe nyíngèle n kíle n yaʔa àmɛɛ sedege nyɛ lè jànvaaw kéele na. Ki o nyɛ kányɛɛgi kéele na be fànʔa taa tári ni í. Níì cán pe i peemaa fàrá pàa na, mii si na, pe ga mii cán í,» Yawe wi jo nya.

Zyeremii 9:3

«Syɔɔn o syɔɔn n yɛlɛ waa wiyɛɛ kɔ̀rɔsíi wi tàannyɛnnɛ na, wi a kɔ́ wiyɛɛ yaʔa wi senyɛnwaa faala na í. Níì cán senyɛnbèle myɛ i nyɛ námarafɔɔlɔ, tàannyɛnbèle myɛ i mɛ́ɛyi kálagi ni máari.

Zyeremii 9:5

Mɔ tɛɛkòrogi i nyɛ námaraw nínge ni. Fáanagi báriga ni pe ga fɔ̀lɔ bi mii cán í,» Yawe wi jo nya.

Ezekyɛli 16:30

Mɔ fúngi fànʔa wéle àmɛɛ gi tɔ̀nɔ n cɛ́rɛ lè› Kàfɔw Yawe wi jo nya, ‹àmɛɛ mɔ kérigèle bee myɛ kpéʔele lè n yɛlɛ ní nànjaa-sanbali kapyele ní!

Oze sɛ́bɛw 4:1

Ye Yawe syɛ́ɛnri lóʔo, yele Isirayɛli pìíbèle! Níì cán kútii i nyɛ Yawe ma tári syɛ̀ɛnnɛ kánma na. Níì cán wi n jo: «Kányɛʔɛ o beè í, funvii o beè í, Kolocɔlɔɔ cánna o nyɛ tári ni í.

Oze sɛ́bɛw 4:6

Mii syɛ́ɛnbèle i kúu cánni fɔ̀ngɔ kéele na. Níì cán mɔ n cánni cée, mii a wɔ́ɔ mɔ cée, si mɔ yirige sáriga-wòlori fáli ni. Amɛɛ mɔ fɛ̀ʔɛ mɔ Kolocɔlɔw làlwa na lè, mii a wɔ́ɔ fɛ̀ʔɛ mɔ piibèle na.

Oze sɛ́bɛw 5:4

Pe kapyegèle i be yéregi pe lúrubanni na pe Kolocɔlɔw ma, níì can kanɔnʔɔri sɔ̀ngurɔ i nyɛ pe níngi ni. Ncan pe ga Yawe cán í.

Amɔsi 3:10

Pe ga kasinnɛ kpéʔeleganma cán í. Pe i fànʔa-na-yasyɔɔri ní kàyuugi yárira kpoʔolo be kpaakpoloyi ni,» Yawe wi jo nya.

Misye 2:1

Wɔʔɔlɔ a pye bele na be sìnzinmi pyeganma sɔ̀ngí lè, ní i kapeegi kpéʔeleganma tímana ni yaari n be yaʔa pe yasinɛyi na! Nyǐngi ga tali, lǎli ni gi kpéʔeleli fànʔa ga pye be ma lè pe n gi foro.

Misye 7:3

Pe kɔ́yi n wári kapeʔe pyele kurugo, fànʔafɔbili i yariraa caa fànʔa na, kútiijoow i fáliw pingi yakaanra kéele na, syɛɛnkpɔɔw wɔ́ɔ i wi fúngi yanidaanmaga caa, kánmi bee na pe myɛ wɔ́ɔ kanijanna na.

Luki 16:8

A kàfɔw bee wi lɔ́ri kakarigaɔ kpɔ́ʔɔ, woro wee wi pye lè syɛɛnnaa-sìnzinw, àmɛɛ wi gee bee kpéʔele lè ní sícilimɛ ní. Níì cán dulunyanw naa pìibēle n cìlige n be syɛɛnnyɛnbèle kèlē cán n sɔ̀lɔ gbɛ̀ɛ́nmi pìibēle na.

Zyan 16:3

Pe a ba ra kérigèle bee kpéʔele yele na níì cán pe ga Tofɔw cán í, pe ga wɔ́ɔ̀ mii cán í.

Wɔrɔmi ye 1:22

Pe maa ni peyɛɛ yiri kacanbèlē, kàjáa pe n baa pye nilabalabéle.

Wɔrɔmi ye 1:28

Pe ga fɔ̀lɔ n Kolocɔlɔɔ kéeli yaʔa peyɛɛ fúnyi ni í, gee bee na Kolocɔlɔɔ be yaʔa be fɛ̀ɛfɔnmi sɔ̀ngurɔ kɔ́yɔ ni, koro ga pye paa kanaa-sìnbyeri kpéʔele.

Wɔrɔmi ye 16:19

Amɛɛ yele lúro lè Kàfɔw ma, syɛ́ɛnbèle myɛ n gee bee cán. Gee bee na mii i fundaanra kpéʔele yele kéeli na, ní si i caa yele í pye sícilimɛ fɔ̀ɔlɔ kacànbyeri kàbaan na, si pye tɛɛkolobile fun kapeebyeri kàbaan na.

Wɔrɔmi ye 3:11

Syɔɔn faala o beè, wee wi keele kɔ́rɔ cán lè í, wàlá wee wi Kolocɔlɔɔ caa lè í.

1 Korɛnti ye 14:20

Ni senyɛ̀nnɛ, yele a kɔ́ pye pìibēle kútiiw cerile kabaan na í, kàjáa ki n yɛlɛ ye pye pìipiigéle kakolobyeri kàbaan na, yé pye wolɛɛbèlē kútiiw cerile kabaan na.

Làlwaw Kaanziin 32:28

Níì cán syɛɛnfelegaa gii, gee ki gi láliiw téeri ni kiyɛɛ pùuní lè. Sícilimɛ o nyɛ be ni í.

Làlwaw Kaanziin 32:6

Yawe na lé yele jo bi gi taʔa, mɔ syɛɛnfele-nilabalaga, ki lè sícilimɛ fun? Woro ban wi nyɛ mɔ Tóow ní mɔ Faanfɔw ì? Ba woro ban wi mɔ kpéʔele níì fànʔa le mɔ ni ì?