Zyeremii 4:2 - Cebaara Bible 2010

² mɔ ga ni kɛ̀ɛ́ níì jo: ‹Yawe woweew mɛ́ʔɛ na› ní funviire, ní kányɛʔɛ, ní sínnɛ ni, lǎli bee ni syɛɛnfeleyi a ra dùbaw kpéʔele yiyɛɛ ma wi ni, yi a ra yiyɛɛ gbɔ́ʔɔgi wi ni.»

Zyeremii 4:2 Iomraidhean Croise

Sélimɛ 22:18

Mɔ yodaʔayi kéele ní tári syɛɛnfeleye myɛ a ba ra dùbaw kpéʔele yiyɛɛ ma, níì cán mɔ n lóʔo mii ma.»

1 Fànʔafɔbèle 3:6

A Salomɔn wi yari: «Mɔ n kacàngbɔʔɔ kpéʔele mɔ falipyew Davidi na wi lè mii tóow, àmɛɛ wi da ni táanri lè mɔ yɛ́ʔɛ ma kányɛɛgi, ní sínni, ní funviiri na. Mɔ n kacàngbɔɔgi bee kɔn wi kéeli na níì jaafɔlɔ kaan wi ma, wee wi tɛ́ɛn wi fàngoli na lè, àmɛɛ gi kpéʔele lè níjanʔa.

Ŋúnuyi 72:17

Wi mɛ́ɛgi a kòro yaà làla o làla, wi mɛ́ɛgi a mɔn beè àmɛɛ cángi nyɛ lè. Woro bárigaw ni tári syɛ̀ɛnnɛ a ba ra dùbaw kpéʔele peyɛɛ ma, syɛɛnfeleyi a ba ra wi yiri dùba pyà.

Ŋúnuyi 99:4

Mɔ wi nyɛ Fànʔafɔw, wee má séew nyɛ lè, á kútiisinw wɔ́ɔ̀ wi dɛ́nɛ! Mɔ wi kányɛɛgi báragi, mɔ wi kányɛɛgi kèlē ní sínni kèlē kpéʔele Zyakɔbi ni.

Ezayi 45:23

Mii n kàli niyɛɛ na, syɛɛnsinre i yirigi mii tiimaa nyɔ́ɔgi ni, dee di lè ti a gbǎn sàa í, ti n jo: ‹Pe myɛ a ra yégunri cáan mii yɛ́ʔɛ ma. Mii na nyíngèle myɛ a ra kɛ̀ɛ́.›

Ezayi 45:25

Yawe bárigaw ni Isirayɛli yòdaʔayi myɛ a sínni taa, sáā yiyɛɛ gbɔ́ʔɔgi.

Ezayi 65:16

Wee wi ga ni caa woro í dùbaw taa tári ni lè, wi a ra caa kányɛɛgi Kolocɔlɔɔ í dùbaw kpéʔele woro ma, ní wee wi ga ni kɛ̀ɛ́ tári ni lè, wi a ra kɛ̀ɛ́ kányɛɛgi Kolocɔlɔɔ mɛ́ɛgi na. Níì cán fɛ̀ʔɛlɛ a pye wɔʔɔzɔlɔgwɔɔyi kéele na, yi a tɔ́n mii yɛ́ʔɛ ma.

Zyeremii 10:10

Kàjáa Yawe i nyɛ Kolocɔlɔɔ kányɛʔɛ na, woro wi nyɛ Kolocɔlɔɔ woweew, ní bàngwɔɔ fànʔafɔw. Tári i cɛ̀lɛ́ wi fundanʔari yɛ́ʔɛ ma, wi fundanʔagbɔɔri o kúngu syɛɛnfeleyi ni í.

Zyeremii 12:15

Lǎlee ni si mii ga be kíle n yirige yaà lè, mii a ní nyinimɛ taa be na, si ní be lúrugo be pan pe myɛ nibin nibin be kɔriyɔ ma, pe myɛ nibin nibin be tára ma.

Zyeremii 12:16

Pe ga baa mii syɛ́ɛnbèle kóloyo tama yákirii na, ní i kɛ̀ɛ́ mii mɛ́ɛgi na níì jo: ‹Yawe woweew mɛ́ʔɛ na!› Amɛɛ pe da mii syɛ́ɛnbèle tama pe i kɛ̀ɛ́ Baali mɛ́ɛgi na lè, lǎli bee ni pe a sámaga tɛ́ɛn mii syɛ́ɛnbèle nínge ni.

Zyeremii 16:19

«Yawe, mɔ wi nyɛ mii fǎngi, ní mii Kènirigi, ní mii tɛɛlàragi wɔʔɔgi canʔa na, syɛɛnfeleyi a ra yìrigí yaà tári láʔagéle ma bàā maa mɔ ma, yi a ba ra gi nyuu si jo: ‹Kɔrigɔ ga pye wolo tóolɛɛbèle ma námaraw kàdoʔo na í, gbanzan yáriyi yi lè yi a gbǎn yafyɛn nyɔɔ í.›

Zyeremii 3:17

Lǎli bee ni pe a ra Zyerusalɛmi yiri «Yawe Fàngoli.» Syɛɛnfeleyi myɛ a ra kpóʔoro yaà Yawe mɛ́ɛgi na Zyerusalɛmi ma. Pe a ní peyɛɛ daʔa pe funbeeyi nàʔagbanma na í.

Zyeremii 33:9

Kěgi naa a pye mii ma fundaanra yáriga bi pye sòololo, ní fèrere yáriga, tári syɛɛnfeleye myɛ nínge ni, yoro yee yi a kacǎngèle myɛ kéele lóʔo, gele mii kpéʔele be na lè. Fyáari a tɔ̀nɔ́ be cò paa cɛ̀lɛ́, kacǎnyi myɛ, ní ŋɔ́ndaali myɛ kéele na mii kaangi be ma lè.›

Zyeremii 5:2

Alí pe ga ni gi nyuu níì jo: ‹Yawe woweew mɛ́ʔɛ na!› Jànvaa kàliga be kɛ̀ɛ́.»

Zyeremii 7:5

Yele ga yele kóloyi, ní yele nàʔami fàli kányɛʔɛ na, yele ga ni síngi yeyɛɛ ma kányɛʔɛ na,

Zyeremii 9:24

«Wéle, canyaa i maa,» Yawe wi jo nya, «yee ni mii a keele tɛ́ʔɛ kɛ́nɛkpeʔelebèle na, bele be lè kɛ́nɛkpeʔelebéle céri na yagana,

Oze sɛ́bɛw 2:19

Mii a Baalibèle mɛ́ɛyɛ kwɔ́ɔ yirige wi nyɔ́ɔgi ni, àlí pe a ní sɔ̀ngí taa pe mɛ́ɛyi na í.

Zyowɛli 2:12

Yawe n jo: «Tɔ́ɔliw naa ni, ye lúru ye pan mii ma ní yele fúnyi myɛ ní, ní súnlere, ní nyatinmɛ, ní peelele ní!»

Zakarii 8:8

Mii a be lúrugo pan, pe a ba tɛ́ɛn Zyerusalɛmi níngi ni. Pe a pye mii syɛ́ɛnbèle, mii si pye be Kolocɔlɔw kányɛɛgi, ní sínni na.»

Malasyii 1:11

Níì cán n séli canʔafolomɔ ma n sáà nan canʔajeemɛ na, mii mɛ́ɛgi n kpɔ́ʔɔ syɛɛnfeleyi nínge ni. Pe i nùndaanni yáriga sórogi tɛ́ɛyi myɛ ni mii mɛ́ɛgi kpɔ̀ʔɔrɔlɔ kéele na, pe i maa ní fɔɔnrɔ fun yakaanyi ní mii ma. Níì cán mii mɛ́ɛgi n kpɔ́ʔɔ syɛɛnfeleyi nínge ni.» Yawe wi lè Nyɛ̀ʔɛni Sùlasiibéle Kafɔlɔ, woro wi jo nya.

1 Korɛnti ye 1:31

koro na gi yɛlɛ waa gi kpéʔele àmɛɛ gi sɛ́bɛ lè níì jo: «Wàa ga ni wiyɛɛ gbɔ́ʔɔgi, ki n yɛlɛ waa wiyɛɛ gbɔ́ʔɔgi àmɛɛ wi nyɛ lè Kàfɔw ni.»

2 Korɛnti ye 10:17

«Wee wi wiyɛɛ gbɔ́ʔɔgi lè, ki n yɛlɛ waa wiyɛɛ gbɔ́ʔɔgi Kàfɔw ni.»

Galasi ye 3:8

Kolocɔlɔɔ maa téè gi tɛ̀ɛn wi Syɛɛnsɛ́bɛri ni àmɛɛ woro a ba sínni kaan syɛɛnfeleyi ma lè tágali báriga ni, gee bee na wi da Syɛɛnjóocǎnri naa joo Abirahami ma sáni gi ba kpéʔele lè níì jo: «Mɔ ni syɛɛnfeleyi myɛ a ba dùbaw taa.»

Làlwaw Kaanziin 10:20

Da fɛ̀ɛgí Yawe mɔ Kolocɔlɔw na, máā wi fáliw kpéʔele mí tan woro na, máā kɛ̀ɛ́ woro mɛ́ɛgi na.

Làlwaw Kaanziin 4:30

Bi mɔ yaʔa mɔ wɔʔɔgi ni, kérigèle bee myɛ a mɔ taa. Kàjáa canzanyi ni mɔ a lúru pan Yawe mɔ Kolocɔlɔw ma, mɔ a ba ra lúro wi ma.

Làlwaw Kaanziin 6:13

Da fɛ̀ɛgí Yawe mɔ Kolocɔlɔw na, woro yagana má mɔ yɛlɛ bàā báara sáā kɛ̀ɛ́ wi mɛ́ɛgi na.

Filipikaʔa ye 3:3

Níì cán wolo bele wo Kolocɔlɔɔ kpɔ̀ʔɔrɔ́ lè wi Pǐli báriga ni, ní i nyɔ̌ngbɔɔlɔ táanri àmɛɛ wolo nyɛ lè Kirisi Zyezu ni, níì wolo sɔ̀ngumi láʔa céri kèlē na, wolo wo nyɛ kɛ́nɛtelew kpéʔelefɔɔlɔ.

Wuruti 3:13

Syɔ́ɔn nɛɛ naa yébiligi ni. Nyǐngi ga tali, wee bee ga fɔ̀lɔ bi wi nyùnzyɔɔri fànʔa kéele kpéʔele mɔ kabangi na, gee bee a nyɔɔ, wi gi kpéʔele. Wi si ga pye wi ga fɔ̀lɔ bi gi kpéʔele í, mii a gi joo mɔ ma Yawe woweew mɛ́ʔɛ na, mii a gi kpéʔele mɔ kabangi na. Sínɛ mi kòro beè bi taa nyǐngi í tali.»

1 Samyɛli 20:3

A Davidi kàligi naa kàli níì jo: «Mɔ tóow n gi cán kányɛʔɛ na ncan mii kéeli n kpɔ́ʔɔ mɔ ma, koro na wi a jo: ‹Zyonatan ga yɛlɛ wi gi cán í, gee bee a pye wi ma funbɛɛnrɛ.› Mii si a tɔ̀nɔ́ gi joo mɔ ma àmɛɛ Yawe nyɛ lè sìi na, ní àmɛɛ mɔ nyɛ lè sii na, nyɔ̌nlaala nibin li kòro mii ní kùúw nínge ni.»